Heatstroke| ఎండలు తీవ్రమవుతున్నాయి. వేసవిలో వేడి గాలులకు వడదెబ్బ ప్రమాదం పొంచిఉంటుంది. వడదెబ్బ కారణంగా ప్రతి సంవత్సరం చాలా మంది ప్రాణాలు కూడా కోల్పోతుంటారు. అందుకే వేసవిలో వడదెబ్బ తగలకుండా చాలా జాగ్రత్తగా ఉండాలి. వడదెబ్బ అనేది అతి తీవ్రమైన ఆరోగ్య సమస్య. ఎక్కువ వేడి వల్ల శరీరం తన ఉష్ణోగ్రతను నియంత్రించలేకపోతే వడదెబ్బ ప్రభావం ఉంటుంది. శరీరం చెమట ద్వారా తనను తాను చల్లగా ఉంచుకోవాలి, కానీ తీవ్రమైన వేడిలో శరీరంలోని ఈ వ్యవస్థ పని చేయకపోతే శరీర ఉష్ణోగ్రత ప్రమాదకర స్థాయికి పెరుగుతుంది. ఈ సమయంలో వేగంగా చికిత్స చేయకపోతే అవయవాలకు నష్టం కలిగించవచ్చు లేదా ప్రాణాలకు కూడా ముప్పు కలిగించవచ్చు.
వడదెబ్బ ముందు చిన్న చిన్న లక్షణాలతో మొదలవుతుంది. వీటిని నిర్లక్ష్యం చేస్తే ప్రమాదం పెరుగుతుంది.
తరుచూ తలనొప్పి, కళ్లు తిరగడం మొదటి హెచ్చరిక సంకేతాలు. శరీరం చెమట రూపంలో నీటిని కోల్పోయి చల్లబరచుకోలేకపోతే ఇలా జరుగుతుంది.
అధికంగా చెమట పట్టడం, దాహం తీవ్రంగా ఉండటం సాధారణ లక్షణాలు. శరీరం చల్లబడడానికి ప్రయత్నిస్తున్నప్పటికీ నీరు త్వరగా కోల్పోతోందని ఇది సూచిస్తుంది.
కండరాల్లో తిమ్మిర్లు , బలహీనత, అలసట వచ్చే అవకాశం ఉంటుంది. శరీరంలోని ఉప్పు, ఖనిజాలు తగ్గడం వల్ల ఇలా జరుగుతుంది.
కొందరికి వికారం లేదా వాంతులు కూడా రావచ్చు. ఏకాగ్రత లోపించడం, గందరగోళంగా ఉంటే వెంటనే వైద్య సహాయం తీసుకోవాలి.
వడదెబ్బ మెదడు, గుండె, కిడ్నీలను దెబ్బతీస్తుంది. శరీర ఉష్ణోగ్రత ఎక్కువసేపు తీవ్రంగా ఉంటే అవయవాలు దెబ్బతినవచ్చు. కొన్ని సందర్భాల్లో ప్రాణాలకు కూడా ముప్పు వాటిల్లవచ్చు.
వేసవిలో కొన్ని సాధారణ జాగ్రత్తలు తీసుకుంటే వడదెబ్బను సులభంగా నివారించవచ్చు.
Also Read: మీ జీరో పర్సనాలిటీని హీరో మార్చే గోల్డెన్ రూల్స్.. ఈ రోజు నుంచే పాటించండి
లక్షణాలు కనిపించిన వెంటనే చల్లని ప్రదేశానికి వెళ్లండి. నీరు తాగండి. తడి గుడ్డ లేదా చల్లగా ఉంటే ప్రదేవంలో శరీరాన్ని చల్లబరచండి. లక్షణాలు తీవ్రమైతే వెంటనే వైద్యుడిని సంప్రదించండి.
వడదెబ్బ చాలా ప్రమాదకరమైనప్పటికీ, సులభంగా నివారించవచ్చు. వేసవిలో నీరు తాగడం, తేలిక బట్టలు వేసుకోవడం, ఎండలో జాగ్రత్తగా ఉండటం వంటి చిన్న అలవాట్లు మీ ఆరోగ్యాన్ని కాపాడతాయి. లక్షణాలను నిర్లక్ష్యం చేయకుండా వెంటనే చర్య తీసుకోండి.
Share
బాలయ్య సినిమా నుంచి నయనతార ఔట్..NBK 111 హీరోయిన్ గా ఎంట్రీ ఇచ్చిన చందమామ!
కార్పొరేట్ రూల్స్ vs హిందూ ధర్మం.. ముంబై లెన్స్కార్ట్ స్టోర్లో అసలేం జరిగింది?
