Swayambhu Release: నిఖిల్ స్వయంభు రిలీజ్ డేట్ ఫిక్స్.. ఏకంగా 8 భాషలలో?

Swayambhu Release: హ్యాపీ డేస్ సినిమా ద్వారా తెలుగు ఇండస్ట్రీకి హీరోగా పరిచయమై ప్రస్తుతం పాన్ ఇండియా స్థాయిలో సినిమాలు చేస్తూ హీరోగా ఎంతో బిజీగా గడుపుతున్నారు నటుడు నిఖిల్ సిద్ధార్థ్(Nikhil Siddarth). ఈయన కార్తికేయ 2 సినిమా ద్వారా పాన్ ఇండియా స్థాయిలో ఎంతో మంచి ఆదరణ సొంతం చేసుకున్నారు. ఇక ఈ సినిమా మంచి సక్సెస్ కావడంతో తదుపరి సినిమాలన్నిటిని కూడా పాన్ ఇండియా స్థాయిలోనే ప్రేక్షకుల ముందుకు తీసుకురాబోతున్నారు. ప్రస్తుతం నిఖిల్ హీరోగా నటిస్తున్న చిత్రం “స్వయంభు”(Swayambhu). భరత్ కృష్ణమాచారి దర్శకత్వంలో రాబోతున్న ఈ సినిమా పీరియాడికల్ మైథాలజికల్ సినిమాగా ప్రేక్షకుల ముందుకు రాబోతున్న సంగతి తెలిసిందే. ఇప్పటికే ఈ సినిమా నుంచి విడుదల చేసిన అప్డేట్స్ సినిమా పట్ల మంచి అంచనాలనే పెంచేసాయి. తాజాగా ఈ సినిమా విడుదల తేదీని ప్రకటిస్తూ చిత్రబృందం ఒక వీడియో రిలీజ్ చేశారు దీనితో ఇది కాస్త సోషల్ మీడియాలో వైరల్ అవుతుంది.

8 భాషలలో స్వయంభు..

ఈ సినిమా 2026 ఫిబ్రవరి 13వ తేదీ ఏకంగా 8 భాషలలో ప్రేక్షకుల ముందుకు రాబోతున్నట్లు అధికారికంగా వెల్లడించారు. ఈ చిత్రాన్ని పిక్సెల్ స్టూడియోస్ ఆధ్వర్యంలో భవన్, శ్రీకర్ ఎంతో ప్రతిష్టాత్మకంగా నిర్మించగా నిర్మాత ఠాగూర్ మధు సమర్పణలో ఈ సినిమా ప్రేక్షకుల ముందుకు రాబోతోంది. ఇక ఈ సినిమాలో సంయుక్త మీనన్, నా బావ నటేష్ హీరోయిన్లుగా నటిస్తున్న సంగతి తెలిసిందే. ఈ సినిమాకు సెంథిల్ కుమార్ సినిమాటోగ్రఫీగా వ్యవహరిస్తుండటం విశేషం.దాదాపు రెండు సంవత్సరాల నుంచి ఈ సినిమా ప్రొడక్షన్ పనులు ప్రారంభం కాగా, రెగ్యులర్ షూటింగ్ పనులు ప్రారంభమైన తర్వాత కేవలం 170 రోజులలోనే షూటింగ్ పూర్తి చేసుకుంది.

చరిత్ర చెప్పని యోధుడి కథ..

ఇక ఈ సినిమా నిఖిల్ కెరీర్ లోనే ఎంతో కీలకంగా మారబోతుందని చెప్పాలి. ఇప్పటివరకు నిఖిల్ సినిమాలు కేవలం టాలీవుడ్ ఇండస్ట్రీకి మాత్రమే పరిమితం అయ్యాయి కానీ, కార్తికేయ 2 పాన్ ఇండియా స్థాయిలో ప్రేక్షకుల ముందుకు వచ్చింది. ఇక ఈ సినిమా మాత్రం తెలుగు, హిందీ, తమిళ , కన్నడ, మలయాళ భాషలతో పాటు చైనీస్, స్పానిష్, అరబిక్ భాషలలో కూడా ప్రేక్షకుల ముందుకు రావడానికి సిద్ధమవుతోంది. భారతదేశ చరిత్రలోనే చెప్పని ఒక యోధుడి కథగా ఈ సినిమా ప్రేక్షకుల ముందుకు రాబోతుందని తెలుస్తోంది.

pic.twitter.com/ytH4KRK94h

— Nikhil Siddhartha (@actor_Nikhil) November 24, 2025

తాజాగా విడుదల చేసిన ఈ వీడియో చూస్తుంటే మాత్రం ఈ సినిమా భారీ స్థాయిలో ఉండబోతుందని తెలుస్తోంది. ఇక ఈ సినిమా ఫిబ్రవరిలో ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను కూడా మొదలుపెట్టబోతున్నారని తెలుస్తుంది. ఇకపై సినిమా నుంచి వరుస అప్డేట్స్ వెల్లడి కానున్నాయి. ప్రస్తుతం ఈ సినిమా పోస్ట్ ప్రొడక్షన్ పనులలో చిత్ర బృందం ఎంతో బిజీగా ఉన్నారు.

Also Read: Puri -Vijay Sethupathi: గుమ్మడికాయ కొట్టేసిన పూరి.. పనిలో పనిగా సేతుపతి లుక్ కూడా వచ్చేసింది