CMF Watch 3 Pro: ప్రస్తుతం మార్కెట్లో రకరకాల బడ్జెట్ స్మార్ట్వాచ్లు అందుబాటులో ఉన్నాయి. అయితే, తక్కువ ధరలో మంచి క్వాలిటీ ఉన్న వాచ్ను వెతుక్కోవడం మాత్రం కాస్త కష్టమైన పనే. చాలా బడ్జెట్ వాచ్లలో బిల్డ్ క్వాలిటీ అంతగా ఉండదు. పైగా వాటి యూజర్ ఇంటర్ఫేస్ (UI) కూడా వాడుకకు అంతగా బాగుండదు. ఇలాంటి సమయంలోనే నథింగ్ సబ్ బ్రాండ్ అయిన CMF నుంచి Watch 3 Pro మార్కెట్లోకి వచ్చింది.
ఈ CMF Watch 3 Pro మొదటిచూపులోనే ఎవరినైనా ఆకట్టుకుంటుంది. చాలా బడ్జెట్ వాచ్లలో కనిపించే ప్లాస్టిక్ లుక్ కాకుండా.. ఇది చాలా ప్రీమియంగా అనిపిస్తుంది. చేతికి పెట్టుకుంటే క్లాసీ లుక్ ఇస్తుంది. డిజైన్ పరంగా నథింగ్ బ్రాండ్ తమ ప్రత్యేకతను ఇందులోనూ స్పష్టంగా చూపించింది.
చాలా స్మార్ట్వాచ్లలో మెనూలు సరిగా ఉండవు. కానీ దీని స్క్రీన్ చాలా క్లీన్గా, స్పష్టంగా ఉంటుంది. యాప్లు ఓపెన్ చేయడం లేదా నోటిఫికేషన్లు చూసుకోవడం చాలా సులభం. ఏమాత్రం లాగ్ లేకుండా స్క్రీన్ స్మూత్గా పనిచేస్తుంది. కొత్తగా వాడేవారికి కూడా ఇది చాలా త్వరగా అలవాటైపోతుంది.
Also Read: స్క్రీన్తో వస్తున్న Apple HomePod.. వాయిస్ కంట్రోల్కి గుడ్బై చెప్పాల్సిందేనా?
మనం యాపిల్ వాచ్ లేదా గార్మిన్ వంటి అత్యంత ఖరీదైన వాచ్లతో దీన్ని పోల్చలేం. కానీ రోజువారీ అవసరాలకు, ఫిట్నెస్ ప్రేమికులకు ఇది చాలా బాగా ఉపయోగపడుతుంది. మనం నడిచే అడుగులు, హృదయ స్పందన రేటు (హార్ట్ రేట్) వంటి వివరాలను ఇది దాదాపు ఖచ్చితంగా చూపిస్తుంది. వర్కౌట్స్ చేసేవారికి ఇది మంచి భాగస్వామిలా పనిచేస్తుంది.
రోజు రోజుకీ ఛార్జింగ్ పెట్టే అవసరం లేకుండా ఈ వాచ్లో బ్యాటరీ టైమప్ చాలా బాగుంది. ఒక్కసారి ఛార్జ్ చేస్తే రోజంతా హ్యాపీగా వాడుకోవచ్చు. రూ.8,000 లోపు ధరలో మంచి లుక్, క్లీన్ సాఫ్ట్వేర్, నమ్మకమైన హెల్త్ ట్రాకింగ్ కావాలనుకునే వారికి ఈ CMF Watch 3 Pro ఖచ్చితంగా ఒక మంచి ఆప్షన్ అని చెప్పవచ్చు.
Also Read: 120Hz డిస్ప్లే, 5000mAh బ్యాటరీ.. HMD నుంచి 3 పవర్ఫుల్ ఫోన్లు వచ్చేస్తున్నాయ్!
Share
సైలెంట్ గా ఓటీటీ స్ట్రీమింగ్ డేట్ లాక్ చేసుకున్న రష్మిక 'కాక్ టెయిల్ 2' మూవీ!
కారుతో మైనర్ బీభత్సం.. 7 బైకులు ధ్వంసం, ఇద్దరికి తీవ్ర గాయాలు!
