Intermittent Fasting: బరువు తగ్గడానికి, ఆరోగ్యాన్ని మెరుగుపరుచుకోవడానికి చాలామంది 16 గంటలు లేదా 14 గంటల పాటు ఉపవాసం (ఇంటర్మిటెంట్ ఫాస్టింగ్) చేస్తుంటారు. కానీ అందరికీ ఇన్ని గంటలు ఉపవాసం ఉండటం సాధ్యం కాకపోవచ్చు. నిజానికి రాత్రి డిన్నర్కి, మరుసటి రోజు బ్రేక్ఫాస్ట్కి మధ్య కేవలం 12 గంటల విరామం ఇచ్చినా మంచి ఫలితాలు ఉంటాయని చెబుతున్నారు నిపుణులు.
శరీరాన్ని ఇబ్బంది పెట్టకుండా బరువు తగ్గడానికి 12 గంటల ఫాస్టింగ్ చాలు. రాత్రి 8 గంటలకు డిన్నర్ ముగించి, ఉదయం 8 గంటలకు టిఫిన్ చేయడం వల్ల జీర్ణవ్యవస్థకు తగినంత విశ్రాంతి దొరుకుతుంది. ఇది పాటించడం చాలా తేలిక.
మనం ఆహారం తిన్న ప్రతిసారీ శరీరంలో ఇన్సులిన్ పెరుగుతుంది. రాత్రి వేళల్లో కూడా తింటూ ఉంటే కొవ్వు కరిగే ప్రక్రియ ఆగిపోతుంది. అదే 12 గంటల విరామం ఇవ్వడం వల్ల ఇన్సులిన్ స్థాయిలు తగ్గి, శరీరంలో నిల్వ ఉన్న కొవ్వు శక్తిగా మారడానికి అవకాశం లభిస్తుంది.
Also Read: వైట్ వెనిగర్, డిష్వాష్ లిక్విడ్ కలిపి వాడితే.. అద్భుతమైన ఫలితాలు చూస్తారు!
మన శరీర జీవక్రియలు ప్రకృతి సిద్ధమైన బయలాజికల్ క్లాక్ ప్రకారం పనిచేస్తాయి. రాత్రి త్వరగా తినడం వల్ల ఆహారం సరిగ్గా అరుగుతుంది. ఆలస్యంగా తింటే రక్తంలో చక్కెర స్థాయిలు పెరిగి, నిద్ర భంగమై బరువు పెరిగే ప్రమాదం ఉంటుంది.
చాలామందికి రాత్రి టీవీ చూస్తూ స్నాక్స్, కూల్ డ్రింక్స్ లేదా స్వీట్లు తినే అలవాటు ఉంటుంది. ఈ 12 గంటల ఉపవాస నియమం పెట్టుకోవడం వల్ల అదనపు కేలరీలు శరీరంలోకి చేరకుండా ఉంటాయి. అంతేకాకుండా పొట్ట ఉబ్బరం, అసిడిటీ సమస్యలు తగ్గుతాయి.
ఈ చిన్న మార్పును జీవితాంతం సులభంగా కొనసాగించవచ్చు. బరువు తగ్గడమే కాకుండా.. ఇన్సులిన్ పనితీరు మెరుగై, బ్లడ్ షుగర్ అదుపులో ఉంటుంది. అయితే ఉపవాసంతో పాటు సమతుల్యమైన పోషకాహారం తీసుకోవడం, తగినంత నీళ్లు తాగడం కూడా అంతే ముఖ్యం.
Also Read: ఫ్రిడ్జ్ డీఫ్రాస్ట్ చేయడానికి టెక్నీషియన్లు చెప్పే బెస్ట్ చిట్కా.. కరెంట్ బిల్లు కూడా తగ్గుతుంది!
Share
రైల్వే ఉద్యోగులు అన్ని రైళ్లలో ఫ్రీగా వెళ్లొచ్చా? లేక టికెట్ కొనాల్సిందేనా?
బడ్జెట్ ప్రైస్లో బెస్ట్ వాషింగ్ మెషీన్..ఆఫర్ ఉన్నప్పుడే కొనేయండి
