Apple Siri AI Bot: అమెరికా టెక్ దిగ్గజం యాపిల్ యూజర్ల కోసం త్వరలోనే కీలక అప్డేట్ అందుబాటులోకి రానుంది. ఐఫోన్ ద్వారా వాయిస్ అసిస్టెంట్గా సేవలందించిన ‘Siri’ని పూర్తిగా ప్రక్షాళన చేసేందుకు యాపిల్ సిద్ధమవుతోంది. ఇప్పటివరకు కేవలం చిన్న చిన్న పనులకు మాత్రమే పరిమితమైన సిరిని.. ChatGPT వంటి అత్యుత్తమ AI Botలకు పోటీగా మార్చాలని కంపెనీ యోచిస్తోంది. దీనికోసం Google Gemini టెక్నాలజీని వాడుకోబోతున్నట్లు సమాచారం. ఈ మార్పుతో iPhone వాడకం మరో స్థాయికి చేరుకోనుందని చెప్పవచ్చు.
యాపిల్ అంతర్గతంగా ఒక భారీ ప్రాజెక్టుపై పనిచేస్తోంది. దీని ప్రధాన ఉద్దేశం సిరిని కేవలం ఒక వాయిస్ కమాండ్ టూల్గా కాకుండా.. ఇంటెలిజెంట్ కన్వర్జేషనల్ పార్ట్నర్గా మార్చడం. ప్రస్తుతం మనం అలారాలు పెట్టడానికో లేదా మెసేజ్లు పంపడానికో సిరిని ఉపయోగిస్తున్నాం. కానీ భవిష్యత్తులో రాబోయే అప్డేట్తో సిరి మనతో సహజంగా మాట్లాడగలు. మనం అడిగే క్లిష్టమైన ప్రశ్నలను అర్థం చేసుకోవడమే కాకుండా.. సందర్భాన్ని బట్టి సమాధానాలు ఇస్తూ ఒక మనిషితో మాట్లాడుతున్న ఫీల్ను కలిగిస్తుంది. ఐఓఎస్, ఐప్యాడ్ ఓఎస్, మాక్ ఓఎస్ వంటి అన్ని యాపిల్ డివైజ్లలో ఈ మార్పులు రానున్నాయి.
Also Read: ఇక గూగుల్ పే, ఫోన్ పేలకు చుక్కలే.. రంగంలోకి యాపిల్ పే, ట్యాప్ చేస్తే చాలు పేమెంట్ సక్సెస్!
రాబోయే AI ఆధారిత Siri ముందులా కంటే.. చాలా తెలివైనదిగా మారబోతోంది. ఇది కేవలం సమాచారాన్ని వెతకడమే కాకుండా.. భాకీ రిపోర్టులను స్పష్టంగా వివరించడం, ఈ-మెయిల్స్ రాయడంలో మనకు సహాయపడుతుంది. అన్నిటికంటే ముఖ్యమైన విషయం ఏమిటంటే.. ఇది మన డివైజ్లోని వ్యక్తిగత డేటాను మరింత మెరుగ్గా అర్థం చేసుకుంటుంది. అంటే.. క్యాలెండర్ షెడ్యూల్స్, ఫొటోలు, ఫైల్స్ను లోతుగా విశ్లేషించడం వంటివి. అయితే, ప్రతి విషయాన్ని విడమర్చి చెప్పకపోయినా మన అవసరాలను గుర్తించి పనులను చక్కబెడుతుంది.
టెక్ ప్రపంచంలో ప్రస్తుతం AI హవా నడుస్తోంది. శాంసంగ్ వంటి ఇతర దిగ్గజ సంస్థలు ఇప్పటికే తమ డివైజ్లలో అధునాతన AI ఫీచర్లను ప్రవేశపెట్టాయి. ChatGPT, Google Gemini వంటి టూల్స్ అందుబాటులోకి వచ్చాక Siri పనితీరు కాస్త వెనుకబడినట్లు కనిపిస్తోంది. అందుకే తమ వినియోగదారులను కోల్పోకుండా ఉండటానికి, మార్కెట్లో ఆధిపత్యాన్ని నిలబెట్టుకోవడానికి యాపిల్ ఈ సాహసోపేతమైన నిర్ణయం తీసుకున్నట్లు తెలుస్తోంది. జెమిని వంటి శక్తివంతమైన మోడల్ను సిరిలో చేర్చడం ద్వారా యాపిల్ తన ఏఐ సామర్థ్యాన్ని పెంచుకోవాలని చూస్తోంది.
ఈ కొత్త అప్డేట్కు సంబంధించి యాపిల్ ఇప్పటివరకు అధికారికంగా ఎలాంటి తేదీని ప్రకటించలేదు. అయితే త్వరలో జరగబోయే డెవలపర్స్ ఈవెంట్లో దీనిని ఆవిష్కరించే అవకాశం ఉందని టెక్ నిపుణులు అంచనా వేస్తున్నారు. కొత్త ఐఫోన్ మోడల్స్ లాంచ్ అయ్యే సమయానికి ఈ అడ్వాన్స్డ్ సిరి అందరికీ అందుబాటులోకి రావొచ్చు. ఇదే గనుక నిజమైతే.. ఐఫోన్ వినియోగదారులకు వారి రోజువారీ పనుల్లో ఓ సూపర్ ఇంటెలిజెంట్ అసిస్టెంట్ తోడుగా నిలవడం ఖాయం.
Also Read: రూ.12 కోట్లు.. 400 రత్నాలు.. వంతారా థీమ్తో అనంత్ అంబానీ కోసం అరుదైన వాచ్!
Share
Harish Rao: నోటీసుల డ్రామాతో బొగ్గు స్కామ్ ఆపలేరు.. సీఎం రేవంత్ రెడ్డికి హరీశ్ రావు సవాల్
TVK Party: టీవీకే విజయ్ ‘బిగిల్’ జోష్.. పవన్ కల్యాణ్ పంథాలో సక్సెస్ సాధ్యమేనా?
