అమెరికా చదువులపై ట్రంప్ ‘వీసా’ దెబ్బ.. భారతీయులకు డబుల్ షాక్!

Trump: తన నిర్ణయాలతో అమెరికా చదువుల కలలపై దెబ్బ కొట్టిన ట్రంప్..మరోసారి రెండు భారీ షాక్ లు ఇచ్చాడు. ట్రంప్ ప్రభుత్వం తీసుకున్న నిర్ణయం దాదాపు 3 లక్షల మంది భారతీయులపై ప్రభావం చూపనుంది. విదేశీ విద్యార్థుల నివాస కాల పరిమితిని నాలుగేళ్లకు పరిమితం చేస్తూ హోం ల్యాండ్ సెక్యూరిటీ కొత్త మార్గదర్శకాలు జారీ చేసింది.

భారతీయ విద్యార్థుల ఇబ్బందులు..

గతంలో F1 వీసా పొందిన విద్యార్థులు ‘డ్యూరేషన్ ఆఫ్ స్టేటస్’ కింద కోర్సు పూర్తయ్యేవరకు అమెరికాలో ఉండే వీలుండేది. ఇప్పుడు దాన్ని 4 ఏళ్లకు కుదిరించారు. ఒకవేళ కోర్సు డ్యూరేషన్ ఎక్కువైతే ప్రత్యేక అనుమతి తీసుకోవాలి. ఇక ఎక్ఛ్సేంజ్ విజిటర్లకు ఇచ్చే J1 వీసాలు, మీడియాకు ఇచ్చే వీసాలకు ఇవే నిబంధనలు వర్తింపజేయనున్నారు. ఈ నిర్ణయంతో ప్రస్తుతం అమెరికాలో ఉన్న దాదాపు 3.3 లక్షల మంది భారతీయ విద్యార్థులు ఇబ్బందులు ఎదుర్కొనున్నారు.

ట్రంప్ తీసుకున్న మరో నిర్ణయం..

ఇక ట్రంప్ తీసుకున్న మరో కీలక నిర్ణయం గ్రీన్ కార్డు ఆశావాహులకు శరాఘాతంగా మారింది. అమెరికాలో సామాజిక సంక్షేమ పథకాలు పొందితే గ్రీన్ కార్డు జారీని నిలిపివేయనున్నారు. అంటే గతంలో ప్రతిపాదించిన పబ్లిక్ ఛార్జి విధానాన్ని పునరుద్దరించారు. ఇందులో ఫ్రీ మెడిక్లెయిమ్ స్కీం ఉండడంపై అభ్యంతరాలు వ్యక్తం అవుతున్నాయి.

తాజా నిర్ణయాలతో ట్రంప్ ఇక్కడితో ఆగుతాడా? లేక ఇలాంటి నిర్ణయాలు తీసుకుకుంటూనే ఉంటాడా? ఎవరిని టార్గెట్ చేస్తారనేది అనే చర్చ మరోసారి మొదలైంది.

Also Read: ఫిఫా ఫైనల్స్ ఎఫెక్ట్.. బార్ల పనివేళల పొడగింపు.. ఇక తెల్లార్లు ఎంజాయ్ పండగో!