మొటిమలు ఒక్కసారిగా కనిపిస్తే చాలా మంది ఆందోళనతో వెంటనే వాటిని తగ్గించేందుకు ఇంటర్నెట్లో చూసిన చిట్కాలు ప్రయత్నిస్తారు. అలాంటి చిట్కాల్లో ఒకటి మొటిమలపై టూత్పేస్ట్ రాయడం. దీని వల్ల తాత్కాలికంగా మొటిమ చిన్నదిగా కనిపించవచ్చు. కానీ వాస్తవానికి ఈ అలవాటు చర్మానికి తీవ్రమైన నష్టం కలిగించవచ్చు. టూత్పేస్ట్ పంటి ఆరోగ్యం కోసం తయారు చేస్తారు, చర్మ సంరక్షణ కోసం కాదు. అందుకే దీన్ని ముఖంపై ఉపయోగించే ముందు దాని ప్రమాదాలను తెలుసుకోవడం చాలా ముఖ్యం.
టూత్పేస్ట్లో బేకింగ్ సోడా, ఆల్కహాల్, హైడ్రోజన్ పెరాక్సైడ్ వంటి పదార్థాలు ఉంటాయి. ఇవి తేమను తగ్గించే గుణం కలిగి ఉంటాయి. మొటిమపై టూత్పేస్ట్ రాస్తే అది కొద్దిసేపు ఎండిపోయి చిన్నదిగా కనిపించవచ్చు. ఈ తాత్కాలిక మార్పును చూసి చాలామంది ఇది మంచి చిట్కా అని భావిస్తారు. కానీ దీని వల్ల చర్మం మరింత దెబ్బతినే అవకాశం ఉంటుంది.
మన ముఖ చర్మం చాలా సున్నితంగా ఉంటుంది. టూత్పేస్ట్లోని బలమైన కెమికల్స్ చర్మాన్ని చికాకు పెట్టవచ్చు. ముఖ్యంగా మెంథాల్ వంటి పదార్థాలు చర్మంలో మంట, ఎర్రబారడం, వాపు లాంటి సమస్యలకు కారణమవుతాయి. కొన్ని సందర్భాల్లో ఈ కెమికల్స్ వల్ల కాలిన గాయాలు కూడా ఏర్పడవచ్చు. అవి తగ్గిపోయిన తర్వాత కూడా నల్లటి లేదా ఎర్రటి మచ్చలు నెలల తరబడి కనిపించవచ్చు.
ఆరోగ్యకరమైన చర్మం సహజంగా కొంత నూనెను ఉత్పత్తి చేస్తుంది. ఇది చర్మాన్ని మృదువుగా, తేమతో ఉంచుతుంది. టూత్పేస్ట్ ఈ సహజ రక్షణ పొరను తొలగిస్తుంది. దాంతో చర్మం చాలా పొడిగా మారుతుంది. చర్మం పొడిబారినప్పుడు శరీరం మరింత నూనె ఉత్పత్తి చేస్తుంది. దీంతో రంధ్రాలు మూసుకుపోయి కొత్త మొటిమలు వచ్చే ప్రమాదం పెరుగుతుంది.
చాలా టూత్పేస్ట్లలో సోడియం లారిల్ సల్ఫేట్, కృత్రిమ సువాసన పదార్థాలు ఉంటాయి. ఇవి చర్మ రక్షణ వ్యవస్థను బలహీనపరుస్తాయి. దాంతో దురద, దద్దుర్లు, వాపు, అలర్జీ సమస్యలు రావచ్చు. చిన్న మొటిమ కూడా పెద్ద చర్మ సమస్యగా మారే అవకాశం ఉంటుంది. సున్నితమైన చర్మం ఉన్నవారిలో ఈ ప్రమాదం మరింత ఎక్కువ.
Also Read: స్టెంట్ వేసుకున్న తర్వాత కూడా హార్ట్ అటాక్ వస్తుందా? గుండె డాక్టర్ చెప్పిన సమాధానమిదే
చాలామంది టూత్పేస్ట్ రాస్తే ముఖం మెరిసిపోతుందని అనుకుంటారు. కానీ దీని వల్ల హైపర్పిగ్మెంటేషన్ సమస్య రావచ్చు. మొటిమ తగ్గిపోయిన తర్వాత కూడా నల్లటి మచ్చలు మిగిలిపోవచ్చు. కొన్నిసార్లు లోతైన మచ్చలు లేదా చిన్న గుంతలు కూడా ఏర్పడవచ్చు. వాటిని తొలగించడం చాలా కష్టమవుతుంది.
మొటిమ వచ్చినప్పుడు ఇంటర్నెట్ చిట్కాలపై ఆధారపడకుండా సురక్షితమైన మార్గాలను ఎంచుకోవాలి. ‘సాలిసిలిక్ యాసిడ్’ లేదా ‘బెంజాయిల్ పెరాక్సైడ్’ ఉన్న స్పాట్ ట్రీట్మెంట్ క్రీమ్ ఉపయోగించవచ్చు. వాపు తగ్గించేందుకు శుభ్రమైన గుడ్డలో ఐస్ పెట్టి మెల్లగా కాపడం చేయవచ్చు. అలోవెరా జెల్లో ఒక చుక్క ‘టీ ట్రీ’ ఆయిల్ కలిపి కూడా వాడవచ్చు. ముఖ్యంగా మొటిమలను నొక్కడం లేదా గిల్లడం చేయకూడదు.
Share
సామాన్యుల ప్లాన్.. రూ.249కే 35 రోజుల వ్యాలిడిటీ.. రోజూ 2GB డేటా, ఫ్రీ కాల్స్!
బరువు తగ్గాలా? టేస్ట్ తగ్గకూడదా? హావెల్స్ ఎయిర్ ఫ్రైయర్లతో.. స్మార్ట్ కుకింగ్
