Satellite Calling Infinix| స్మార్ట్ఫోన్ కంపెనీ ఇన్ఫినిక్స్ తమ కొత్త టెక్నాలజీ రోడ్మ్యాప్ను ప్రదర్శించింది. అనేక ధైర్యమైన ఆవిష్కరణలతో అందరి దృష్టిని ఆకర్షించింది. ప్రధానంగా త్వరలో లాంచ్ కానున్న ఇన్ఫినిక్స్ నోట్ 60 సిరీస్ స్మార్ట్ఫోన్లను పరిచయం చేసింది. ఈ సిరీస్ను కంపెనీ తమ తదుపరి మెయిన్స్ట్రీమ్ ఫ్లాగ్షిప్ ఫ్యామిలీగా ప్రకటించింది. అడ్వాన్స్డ్ కనెక్టివిటీ, కూలింగ్, డిజైన్, మాడ్యులర్ AI వంటి టెక్నాలజీలను ప్రదర్శించారు. ఈ ఫీచర్లు రాబోయే నోట్ 60 సిరీస్ ఫోన్లలో కనిపించవచ్చు.
ఇన్ఫినిక్స్ నోట్ 60 సిరీస్ ఫోన్ల్లో శాటిలైట్ కాలింగ్, మెసేజింగ్ ఫీచర్ ఉంటుందని కంపెనీ ధృవీకరించింది. ఇది ఇన్ఫినిక్స్ మొదటి కన్స్యూమర్ గ్రేడ్ శాటిలైట్ ఫోన్ సిరీస్. ఈ శాటిలైట్ నెట్వర్క్ భూమిలో దాదాపు రెండు వంతుల భాగాన్ని కవర్ చేస్తుంది. రెండు వైపులా వాయిస్ కాల్స్, మెసేజింగ్కు 4kbps స్పీడ్ ఉంటుంది. శాటిలైట్ సర్వీస్ ఉపయోగించడానికి ప్రత్యేక రిజిస్ట్రేషన్ అవసరం లేదు. సెల్యులార్ నెట్వర్క్, శాటిలైట్ మధ్య ఆటోమాటిక్గా మారుతుంది. రిమోట్ ప్రాంతాలు, నెట్వర్క్ డెడ్ జోన్లలో కనెక్టెడ్గా ఉండడానికి ఉపయోగపడుతుంది.
CES 2026లో ఇన్ఫినిక్స్ కొత్త హైడ్రోఫ్లో లిక్విడ్ కూలింగ్ ఆర్కిటెక్చర్ను పరిచయం చేసింది. స్మార్ట్ఫోన్లలో అత్యంత అడ్వాన్స్డ్ కూలింగ్ సిస్టమ్లలో ఒకటిగా చెప్పింది. డ్యూయల్ పైజోఎలెక్ట్రిక్ సిరామిక్ సింగిల్ పంప్ టెక్నాలజీ ఉపయోగించి ద్రవం త్వరగా సర్క్యులేట్ అవుతుంది. లాంగ్ గేమింగ్ లేదా హెవీ యూసేజ్లో హీట్ తగ్గుతుంది. బ్లేడ్ లేని పైజోఎలెక్ట్రిక్ ఫ్యాన్ కాన్సెప్ట్ కూడా చూపించారు. ఇది నిశ్శబ్దంగా హీట్ను తొలగిస్తుంది. ఎక్స్ట్రీమ్ వర్క్లోడ్లో స్థిరమైన పర్ఫామెన్స్ ఇస్తుంది.
నోట్ 60 సిరీస్ కోసం గేమింగ్ యాక్సెసరీలను ప్రదర్శించారు. ఇండస్ట్రీలో మొదటి స్ప్లిట్ కంట్రోలర్ డిజైన్ ఉంది. ప్రెషర్ సెన్సిటివ్ టచ్ప్యాడ్లు, వైర్లెస్ మాగ్నెటిక్ ట్రిగ్గర్లు ఉన్నాయి. లో లేటెన్సీ కంట్రోల్స్, త్వరిత రెస్పాన్స్ ఇస్తాయి. హై పర్ఫామెన్స్ హార్డ్వేర్ను గరిష్ఠంగా ఉపయోగించుకోవడానికి డిజైన్ చేశారు. లాంగ్ గేమింగ్ సెషన్స్లో కంఫర్ట్, ప్రెసిషన్ పెంచుతాయి.
యాక్టివ్ విజువల్ బ్యాక్ప్లేట్ టెక్నాలజీని పరిచయం చేశారు. ఫోన్ వెనుక ప్యానల్ రంగు, ప్యాటర్న్లు మారుతాయి. డిస్ప్లే వ్యూ, లైటింగ్, టెంపరేచర్ బట్టి మార్పులు వస్తాయి. థర్మోక్రోమాటిక్ ఇంక్, ఫోటోక్రోమిక్ లెదర్ మెటీరియల్స్ ఉపయోగిస్తారు. 3D విజువల్ ఎఫెక్ట్స్ చూపించారు. అదనపు పవర్ ఖర్చు లేకుండా పనిచేస్తుంది.
Also Read: దేశంలో మొట్టమొదటి ఏఐ క్లినిక్.. ప్రభుత్వ ఆస్పత్రిలో వేగవంతంగా డయాగ్నసిస్
నోట్ 60 సిరీస్ ఫోన్ల్లో AI మాడువర్స్ మాడ్యులర్ ఇన్ఫినిక్స్ ఈకోసిస్టమ్ను ప్రదర్శించారు. మాగ్నెటిక్గా అటాచ్ చేసే AI మాడ్యూల్స్ ఉన్నాయి. ఈ మాడ్యూల్స్లో మైక్ మాడు (Mic Modu), స్పోర్ట్స్క్యామ్ మాడు, మీటింగ్ మాడు, స్టాక్పవర్ మాడు, వ్లాగ్క్యామ్ మాడు వంటివి ఉన్నాయి. ప్రొడక్టివిటీ, కంటెంట్ క్రియేషన్, పవర్ మేనేజ్మెంట్ మెరుగవుతాయి. యూజర్లు తమ అవసరాలకు అనుగుణంగా కస్టమైజ్ చేసుకోవచ్చు.
నోట్ 60 సిరీస్ ధర, లాంచ్ డేట్స్ ఇంకా ప్రకటించలేదు. ఈ టెక్నాలజీలు భవిష్యత్తు స్మార్ట్ఫోన్ దిశను చూపిస్తాయని కంపెనీ చెప్పింది. నోట్ 60 అల్ట్రా కూడా స్టాండర్డ్ మోడల్స్తో పాటు రావచ్చు.
Share
Intinti Ramayanam Today Episode: హైదరాబాద్ కు తిరిగివచ్చిన రాజేంద్ర కుటుంబం.. శ్రీయ, పల్లవి రచ్చ.. చక్రధర్ మాస్టర్ ప్లాన్..
Hyderabad: ఆహార కల్తీపై సీపీ సజ్జనార్ సీరియస్ వార్నింగ్.. ప్రజల ప్రాణాలతో చెలగాటమాడితే జైలుకే
