OTT Movie: మొదటి రాత్రే ఫుల్ బాటిల్ లేపే భార్య… గుటకలు మింగే భర్త… ఈ పంజాబీ సినిమాతో భలే కిక్కు మావా

OTT Movie : పంజాబీ సినిమాల సూపర్‌ హిట్ ఫ్రాంచైజీ ‘నిక్కా జైల్దార్’ 4వ భాగం డిజిటల్ స్ట్రీమింగ్ లో అడుగు పెట్టింది. ఈ పంజాబీ సినిమా, హిందీ, తెలుగు, తమిళంలో అందుబాటులోకి వచ్చింది. బాక్సాఫీస్‌లో 50 కోట్లకు పైగా వసూలు చేసి మరో సారి సత్తా చాటింది. ఫుల్ ఫ్యామిలీ ఎంటర్టైనర్ గా ఆడియన్స్ నుంచి మంచి రెస్పాన్స్ వచ్చింది. అమ్మీ విర్క్, సోనామ్ బాజ్వా యాక్టింగ్ కి ఆడియన్స్ ఫిదా అయిపోయారు. ప్రేమ పెళ్లి తరువాత ఫ్యామిలీ లైఫ్ లో వచ్చే కొత్త ట్విస్ట్ తో ఈ స్టోరీ ఆసక్తికరంగా సాగుతుంది. ఈ ట్విస్ట్ ఏమిటి ? ఈ సినిమా ఎక్కడ స్ట్రీమింగ్ అవుతుంది ? అనే వివరాల్లోకి వెళ్తే ….

ఎందులో స్ట్రీమింగ్ అంటే

2025 అక్టోబర్ 2 న థియేటర్లలో విడుదలై, దాదాపు రెండు నెలల తర్వాత ‘నిక్కా జైల్దార్ 4’ డిజిటల్ స్ట్రీమింగ్ కి వచ్చేసింది. ఈ రొమాంటిక్ సినిమా నవంబర్ 27 నుంచి చౌపాల్‌లో స్ట్రీమింగ్ అవుతోంది. అమ్మీ విర్క్, సోనమ్ బజ్వా జంటగా నటించిన ఈ పంజాబీ రొమాంటిక్ కామెడీ అమ్మీ విర్క్ ఫ్రాంచైజీలో నాల్గవ భాగం. బాక్సాఫీస్‌లో రికార్డ్‌లు కొట్టిన ఈ సినిమా సిమర్జిట్ సింగ్ దర్శకత్వంలో రూపొందింది. 140 నిమిషాల నిడివితో ఐయండిబిలో 6.0/10 రేటింగ్ పొందింది.

స్టోరీ ఏమిటంటే

నిక్కా అనే యువకుడు పంజాబ్ గ్రామంలో తన ట్రెడిషనల్ ఫ్యామిలీతో ఉంటాడు. అతని నాన్న మంచి సాంప్రదాయం నుచి వచ్చిన అమ్మాయిని చూసి నిక్కాకి పెళ్లి చేయాలని అనుకుంటాడు. కానీ నిక్కా కళ్లు ఆంజెల్ ప్రీత్ మీద పడతాయి. ఆమె మోడ్రన్ గా ఉండే సిటీ అమ్మాయి. నిక్కా మొదటి చూపులోనే ప్రేమలో పడి, ఆమెను గెలుచుకోవడానికి ప్రయత్నాలు మొదలెడతాడు. ఆంజెల్ ని, ఇంట్లో వాళ్ళని పెళ్ళికి ఒప్పిస్తాడు. ఆ అమ్మాయిని గ్రాండ్ గా వివాహం చేసుకుంటాడు. ఇంతవరకూ స్టోరీ ఒకలా సాగుతుంది. ఇప్పటి నుంచి అతని జీవితం ఊహించని మలుపు తిరుగుతుంది. నిక్కా త్వరలోనే తన భార్య మోడ్రన్ మాత్రమే కాదు, మద్యపానానికి బానిస అని తెలుసుకుంటాడు.

ఆంజెల్ మొదటి రాత్రే ఫుల్ బాటిల్ లేపేస్తుంది. నిక్కా ఇది ఒక్కసారిగా చూసి బిత్తరపోతాడు. ఆ తరువాత ఆ విషయం ఎక్కడ బయట పడుతుందేమోనని కంగారు పడతాడు. ఈ సన్నివేశాలు కడుపుబ్బా నవ్విస్తుంటాయి. ఇంతలో నిక్కా లైఫ్ లోకి మరో అమ్మాయి ఎంట్రీ ఇస్తుంది. దీంతో స్టోరీ ట్రయాంగిల్ టర్న్ తీసుకుంటుంది. చివరికి నిక్కా ఈ పరిస్థితిని ఎలా హాండిల్ చేస్తాడు ? భార్య సీక్రెట్ బయట పడుతుందా ? ఈ కథ ఎలా ఎండ్ అవుతుంది ? అనే విషయాలను, ఈ రొమాంటిక్ కామెడీ సినిమాను చూసి తెలుసుకోండి.