తమిళనాడు అసెంబ్లీలో ఆసక్తికర దృశ్యం.. సీఎం విజయ్-ప్రతిపక్ష నేత ఉదయనిధి స్టాలిన్, కేబినెట్ మంత్రి జేబులో

Tamilnadu Assembly: తమిళనాడులో టీవీకే ప్రభుత్వం కొలువు దీరింది. బల నిరూపణకు సమయం దగ్గర పడుతుండడంతో అసెంబ్లీ ఏర్పాటు చేసింది. తొలుత ఎమ్మెల్యేల ప్రమాణ స్వీకారం జరిగింది. తొలుత సీఎం విజయ్ ప్రమాణ స్వీకారం చేశారు. చెపాక్-తిరువల్లికేని స్థానం నుంచి ఎమ్మెల్యేగా గెలుపొందిన ఉదయనిధి స్టాలిన్ ప్రమాణ స్వీకారం చేశారు.

తమిళనాడు అసెంబ్లీలో అసక్తికర దృశ్యం

స్టాలిన్ పేరు చెప్పగానే డీఎంకే సభ్యులు పెద్దగా చప్పట్లు కొట్టడంతో లైటుగా స్మైల్ ఇచ్చారు సీఎం విజయ్. మాజీ సీఎం స్టాలిన్ తన నియోజకవర్గం నుంచి ఓటమి పాలవ్వడంతో ఆయన వారసుడి ఉదయనిధి స్టాలిన్ ప్రతిపక్ష నేతగా వ్యవహరించనున్నారు. అన్నట్లు సీఎం విజయ్-ప్రతిపక్ష నేత ఉదయనిధి స్టాలిన్ మంచి ఫ్రెండ్స్ కూడా.

సీఎం విజయ్-ప్రతిపక్ష నేత ఉదయనిధి మధ్య విభేదాలు స్పష్టంగా కనిపించాయి. విజయ్ ప్రమాణ స్వీకారం చేస్తున్నంత సేపు ఉదయనిధి ఆయన ముఖం చూడటానికి ఇష్టపడలేదు. ఉదయనిధి ప్రమాణం చేస్తుండగా విజయ్ అతడి వైపు వైపు చూస్తూ చిరునవ్వుతో కనిపించారు.

సీఎం విజయ్-ప్రతిపక్ష నేత ఉదయనిధి స్టాలిన్

ఉదయనిధి స్టాలిన్ ముందు సవాల్ లేకపోలేదు. శతాబ్ద చరిత్ర కలిగిన డీఎంకె పార్టీలో గెలుపోటములు కొత్త కాదు. ఈ విషయంలో మాజీ సీఎం స్టాలిన్ పాలన విఫలం కాలేదని నిరూపించాలి. గతంలో ఉదయనిధి స్టాలిన్ మంత్రిగా పని చేసిన అనుభవం ఉంది. పాలనా అనుభవం లేని సీఎం విజయ్ ముందు తానేంటో నిరూపించుకోవాల్సిన సమయం ఆసన్నమైంది.

మర్యాద పూర్వకంగా సీఎం విజయ్‌ని పలకరిస్తారని సభ్యులు భావించారు. అటు వైపు కనీసం కన్నెత్తి కూడా చూడలేదు ఉదయనిధి స్టాలిన్. ఈ సన్నివేశం తమిళనాడులో ఇప్పుడు హాట్ హాట్ చర్చ సాగుతోంది. ఇదిలా ఉండగా తమిళనాడు విజయ్ కేబినెట్‌లో సీనియర్ మంత్రి సెంగోట్టయన్ గురించి ఆసక్తికర చర్చకు దారితీసింది.

ALSO READ: వైద్య విద్యార్థుల భవిష్యత్తుతో చెలగాటం? నీట్-2026 పేపర్ లీక్ ఆరోపణలు.. NTA క్లారిటీ ఇదే!

