Amazon Transformer Phone: దాదాపు పదేళ్ల క్రితం ‘ఫైర్ ఫోన్’తో మొబైల్ రంగంలోకి అడుగుపెట్టిన ప్రముఖ ఈ-కామర్స్ దిగ్గజం అమెజాన్.. ఆశించిన స్థాయిలో సక్సెస్ కాలేకపోయింది. అయితే ఇప్పుడు సరికొత్త వ్యూహంతో, అత్యాధునిక ఏఐ సాంకేతికతతో మరో స్మార్ట్ఫోన్ను రూపొందిస్తున్నట్లు సమాచారం. ‘ట్రాన్స్ఫార్మర్’ అనే కోడ్ నేమ్తో పిలుస్తున్న ఈ ప్రాజెక్ట్ ద్వారా వినియోగదారులకు సరికొత్త అనుభూతిని అందించాలని అమెజాన్ భావిస్తోంది. ప్రముఖ టెక్ నిపుణుడు జె.అలార్డ్ నేతృత్వంలోని ‘జీరో వన్’ బృందం ఈ ఫోన్ బాధ్యతలను తీసుకున్నట్లు తెలుస్తోంది.
Also Read: రూ.12 వేలకే 32 ఇంచుల TCL స్మార్ట్ టీవీ.. ఆఫర్ అయ్యేలోపే కొనేయండి భయ్యా!
ఈ ఫోన్ పూర్తిగా అమెజాన్ ఎకోసిస్టమ్ చుట్టూ తిరుగుతుంది. ముఖ్యంగా అలెక్సా వాయిస్ అసిస్టెంట్ ఇందులో కీలక పాత్ర పోషించనుంది. స్టార్ ట్రెక్ సినిమాలో చూపించే కంప్యూటర్ లాగా, మనం చెప్పే పనులన్నింటినీ చిటికెలో చేసేలా దీనిని తీర్చిదిద్దుతున్నారు.
అమెజాన్ తీసుకొస్తున్న ఈ సరికొత్త ఫోన్లో సాధారణ ఫోన్ల లాగా యాప్ స్టోర్ల నుంచి యాప్స్ డౌన్లోడ్ చేసుకోవాల్సిన అవసరం లేదట. నేరుగా ఏఐ ద్వారానే పనులు పూర్తయ్యేలా ఈ ఫోన్ను రూపొందిస్తున్నట్లు టెక్ నిపుణులు అంచనా వేస్తున్నారు.
ప్రైమ్ మెంబర్షిప్ ఉన్న వారికి ఈ అమెజాన్ ట్రాన్స్ఫార్మర్ ఫోన్ ఎంతో ఉపయోగకరం అని కంపెనీ చెబుతోంది. షాపింగ్ చేయడం, ప్రైమ్ వీడియో చూడటం, మ్యూజిక్ వినడం వంటి పనులను మరింత సులభతరం చేయడమే ఈ ప్రాజెక్ట్ ప్రధాన ఉద్దేశ్యం.
మినిమలిస్ట్ డిజైన్తో ఉండబోయే ఈ ఫోన్, అతి తక్కువ సమయంలో ఆర్డర్లు ఇచ్చేలా, అమెజాన్ సేవలను వేగంగా పొందేలా సహాయపడుతుంది. అయితే ఈ ఫోన్ ధర, విడుదల తేదీ గురించి కంపెనీ ఇంకా ఎలాంటి అధికారిక ప్రకటన చేయలేదు.
Also Read: ఐఫోన్ రేంజ్ డిజైన్, పరవ్ఫుల్ బ్యాటరీ.. ‘రెడ్మి 15A 5G’ లాంచ్ ఎప్పుడంటే?
Share
POCSO Cases: రాష్ట్రంలో పోక్సో కేసుల కలకలం.. ఒక్క రోజులో ఇన్నికేసులా..?
Bespoke AI Fridge: శాంసంగ్ 4 డోర్ల ఫ్రిడ్జ్.. కూలింగ్ ఒక్కటే కాదు.. చాలా మ్యాటర్ ఉంది!
