బరువు తగ్గడం అంటే కేవలం వ్యాయామం చేయడం మాత్రమే కాదు. రోజంతా కలిగే ఆకలిని సరైన విధంగా నియంత్రించడం కూడా చాలా ముఖ్యం. చాలా మంది ఉదయం టిఫిన్, మధ్యాహ్న భోజనాన్ని ఆరోగ్యకరంగా తీసుకుంటారు. కానీ సాయంత్రం సమయానికి ఆకలి పెరిగినప్పుడు సమోసాలు, చిప్స్, బిస్కెట్లు వంటి అనారోగ్యకరమైన ఆహారం తినేస్తారు.
ఈ అలవాటు వల్ల శరీరంలో అదనపు కేలరీలు చేరుతాయి. ఫలితంగా మీ వెయిట్ లాస్ టార్గెట్స్ దెబ్బతింటుంది. అయితే ఆకలిని అణచిపెట్టాల్సిన అవసరం లేదు. ఆరోగ్యకరమైన స్నాక్స్ను ఎంచుకోవడం ద్వారా ఆకలిని తీర్చుకోవడంతో పాటు బరువు తగ్గే ప్రయత్నాలు కొనసాగించవచ్చు.
సాయంత్రం ఏదైనా క్రిస్పీ పదార్థం తినాలనిపిస్తే మఖానా మంచి ఆప్షన్. ఇందులో కేలరీలు తక్కువగా ఉంటాయి. ఫైబర్ ఎక్కువగా ఉండటం వల్ల కడుపు ఎక్కువసేపు నిండుగా ఉంటుంది. మఖానాలను కొద్దిగా నూనెతో లేదా నూనె లేకుండా వేయించుకోవచ్చు. అందులో మిరియాల పొడి, పసుపు, కొద్దిగా ఉప్పు కలిపితే రుచిగా ఉంటుంది. టీతో పాటు తీసుకోవడానికి ఇది అద్భుతమైన స్నాక్.
సాయంత్రం సమయంలో మసాలా రుచులు కావాలనిపిస్తే స్ప్రౌట్స్ చాట్ మంచి ప్రత్యామ్నాయం. మొలకెత్తిన పెసలు, శనగలు తీసుకుని వాటిలో ఉల్లిపాయ, టమాటా, దోసకాయ ముక్కలు కలపాలి. తర్వాత నిమ్మరసం, కొద్దిగా చాట్ మసాలా జల్లాలి. ఇందులో ప్రోటీన్, ఫైబర్ పుష్కలంగా ఉంటాయి. ఇవి ఆకలిని నియంత్రించడంతో పాటు కండరాల ఆరోగ్యానికి కూడా ఉపయోగపడతాయి.
వేయించిన శనగలు ఎక్కడికైనా తీసుకెళ్లడానికి సులభమైన స్నాక్. ఇందులో ప్రోటీన్, ఫైబర్ రెండూ ఉంటాయి. ఇవి రక్తంలో షుగర్ లెవెల్స్ స్థిరంగా ఉంచడంలో సహాయపడతాయి. శరీరానికి తక్షణ శక్తిని అందిస్తాయి. అలాగే స్వీట్స్ తినాలనే కోరికను తగ్గిస్తాయి. పొట్టు ఉన్న శనగలను తీసుకోవడం మరింత మంచిది.
కొన్నిసార్లు చాలా తక్కువ ఆకలి మాత్రమే ఉంటుంది. అలాంటి సమయంలో కీరా దోసకాయ, క్యారెట్ లేదా బీట్రూట్ను స్టిక్స్లా కట్ చేసి తినవచ్చు. ఇవిలో నీటి శాతం ఎక్కువగా ఉంటుంది. అందువల్ల శరీరం హైడ్రేటెడ్గా ఉంటుంది. పెరుగు, పుదీనా చట్నీతో కలిపి తింటే మరింత రుచిగా ఉంటుంది.
చాలామంది పాప్కార్న్ తింటే బరువు పెరుగుతుందని అనుకుంటారు. కానీ ఎక్కువ వెన్న లేదా చీజ్ కలిపినప్పుడు మాత్రమే కేలరీలు పెరుగుతాయి. తక్కువ నూనెతో చేసిన ప్లెయిన్ పాప్కార్న్ ఆరోగ్యకరమైన స్నాక్. ఇందులో ఫైబర్ ఎక్కువగా ఉండటంతో కడుపు త్వరగా నిండుతుంది. చిప్స్ బదులు ఇది మంచి ప్రత్యామ్నాయం.
Also Read: రాత్రి డిన్నర్ తరువాత ఈ పనులు చేస్తే శరీరమంతా వ్యాధులే.. డాక్టర్ల హెచ్చరిక
సాయంత్రం ఆకలి మీ బరువు తగ్గే ప్రయత్నాలను దెబ్బతీసే అవకాశం ఉంది. ఫైబర్, ప్రోటీన్ అధికంగా ఉన్న ఆరోగ్యకరమైన స్నాక్స్ను ఎంచుకుంటే ఆకలి నియంత్రణలో ఉంటుంది. అలాగే అదనపు కేలరీలు తగ్గి వెయిట్ లాస్ ప్రయాణం విజయవంతమవుతుంది.
Share
యాక్షన్ నుంచి హర్రర్ వరకు... ట్రెండింగ్లో ఉన్న థ్రిల్లర్స్ ఇవే
ఎలాంటి వ్యక్తిని పెళ్లి చేసుకోవాలి? మంచి జీవిత భాగస్వామిలో ఈ లక్షణాలు తప్పనిసరిగా చూడాలి
