Home Appliance Repair: ఇంట్లో ఫ్రిజ్, ఏసీ, వాషింగ్ మిషన్, టీవీ వంటి గృహోపకరణాలు (Home Appliances) హఠాత్తుగా చెడిపోతే వచ్చే తిప్పలు అన్నీ ఇన్నీ కావు. వెంటనే వాటిని బాగు చేయించడానికి సాధారణంగా మనముందు రెండు ఆప్షన్లు ఉంటాయి. ఒకటి సదరు కంపెనీ అధికారిక టెక్నీషియన్‌ను పిలవడం, రెండోది ఇంటికి దగ్గరలో ఉండే లోకల్ మెకానిక్‌ను సంప్రదించడం. అయితే ఈ రెండింటిలో ఎవరితో రిపేర్ చేయించుకుంటే ఎలాంటి లాభాలు? నష్టాలు? ఉంటాయో ఈ కథనంలో పరిశీలిద్దాం.
రిపేర్ వచ్చిన వస్తువులు వారంటీ పీరియడ్ లో ఉంటే.. కళ్లుమూసుకొని కంపెనీ టెక్నీషియన్‌ను సంప్రదించవచ్చు. ఎందుకంటే వారంటీ సమయంలో ఉచితంగా లేదంటే చాలా తక్కువ ధరకే రిపేర్ పూర్తవుతుంది. పైగా కంపెనీ టెక్నీషియన్లు ఒరిజినల్ స్పేర్ పార్ట్స్ నే ఉపయోగిస్తారు. దీని వల్ల వస్తువు మన్నిక మరింత పెరుగుతుంది. అంతేకాకుండా కంపెనీ టెక్నీషియన్లు ప్రత్యేకమైన శిక్షణ పొంది ఉంటారు. ప్రొడక్ట్ లోని సమస్యను వేగంగా గుర్తించి.. వారు ఈజీగా పరిష్కరించేస్తారు. అయితే కంపెనీ సర్వీస్ ఛార్జీలు, విడిభాగాల ధరలు లోకల్ మార్కెట్ కంటే చాలా ఎక్కువ ఉండటం కాస్త ఇబ్బంది పెడుతుంది. ఒక్కోసారి వీరు రావడానికి 2-3 రోజులు సమయం పట్టడం కూడా ఒక లోపంగా చెప్పవచ్చు.
లోకల్ మెకానిక్స్ అవసరానికి అందుబాటులో ఉంటూ.. తక్కువ ఖర్చులోనే రిపేర్ చేసేస్తుంటారు. మనం ఫోన్ చేయగానే గంటల వ్యవధిలోనే ఇంటికి వచ్చి వస్తువును పరిశీలిస్తారు. అత్యవసర సమయాల్లో ఇది బాగా ప్లస్ అవుతుంది. పైగా కంపెనీలతో పోలిస్తే వీరి సర్వీస్ ఛార్జీలు చాలా తక్కువ. అలాగే తక్కువ ధరలో దొరికే విడిభాగాలను కూడా వీరు ఎంతో నైపుణ్యంతో ఫిక్స్ చేసేస్తారు. ఇక లోపాల విషయానికి వస్తే.. వీరు వాడే స్పేర్ పార్ట్స్ పై గ్యారంటీ ఉండదు. కొన్నిసార్లు నకిలీ పార్ట్స్ వేస్తే వస్తువు పూర్తిగా పాడైపోయే ప్రమాదం ఉంటుంది. అత్యాధునిక స్మార్ట్ ఏసీలు, టీవీల గురించి లోకల్ మెకానిక్స్ ఏమాత్రం అవగాహన ఉండకపోవడం కూడా మైనస్ గా చెప్పవచ్చు.
Also Read: జాబ్ చేస్తూనే ఎక్స్‌ట్రా ఇన్‌కమ్ కావాలా? నెలకు రూ.20,000 వచ్చే.. 5 తేలికైన మార్గాలు ఇవే!
హోమ్ అప్లయన్స్ కొత్తదైనా, వారంటీలో ఉన్నా, ఖరీదైనదైనా కంపెనీ టెక్నీషియన్ చేత రిపేర్ చేయించుకోవడమే మంచిదని నిపుణులు సూచిస్తున్నారు. అలా కాకుండా వారంటీ అయిపోయిన పాత వస్తువులు, చిన్నపాటి రిపేర్లు ఉంటే లోకల్ మెకానిక్‌తో తక్కువ ఖర్చులోనే పని కానిచ్చేయవచ్చని హితవు పలుకుతున్నారు. వస్తువు విలువ, బడ్జెట్‌ను ఏది సరైనదో సొంతంగా నిర్ణయింకోవాలని స్పష్టం చేస్తున్నారు.
Also Read: రూ. 999 కే శాంసంగ్ ఫోల్డబుల్ ఫోన్లు.. ఇప్పుడే బుక్ చేసుకోండి.. బెనిఫిట్స్ కొట్టేయండి!
Share
బయట కొంటే ₹1800.. ఇక్కడ ₹1350 మాత్రమే! డీఏపీ బస్తాల కోసం ఎగబడ్డ రైతులు.. ఏం జరిగిందంటే?
ప్రపంచంలో పవర్‌ఫుల్ పాస్ పోర్టులు ఇవే.. టాప్ 10లో 9 ఐరోపా దేశాలే, మరి ఇండియా?
