Air Conditioner: వేసవిలో కాలంలో ఏసీలకు ఉండే డిమాండ్ ప్రత్యేకంగా చెప్పాల్సిన పనిలేదు. ప్రస్తుతం ఇళ్లు, ఆఫీసులు, దుకాణాల్లో ఎయిర్ కండీషనర్లు నిత్యవసరంగా మారిపోయాయి. అయితే బెడ్రూమ్ లేదా ఆఫీస్ క్యాబిన్ వంటి చిన్న గదుల కోసం చాలామంది 0.5 టన్ (అర టన్ను) ఏసీని ఎంచుకుంటున్నారు. అసలు ఈ ఏసీ ఎంత కరెంట్ వినియోగిస్తుంది? ఎంత సైజ్ ఉన్న గదిని కూల్ చేయగలదు? అనే పూర్తి వివరాలు ఈ ప్రత్యేక కథనంలో పరిశీలిద్దాం.
సాధారణంగా ఏసీ విద్యుత్ వినియోగం అనేది అది కలిగి ఉన్న స్టార్ రేటింగ్, ఇన్వర్టర్ టెక్నాలజీపై ఆధారపడి ఉంటుంది. ఒక 0.5 టన్ ఇన్వర్టర్ ఏసీ గంటకు సుమారు 350 నుండి 500 వాట్ల (Watts) విద్యుత్ను వినియోగిస్తుంది. దీని ప్రకారం ఏసీని ఒక గంట పాటు నిరంతరాయంగా నడిపితే కేవలం 0.35 నుండి 0.5 యూనిట్ల కరెంట్ మాత్రమే ఖర్చవుతుంది. అంటే మీరు రోజుకు 8 గంటలు ఏసీ ఆన్ చేసినా రోజుకు సుమారు 3 నుండి 4 యూనిట్ల విద్యుత్ మాత్రమే వినియోగం అవుతుంది. ప్రస్తుతం యూనిట్ విద్యుత్ రూ.7-8 ఉన్న నేపథ్యంలో రోజుకు రూ.21 – 32 మధ్య ఖర్చు అవుతుంది. నెలకు వచ్చే సరికి రూ.630 – 960 మధ్య పవర్ బిల్లు రానుంది. మెుత్తంగా పెద్ద ఏసీలతో పోలిస్తే ఈ ఖర్చు కాస్త తక్కువనే చెప్పవచ్చు.
Also Read: IRCTCకి కాలం చెల్లిందా? కొత్త ‘RailOne’ యాప్ ప్రత్యేకతలు ఇవే!
0.5 టన్ ఏసీ అనేది కేవలం చిన్న పరిమాణం గల గదులకు మాత్రమే సరిపోతుంది. ఇది 60 నుండి 80 చదరపు అడుగుల వైశాల్యం ఉన్న చిన్న గదిని సమర్థవంతంగా కూలింగ్ చేస్తుంది. చిన్న స్టడీ రూమ్లు, ఆఫీస్ క్యాబిన్లు, సింగిల్ బెడ్ పడకగదులకు ఇది సరిగ్గా సరిపోతుంది. ఒకవేళ మీ గది పరిమాణం 80 చదరపు అడుగుల కంటే ఎక్కువగా ఉంటే 1 టన్ లేదా 1.5
టన్ తీసుకుంటే బెటర్. 0.5 టన్ ఏసీ వల్ల పెద్ద గదులు త్వరగా చల్లబడవు. అలాంటప్పుడు కంప్రెషర్ నిరంతరం పనిచేయడం వల్ల కరెంట్ బిల్లు మరింత పెరిగే అవకాశం ఉంది. కాబట్టి గది సైజును బట్టి సరైన ఏసీని ఎంచుకోవడం మంచిదని నిపుణులు సూచిస్తున్నారు.
Also Read: అస్సలు మిస్ అవ్వకండి.. ఉచితంగా 20GB డేటా ఇస్తున్న జియో!
Share
బడ్జెట్లో బెస్ట్ ఎయిర్ ఫ్రైయర్ కావాలా? ట్రెండ్ అవుతున్న టాప్ 3 బ్రాండ్స్!
పవన్ సభ వెనుక.. కేటీఆర్, హరీశ్ రావు కుట్ర.. కాంగ్రెస్ నేత సంచలనం
