Dishwasher Tips: ప్రస్తుత రోజుల్లో చాలా కుటుంబాలు తమ వంటగదిలో డిష్ వాషర్లను వినియోగిస్తున్నాయి. వంటగది సింక్ లోకి వచ్చిపడిన అంట్లను.. డిష్ వాషర్లలో పడేసి వాటిని శుభ్రం చేయిస్తున్నారు. అయితే డిష్ వాషర్లను ఏ విధంగా ఉపయోగించాలన్న దానిపై చాలా మందిలో సరైన అవగాహన ఉండటం లేదని నిపుణులు అంటున్నారు. స్వీయ తప్పిదాలతో వాటి మన్నికను దెబ్బతీస్తున్నారని చెబుతున్నారు. ఈ నేపథ్యంలో డిష్ వాషర్ల విషయంలో సాధరణంగా చేసే తప్పులు? వాటి మన్నిక పెంచే 4 ప్రధాన చిట్కాలను ఈ కథనంలో పరిశీలిద్దాం.
డిష్ వాషర్ లో గిన్నెలను ఏ విధంగా అమరుస్తారన్నది చాలా ప్రధానమైనది. అడుగున ర్యాక్ లో(Bottom Rack) ప్లేట్లు, పెద్ద గిన్నెలు కడాయిలను పెట్టాలి. పై ర్యాక్ లో కప్పులు, గ్లాసులు, చిన్నపాటి గిన్నెలను ఉంచాల్సి ఉంటుంది. ముఖ్యంగా గిన్నెలను బోర్లించి (Upside down)పెట్టాలి. అప్పుడే నీరు లోపలికి వెళ్లి శుభ్రం చేస్తుంది. ఎక్కువ అంట్లు ఉన్నాయని ఒకదానిపై ఒకటి పెట్టడం వల్ల నీరు సరిగ్గా గిన్నెలకు తగలదు. దీనివల్ల వంట పదార్థాలు అలాగే ఉండిపోయి బ్యాక్టీరియాకు ఆవాసాలుగా మారతాయి. తద్వారా మీకు ఆనారోగ్యాన్ని గురిచేస్తాయి. అదే సమయంలో పరిమితికి మించి గిన్నెల వేయడం వల్ల మిషన్ పై ఒత్తిడి పెరిగి.. దాని మన్నిక దెబ్బతినవచ్చు.
సాధారణంగా సింక్ లోని వంటపాత్రలను అలాగే తీసుకెళ్లి డిష్ వాషర్ లో పెడుతుంటారు. ఇది సరైన విధానం కాదు. ఎండిపోయిన అన్నం మెతుకులు, కూర ముక్కలను (Food Scraps) స్పూన్తో తీసేసి డిష్వాషర్లో పెడితే మంచిది. ఇలా చేయడం వల్ల డిష్ వాషర్లు గిన్నెకు అంటిన నూనె, జిడ్డుపై సమర్థవంతంగా పనిచేసి వదలకొడతాయి. ఒకవేళ ఆహార పదార్థాలతో అలాగే డిష్ వాషర్ లో పెడితే ఫిల్టర్ బ్లాక్ అయ్యే ప్రమాదముంది. అలాగే అధిక మెుత్తంలో నీరు ఖర్చు కొవొచ్చు.
మనం చేత్తో కడిగే సాధారణ లిక్విడ్ సబ్బులు డిష్వాషర్లో వాడకూడదు. మార్కెట్ లో లభించే డిష్వాషర్ టాబ్లెట్స్ లేదా పౌడర్ ను మాత్రమే వాడాలి. మరోవైపు రిన్స్ ఎయిడ్ వంటి ప్రొడెక్ట్స్ గిన్నెలు త్వరగా ఆరిపోవడానికి వాటిపై నీటి చారలు పడకుండా ఉండటానికి దోహదం చేస్తాయి. అలాగే ‘డిష్వాషర్ సాల్ట్’.. నీటిలోని కఠినత్వాన్ని తగ్గించి మెషీన్ పాడవకుండా చూస్తుంది.
సాధారణగా ప్రతీ డిష్ వాషర్ అడుగు భాగంలో ఒక ఫిల్టర్ ఉంటుంది. వారానికి ఒకసారి ఆ ఫిల్టర్ను తీసి శుభ్రం చేయండి. ఫిల్టర్ శుభ్రంగా ఉంటేనే బ్యాక్టీరియా చేరకుండా ఉంటుంది. గిన్నెలు వాసన రాకుండా మెరుస్తాయి.
Also Read: AC Cleaning Tips: ఏసీ కూలింగ్ రావట్లేదా? ఈ టిప్స్ ఫాలో అయిపోండి.. దెబ్బకు సెట్ అవుతుంది!
అధునాతన డిష్ వాషర్లలో గిన్నెలను శుభ్రం చేసే అడ్వాన్స్డ్ ఫీచర్లు ఉన్నాయి. గిన్నెలు బాగా మురికిగా, జిడ్డుగా అనిపిస్తే ‘Heavy Duty’ లేదా ‘Intensive’ మోడ్ను ఉపయోగించండి. తక్కువ గిన్నెలు ఉన్నప్పుడు ‘Eco Mode’ వాడితే కరెంటు, నీరు ఆదా అవుతాయి.
Also Read: Dishwasher vs Hand Washing: అంట్లు తోమడానికి .. రెండింటిలో ఏది బెస్ట్.. పైచేయి మనిషిదా? మిషన్దా?
Share
Divvala Madhuri: తిరుమల వివాదం దివ్వెల మాధురి తనూజ పై కేసు నమోదు ..
Ustaad Bhagat Singh: పవన్ కళ్యాణ్ ‘ఉస్తాద్ భగత్ సింగ్’ ప్రీ రిలీజ్ ఈవెంట్ ఎప్పుడంటే?..
