Window Cleaning With Onion: మీ ఇంటి కిటికీల మీద దుమ్ము, వేలి ముద్రలు, నీటి మచ్చలు త్వరగా పడి రోతగా కనిపిస్తుంటాయి. ఆ కిటికీల గ్లాసులు శుభ్రం చేసేందుకు చాలా మంది కెమికల్ క్లీనర్లు వాడతారు. అయితే ఈ కెమికల్స్ వల్ల చాలా సార్లు కిటికీ గ్లాస్లపై గీతలు పడతాయి. దీంతో మీ ఇంటి డెకరేషన్ దెబ్బతింటుంది.
ఈ సమస్యకు ఒక ఈజీ పరిష్కారం ఆన్లైన్లో పాపులర్ అవుతోంది. అదే ఉల్లిపాయ హ్యాక్. ఇది చాలా నేచురల్గా, సులభంగా చేసుకోవచ్చు. ఉల్లిపాయలో ఉండే సహజ యాసిడ్స్, సల్ఫర్ కాంపౌండ్స్.. గ్రీజ్, ధూళి మచ్చలను తొలగిస్తాయి. దీంతో గాజు మృదువుగా శుభ్రం అవుతుంది. ఆనియన్ జ్యూస్లో బ్యాక్టీరియా నిరోధక గుణాలు ఉన్నాయని కూడా ప్రచారం ఉంది.
ఈ హ్యాక్కు చాలా తక్కువ సామగ్రి అవసరం.
కేవలం ఒక తాజా ఉల్లిపాయ
మెత్తని గుడ్డ
కాస్త నీరు
పొడిగా ఉండే మైక్రోఫైబర్ క్లాత్. ఇంతకుమించి ఖరీదైన స్ప్రేలు ఉపయోగించాల్సిన అవసరం లేదు.
ముందుగా ఉల్లిపాయను కట్ చేయండి
తాజా ఉల్లిపాయను రెండు సగాలుగా కట్ చేయండి. కట్ చేసిన భాగాన్ని నేరుగా గాజు మీద వాడండి.
ఉల్లిపాయను గాజు ఉపరితలం మీద మెత్తగా రుద్దండి. మురికి ఎక్కువ ఉన్న చోట్లు, వేలి ముద్రలు, గ్రీజ్ మచ్చలపై ఎక్కువ దృష్టి పెట్టండి. వృత్తాకారంలో రుద్దితే మంచి ఫలితం వస్తుంది.
కొంచెం తడి గుడ్డతో ఉల్లిపాయ రసాన్ని తుడిచివేయండి. తేమ మొత్తం జాగ్రత్తగా తొలగించండి.
డ్రై మైక్రోఫైబర్ క్లాత్తో గాజును పాలిష్ చేయండి. దీంతో గీతలు లేకుండా మెరుపు వస్తుంది. చిన్న విండోలకు ఈ ప్రక్రియ ఒక నిమిషం కంటే తక్కువ సమయం తీసుకుంటుంది.
ఇవి కూడా శుభ్రం చేయవచ్చు?
ఈ ఉల్లిపాయ హ్యాక్.. ఇంటి కిటికీలతో పాటు మిర్రర్లు, గాజు టేబుల్స్, షవర్ డోర్లు, కారు విండోస్లను కూడా శుభ్రం చేయడానికి ఉపయోగపడుతుంది.
Also Read: మీ విజయాన్ని చూసి అసూయపడే వారు మీ చుట్టూనే ఉంటారు.. దీనికి కారణాలు ఇవే
ఇది పర్యావరణానికి మంచిది, ఇంట్లో కెమికల్స్ తగ్గుతాయి. ఒక ఉల్లిపాయ ఖర్చు చాలా తక్కువ. ఇంట్లో పిల్లలు, పెంపుడు జంతువులుంటే కెమికల్స్ వల్ల హాని జరగవచ్చు. అందుకే ఉల్లిపాయ హ్యాక్ సురక్షితం. సమయం ఆదా అవుతుంది.
కొందరికి ఉల్లిపాయ వాసన నచ్చకపోవచ్చు, కానీ ఆరిపోయాక వాసన త్వరగా తగ్గిపోతుంది. ఎక్కువ రసం వాడకండి, సరిగా తుడవకపోతే గీతలు రావచ్చు.
Share
టాటా To టయోటా.. కళ్లు చెదిరే ఎలక్ట్రిక్ కార్లు వచ్చేస్తున్నాయ్!
Kohli-Dhoni: విరాట్ కోహ్లీకి ఇంత బలుపు ఎందుకు ? ధోనిని చూసైనా నేర్చుకో
