వేసవి కాలంలో మేకప్ వేసుకున్న కొద్దిసేపటికే చెమట కారణంగా అది చెడిపోవడం సాధారణ సమస్య. ఫౌండేషన్ కరిగిపోవడం, ఐషాడో మడతలు పడటం, ముఖం జిడ్డుగా కనిపించడం వంటి ఇబ్బందులు ఎదురవుతాయి. అయితే కొన్ని సులభమైన చిట్కాలు పాటిస్తే మేకప్ ఎక్కువసేపు తాజాగా కనిపిస్తుంది. దీనివల్ల రోజంతా అందంగా, ఆత్మవిశ్వాసంతో ఉండవచ్చు.
మేకప్ ప్రారంభించే ముందు ఒకటి లేదా రెండు నిమిషాల పాటు ముఖంపై ఐస్ ముక్కను మెల్లగా రుద్దాలి. ఇలా చేయడం వల్ల చర్మం చల్లబడుతుంది. ముఖంపై ఉన్న రంధ్రాలు కొంతవరకు కుదించబడతాయి. చెమట కూడా తక్కువగా వస్తుంది. ఫలితంగా చర్మంపై మేకప్ బాగా నిలుస్తుంది.
ముందుగా ముఖాన్ని శుభ్రం చేసి ఆయిల్ ఫ్రీ మాయిశ్చరైజర్ రాయాలి. తర్వాత మంచి క్వలిటీ గల మ్యాటిఫైయింగ్ ప్రైమర్ను ఉపయోగించాలి. ఇది చర్మంలో అదనపు నూనె, చెమటను నియంత్రించడంలో సహాయపడుతుంది. మేకప్ ఎక్కువసేపు చెదరకుండా ఉండేందుకు ప్రైమర్ ఎంతో ఉపయోగపడుతుంది.
వేసవిలో మరీ హెవీగా ఉండే క్రీమ్ ఆధారిత ఉత్పత్తులను ఉపయోగించకపోవడం మంచిది. తేలికపాటి ఫౌండేషన్లు, మ్యాట్ ఫినిష్, వాటర్ప్రూఫ్ ఉత్పత్తులను ఎంచుకోవాలి. ఇవి చెమట, తేమ ప్రభావాన్ని తట్టుకుని ఎక్కువసేపు నిలుస్తాయి.
మేకప్ పూర్తయిన తర్వాత ముఖంపై ట్రాన్స్లూసెంట్ సెట్టింగ్ పౌడర్ను అప్లై చేయాలి. ఆ తర్వాత సెట్టింగ్ స్ప్రేను ముఖమంతా సమంగా స్ప్రే చేయాలి. ఈ రెండు ఉత్పత్తులు మేకప్ను లాక్ చేసి చెమట వల్ల కరిగిపోకుండా కాపాడతాయి.
వేసవిలో ముఖంపై నూనె ఎక్కువగా కనిపిస్తే బ్లోటింగ్ పేపర్లను ఉపయోగించాలి. వాటిని ముఖంపై మెల్లగా ప్రెస్ చేయాలి. చేతులతో లేదా టిష్యూలతో ముఖాన్ని గట్టిగా రుద్దకూడదు. బ్లోటింగ్ పేపర్లు మేకప్ చెడిపోకుండా అదనపు నూనెను తొలగిస్తాయి.
మేకప్ ఎక్కువసేపు నిలవాలంటే చర్మం ఆరోగ్యంగా ఉండాలి. క్రమం తప్పకుండా ముఖాన్ని శుభ్రం చేసుకోవాలి. అవసరమైనప్పుడు ఎక్స్ఫోలియేట్ చేయాలి. రోజంతా తగినంత నీరు తాగడం కూడా ముఖ్యం. హైడ్రేటెడ్ చర్మం మేకప్ను మెరుగ్గా నిలబెడుతుంది.
Also Read: పది మందిలో మీరు ప్రత్యేకంగా కనిపిస్తారు.. మీ మాటలకు అందురూ ప్రాధాన్యం ఇవ్వాలంటే ఇలా చేయండి
శుభ్రమైన బ్రష్లు, స్పాంజ్లను ఉపయోగించాలి. మురికిగా ఉన్న టూల్స్ చర్మంపై నూనె, బ్యాక్టీరియాను పెంచుతాయి. మేకప్ను ఒకేసారి మందంగా వేయకుండా పలుచని పొరలుగా అప్లై చేయడం మంచిది. ఇలా చేస్తే మేకప్ ఎక్కువసేపు తాజాగా ఉంటుంది.
వేసవిలో ప్రైమర్ను వదిలేయకూడదు. అలాగే ముఖాన్ని తరచుగా తాకకూడదు. క్రీమీ హైలైటర్లను పగటిపూట ఎక్కువగా ఉపయోగించకపోవడం మంచిది. ఇవి వేడి వాతావరణంలో త్వరగా కరిగిపోతాయి.
ఈ సులభమైన అలవాట్లు మీ అందాన్ని రోజంతా కాపాడతాయి.
Share
కంటైనర్ లో కాళ్ళూ చేతులు కట్టేసిన స్థితిలో దొరికే మహిళ... అంతు చిక్కని వింత మిస్టరీ
టాప్ 5 దుమ్మురేపే యాక్షన్ సినిమాలు... ఓటీటీ తగలడిపోవాల్సిందే భయ్యా
