Jr NTR: బాలీవుడ్లో భారీ అంచనాలతో తెరకెక్కిన వార్ 2 ఇప్పుడు బాలీవుడ్ లో ఆ పెద్ద సమస్య వచ్చి పడింది. హృతిక్ రోషన్.. జూ.ఎన్టీఆర్ కలిసి నటించిన ఈ చిత్రం విడుదలకు ముందు భారీ హైప్ను క్రియేట్ చేసింది. కానీ థియేటర్లలోకి వచ్చిన తర్వాత ఫలితం పూర్తిగా భిన్నంగా మారింది.
వార్ 2 ప్రపంచవ్యాప్తంగా సుమారు ₹365 కోట్ల గ్రాస్ వసూళ్లు సాధించింది. ఇండియాలో దాదాపు 1.2 కోట్ల టికెట్లు అమ్ముడయ్యాయి. అయినా కూడా ట్రేడ్ వర్గాలు ఈ సినిమాను ఫ్లాప్ గా ప్రకటించాయి. దీనికి ప్రధాన కారణం సినిమా భారీ బడ్జెట్. దాదాపు ₹400 కోట్లకు పైగా ల్యాండింగ్ కాస్ట్ ఉన్న ఈ సినిమాకు కనీసం ₹650 నుంచి ₹700 కోట్ల వరకు వసూళ్లు రావాల్సి ఉంది. కానీ ఆ స్థాయికి సినిమా చేరుకోలేకపోయింది.
తెలుగు రాష్ట్రాల్లో పరిస్థితి మరింత నిరాశ కలిగించింది. జూ.ఎన్టీఆర్ లాంటి స్టార్ ఉన్నా కూడా తెలుగులో ఈ సినిమా ఆశించిన స్థాయిలో ఆడలేదు. దీంతో నిర్మాతలకు పెద్ద షాక్ తగిలింది. దీని ప్రభావం మొత్తం వైఆర్ఎఫ్ స్పై యూనివర్స్పై పడింది.
వార్ 2 ఫలితం తర్వాత యష్ రాజ్ ఫిలిమ్స్ తమ రాబోయే ప్రాజెక్టులపై పునరాలోచన చేయాల్సి వచ్చింది. ఇప్పటికే ప్రకటించిన పలు భారీ సినిమాలు ఇప్పుడు ఆలస్యం అవుతున్నాయి. ఆల్ఫా సినిమా వాయిదా పడింది. టైగర్ వర్సెస్ పఠాన్ ప్రాజెక్ట్ పూర్తిగా హోల్డ్లోకి వెళ్లింది. పఠాన్ 2 కూడా ఇప్పట్లో మొదలయ్యే అవకాశాలు కనిపించడం లేదు. కృష్ణ 4 సినిమా బడ్జెట్ సమస్యలతో ఆగిపోయింది. అలాగే జూ.ఎన్టీఆర్తో ప్లాన్ చేసిన ఒక సోలో బాలీవుడ్ సినిమా కూడా ప్రస్తుతం నిలిపివేశారు.
2019లో వచ్చిన “వార్” సినిమా ₹475 కోట్లకు పైగా వసూళ్లు సాధించింది. ఆ స్థాయిని వార్ 2 అందుకోలేకపోయింది. అంతేకాదు, వైఆర్ఎఫ్ స్పై యూనివర్స్లో తక్కువ ఆదరణ పొందిన సినిమాగా ఇది నిలిచింది.
ఈ మొత్తం పరిణామాలు చూస్తే.. ఒక్క సినిమా ఫలితం ఎంత పెద్ద ఫ్రాంచైజీపైనైనా ఎంత ప్రభావం చూపుతుందో స్పష్టంగా అర్థమవుతుంది. స్టార్ కాంబినేషన్ ఉన్నా కూడా కంటెంట్, బడ్జెట్ సరైన సమతుల్యం లేకపోతే ఫలితం ఎలా ఉంటుందో వార్ 2 స్పష్టంగా చూపించింది.
ALSO READ: Peddi Movie: పెద్ది మూవీలో కుషిత.. పోస్ట్ వైరల్
Share
Karimnagar Politics: గెలిచింది ఒక పార్టీ.. చేరింది మరో పార్టీ.. కార్పొరేటర్ జ్యోతి ఇంటి వద్ద హైడ్రామా!
Refrigerator Hacks: మీ ఫ్రిడ్జ్.. ఫ్రీజర్ నిండా ఐసు పెట్టేసిందా? ఈ ఒక్క పని చేయండి.. ఇంకెప్పుడూ అలా జరగదు!
