OTT Movie : అమ్మాయిల వరుస హత్యలు… ఆఫీసర్లకు దొరకని క్లూ… ఓటీటీలోకి మలయాళ హారర్ థ్రిల్లర్‌

OTT Movie : హారర్ థ్రిల్లర్‌ జానర్ లో గత ఏడాది థియేటర్లలో రిలీజ్ అయిన ‘L’ మూవీ ఇప్పుడు ఓటీటీలో స్ట్రీమింగ్ కి వచ్చింది. కేరళలోని వివిధ ప్రాంతాలలో మహిళల అనుమానాస్పద మరణాల ఇన్వెస్టిగేషన్ చుట్టూ ఈ కథ తిరుగుతుంది. ఈ స్టోరీ ఇన్వెస్టిగేషన్ లో ఊహించని ట్విస్ట్లు వస్తూనే ఉంటాయి. థియేటర్లలో మంచి రెస్పాన్స్ తెచ్చుకున్న ఈ సినిమా, ఏడాది తరువాత ఇప్పుడు థ్రిల్లర్ ఆడియన్స్ ని పలకరిస్తోంది. ఇది ఏ ఓటీటీలో స్ట్రీమింగ్ కి వచ్చింది ? దీని కథ ఏమిటి ? అనే వివరాల్లోకి వెళ్తే ..

ఎందులో స్ట్రీమింగ్ అవుతుందంటే

షోజి సెబాస్టియన్ దర్శకత్వం వహించిన ‘L’ చిత్రం గత సంవత్సరం థియేటర్లలో విడుదలై, ప్రస్తుతం 2025 నవంబర్ 27 నుంచి మనోరమ మ్యాక్స్ లో స్ట్రీమింగ్ అవుతోంది. ఇందులో విష్ణు, అమృత మీనన్, బిగ్ బాస్ ఫేమ్ సంధ్యా మనోజ్, జోషి కృష్ణ ప్రధాన పాత్రలు పోషించారు. షెల్లీ జాయ్ ఎల్ ఈ చిత్రానికి స్క్రీన్‌ప్లే రాశారు. ఈ సినిమా మరి కొద్ది రోజుల్లో అమెజాన్ ప్రైమ్ వీడియోలో కూడా అందుబాటులో ఉండనుంది.

స్టోరీ ఏమిటంటే

కేరళలోని వివిధ ప్రాంతాల్లో ఆడవాళ్లు ఒక్కొక్కరుగా మిస్టీరియస్‌గా చనిపోతుంటారు. ఆధారాలు మాత్రం ఏమీ దొరకడం లేదు. కానీ ఇన్వెస్టిగేషన్ లో ఒక క్లూ మాత్రం అందరినీ ఆశ్చర్యపరుస్తుంది. అన్ని మరణాలూ 1980ల్లో హంగరీలో జరిగిన ఒక సీరియల్ కిల్లింగ్స్‌తో ఖచ్చితంగా మ్యాచ్ అవుతుంటాయి. సీబీఐ ఆఫీసర్ విష్ణు (విష్ణు ఉన్నికృష్ణన్) కేసు తీసుకుని, IG రేణుక (అమృతా మెనన్)తో కలిసి ఇన్వెస్టిగేట్ చేస్తాడు. స్టోరీ నడుస్తున్న కొద్ది మరింత భయంకరమైన ట్విస్ట్ వస్తుంది.

ఈ మరణాల వెనక ఉన్నది మనిషి కాదు, ఒక సూపర్‌ నాచురల్ శక్తి ఉందని తెలుస్తుంది. 1980ల హంగరీ కేసు దీంతో ముడిపడి ఉన్నట్లు తెలుస్తుంది. అది ఇప్పుడు కేరళకి వచ్చి మహిళల్ని టార్గెట్ చేస్తోంది. విష్ణు, రేణుక, అర్జున్ టీమ్ కలిసి ఆ శక్తిని ఫేస్ చేస్తారు. ఇక చివరి అరగంట సినిమా భయంకర మలుపులు తీసుకుంటుంది. వీళ్ళు ఆ సూపర్‌ నాచురల్ శక్తిని ఎలా ఆపారు ? దాని గతం ఏమిటి ? ఎందుకు ఇప్పుడు ఆడవాళ్ళని టార్గెట్ చేస్తుంది ? అనే మైండ్ బ్లోయింగ్‌ విషయాలను తెలుసుకోవాలనుకుంటే, ఈ హారర్ థ్రిల్లర్ సినిమాను చూసి తెలుసుకోండి.