AI Vacation Fake Photos App| ప్రపంచంలోని అందమైన ప్రదేశాలకు ప్రయాణం చేయడానికి అందరూ ఇష్టపడతారు. అయితే దీనికి చాలా ఖర్చు అవుతుంది. ఉదాహరణకు యూరప్ దేశాలకు లగ్జరీ ట్రిప్ చాలా మందికి అందని కల. ఈ సమస్యకు కొంతవరకు ఏఐ టెక్నాలజీ ఒక పరిష్కారం తీసుకొచ్చింది. ప్రయాణాలకు ప్రత్యామ్నాయాన్ని ఒక కొత్త AI యాప్ తీసుకొచ్చింది.
ఈ యాప్.. మీరు ఇంట్లోనే కూర్చొని ఉన్నా.. మీకు విహారయాత్రలో ఉన్నట్టు అనిపించేలా చేస్తుంది. ఈ యాప్ పేరు ఎండ్లెస్ సమ్మర్. ఈ టెక్నాలజీ మిమ్మల్ని ప్రపంచంలో ఎక్కడైనా ఉన్నట్టు చూపిస్తుంది.
ఈ యాప్ ఉపయోగించడం చాలా సులభం. ముందుగా మీ సెల్ఫీలు యాప్లో అప్లోడ్ చేయండి. ఆ తర్వాత పారిస్, న్యూయార్క్, మారిషస్, ఆఫ్రికా, బాలి వంటి టూరిస్ట్ ప్రదేశాల్లో ఏదైనా ఒకటి ఎంచుకోండి. AI వెంటనే మీ రిక్వెస్ట్ ప్రాసెస్ చేస్తుంది. కొన్ని నిమిషాల్లోనే మీరు ఆ ప్రదేశంలో ఉన్నట్టు నేచురల్ ఫోటోలు రెడీ అవుతాయి. ఉదాహరణకు – సముద్ర తీరంలో రిలాక్స్ అవుతూ, సూర్యకాంతి వెనుక ఉండగా, లేదా విదేశీ రూఫ్టాప్ కేఫేలో కూర్చొని – అన్నీ రియల్గా కనిపిస్తాయి.
ఎండ్లెస్ సమ్మర్ ముందుగా 3 ఉచిత ఫోటోలు ఇస్తుంది. ఎలాంటి ఫీజు చెల్లించకుండా ట్రై చేయవచ్చు. మీకు నచ్చితే సబ్స్క్రిప్షన్ తీసుకోవచ్చు. బేసిక్ ప్లాన్ – 30 ఫోటోలకు $3.99 (సుమారు రూ.330). పెద్ద ప్లాన్ – 150 ఫోటోలకు $17.99 (సుమారు రూ.1,500). అతి పెద్ద ప్లాన్ – 300 ఫోటోలకు $34.99 (సుమారు రూ.2,900). వీటితో మీ వర్చువల్ గా మీ వెకెషన్ కొనసాగించవచ్చు.
ఈ ట్రెండ్ సోషల్ మీడియాలో వేగంగా వ్యాపిస్తోంది. X (ట్విట్టర్)లో AI ఫోటోలు షేర్ చేస్తున్నారు. చాలా ఫోటోలు అసలు విదేశాల్లో, అందమైన ప్రదేశాల్లో తీసినట్టు కనిపిస్తాయి. భారతదేశంలో ఈ ట్రెండ్ ఎక్కువగా వైరల్ అవుతోంది. మీ ఫీడ్లో కూడా మీ ఫ్రెండ్స్ ఫేక్ వెకేషన్లో ఉన్న ఫోటోలు కనిపించవచ్చు!
ఈ టెక్నాలజీ కొన్ని ప్రశ్నలు లేవనెత్తుతోంది. ఎందుకంటే ఈ యప్ పూర్తిగా ఆన్లైన్లో ఫేక్ అనుభవాలను సృష్టిస్తుంది. వ్యక్తులు తమ జీవితాన్ని పూర్తిగా మార్చి చూపించవచ్చు. ఇలాంటి యాప్లు సోషల్ మీడియాలో అసత్యాన్ని ప్రోత్సహిస్తున్నాయని.. ఈ టెక్నాలజీ దురుపయోగానికి గురికావొచ్చని నిపుణులు హెచ్చరిస్తున్నారు. ప్రతి ఒక్కరూ లగ్జరీ లైఫ్ స్టైల్ తో జీవించాలని ఆశపడతారు. ఇది మానసిక ఆరోగ్యాన్ని, ఆర్థిక స్థితిని ప్రతికూలంగా ప్రభావితం చేయవచ్చు అని చెబుతున్నారు.
ఎండ్లెస్ సమ్మర్ యాప్ ఇంటి నుండి ప్రపంచాన్ని చూపిస్తుంది. ఖరీదైన ట్రిప్ లేకుండానే వెకేషన్ ఫీల్ ఇస్తుంది. కానీ ఫేక్ ఫోటోలతో జీవితాన్ని మార్చి చూపించడం సరైనదేనా? మీరు ఈ ట్రెండ్ను ట్రై చేస్తారా? లేదా అసలు ప్రయాణానికి వెళ్లడానికి మీరు ఇష్టపడతారా?
Also Read: ప్రపంచంలోని అత్యంత ఖరీదైన స్మార్ట్ ఫోన్లు.. వీటి ధర కోట్లలోనే
Share
Chennai Crime: చెన్నైలో దారుణం.. మహిళపై లైంగిక దాడి, బైక్ ట్యాక్సీ డ్రైవర్ అరెస్ట్
Donlee: స్పిరిట్ లో డాన్ లీ.. కన్ఫర్మ్ చేసిన కొరియన్ మీడియా