అసెంబ్లీలో ఎమ్మెల్యేగా ఆయన ప్రమాణ స్వీకారం సయమంలో ఆయన షర్ట్ జేబులో మాజీ సీఎం జయలలిత ఫొటో ఉండటమే అందుకు కారణం. ఆదివారం మంత్రిగా ప్రమాణ స్వీకారం సందర్భంగా, సోమవారం అసెంబ్లీలో ప్రమాణం సమయంలో జేబులో జయలలిత ఫొటో కనిపించింది. 2012 ఏడాది జయలలిత ప్రభుత్వంలో సెంగోట్టయన్ రెవెన్యూ మంత్రిగా పని చేశారు.

అంతేకాదు ఎంజీఆర్ కాలం నుంచి అన్నాడీఎంకె పార్టీలో ఉండేవారు. అయితే ఆమె మరణం తర్వాత పళనిస్వామిపై విమర్శలు గుప్పించడంపై ఆయనపై పార్టీ వేటు వేసిన విషయం తెల్సిందే. ఇక జయలలిత ఫోటో విషయానికి వద్దాం. ఆమె ఫొటోను జేబులో పెట్టుకోవడానికి సీఎం విజయ్ అంగీకరించినట్లు సమాచారం.

ఇదిలావుండగా టీవీకే పార్టీకి చెందిన మంత్రి కీర్తన, తన గెలుపు ధృవీకరణ పత్రాన్ని వెంట తీసుకురాలేదు. ఫలితంగా ఎమ్మెల్యేగా ఆమె ప్రమాణ స్వీకారం చేయలేకపోయారు. నిబంధనల ప్రకారం ఎన్నికల అధికారి ఇచ్చిన సర్టిఫికేట్ తప్పనిసరి కావడంతో ఆమె ప్రమాణ స్వీకారం నిలిచిపోయింది. ఆ పత్రాన్ని సమర్పించిన వెంటనే ఎమ్మెల్యేగా ప్రమాణం చేస్తారని అసెంబ్లీ అధికారులు తెలిపారు.

జేబులో జయలలిత ఫొటోతో TVK ఎమ్మెల్యే ప్రమాణ స్వీకారం

తమిళనాడు సీఎం విజయ్ క్యాబినెట్‌లో సీనియర్ మంత్రి సెంగోట్టయన్

నిన్న మంత్రిగా ప్రమాణం చేసిన సమయంలో సైతం జేబులో జయలలిత ఫోటో

2012లో జయలలిత హయాంలో రెవెన్యూ మంత్రిగా పని చేసిన సెంగోట్టయన్

Sengotthaiyan, a senior minister in Tamil… pic.twitter.com/yzYX18g0xY

— BIG TV Breaking News (@bigtvtelugu) May 11, 2026

తమిళనాడు అసెంబ్లీలో సీఎం విజయ్, ప్రతిపక్ష నేత ఉదయనిధి మధ్య విభేదాలు స్పష్టంగా కనిపించాయి. విజయ్ ప్రమాణ స్వీకారం చేస్తున్నంత సేపు ఉదయనిధి ఆయన ముఖం చూడటానికి కూడా ఇష్టపడలేదు. ఉదయనిధి ప్రమాణం చేస్తుండగా విజయ్ ఆయనవైపే చిరునవ్వుతో చూస్తూ కనిపించారు. మర్యాదపూర్వకంగానైనా తనను… pic.twitter.com/LFGZjdwEKB

— ChotaNews App (@ChotaNewsApp) May 11, 2026

விஜய் முதல்வராக பதவியேற்ற போது எதிர்கட்சி தலைவர் உதயநிதி கொடுத்த ரியாக் ஷன்..#Chennai | #TNLegislativeAssembly | #CMVijay | #TVK | #DMK | #UdhayanidhiStalin | #MLAs | #PolimerNews pic.twitter.com/YWpd9a0zYg

— Polimer News (@polimernews) May 11, 2026