Bigg Boss 9 Finale Promo: బిగ్బాస్ చివరి అంకానికి చేరింది. ఈ రోజుతో రియాలిటీ షోకు ఎండ్ కార్డు పడనుంది. గ్రాండ్ ఫినాలేకు సంబంధించి అంత సిద్దమైంది. 105 పాటు జరిగిన ఈ రణరంగంలో గెలిచిందేవరో నేటితో తేలనుంది. బిగ్బాస్ తెలుగు 9 సీజన్ ట్రోఫీ ఎవరిని వరిస్తుందో మరికొన్ని గంటల్లో తేలనుంది. బిగ్‌బాష్‌ ఫినాలే ఎపిసోడ్‌ ఆడియన్స్‌, ఫ్యాన్స్‌ ఆసక్తిగా ఎదురుచూస్తున్నారు. ఈ క్రమంలో ఫైనల్ ఎపిసోడ్‌కి సంబంధించిన ప్రొమో తాజాగా విడుదలైంది. దాదాపు 5 నిమిషాల పైనే నిడివితో ఈ ప్రొమోని వదిలింది బిగ్బాస్ టీం.
హోస్ట్‌ నాగార్జున అదిరిపోయే ఎంట్రీ నుంచి ఎలిమినేటెడ్‌ కంటెస్టెంట్స్‌ ఎంట్రీ, సినీ సెలబ్రిటీల ఆటపాట, హౌజ్‌లో టాప్‌ 4ల సందడి.. హీరో శ్రీకాంత్ గెస్ట్‌ అప్పియరెన్స్‌. హాట్‌ భామలు.. పాయల్‌ రాజ్‌పుత్‌, డింపుల్‌ హయాతీ స్పెషల్ సాంగ్ పర్ఫామెన్స్.. చివరిలో రోబో సందడి.. ఇలా ప్రతి ఘట్టం ఫినాలేపై ఆసక్తి పెంచింది. ఇక చివరిలో విన్నర్ ఎవరో తేలనుదంటూ ఉత్కంఠ పెంచారు. ఆటపాట, కామెడీ, సరదాగా సాగిన ఈ ప్రోమో ఆకట్టుకుంటోంది. ‘105 రోజుల రణరంగం చివరి అంకానికి చేరుకుంది.. ఈరోజు ముగింపు అద్భుతంగా ఉండబోతుంది‘ అంటూ బిగ్బాస్ సీజన్-9 గ్రాండ్ ఫినాలేకు స్వాగతం పలికాడు హోస్ట్‌ నాగ్.
కూలీ సినిమాలో నాగార్జున చేసిన సైమన్ రోల్‌కి సంబంధించిన లుక్‌లో నాగార్జున గ్రాండ్ ఎంట్రీ ఇచ్చారు. ఎప్పిటిలాగే ఈ ఫైనల్ ఎపిసోడ్‌లోకి ఈ సీజన్ కంటెస్టెంట్స్‌ అంత వచ్చేసారు ఫినాలేను మరింత గ్రాండ్‌గా మార్చారు. ఫైనలిస్టుల కుటుంబ సభ్యులు ఫినాలేలో పాల్గొన్నారు. తర్వాత తనూజ, ఇమ్మానుయేల్, కళ్యాణ్, డీమాన్, సంజన.. ఐదుగురు తమ స్పెషల్ పెర్ఫామెన్స్‌లతో ఫిదా చేశారు. ఇక ఈ షోలో సీనియర్‌ హీరో శ్రీకాంత్ స్పెషల్ అప్పియరెన్స్‌ ఇచ్చారు. హౌజ్‌లోకి వెళ్లి ఫైనలిస్టులతో సందడి చేశారు. అలానే హీరో నవీన్ పోలిశెట్టి, మీనాక్షి చౌదరి, రోషన్, అనస్వరా రాజన్ తమ కొత్త సినిమాల ప్రమోషన్స్ కోసం స్టేజ్ మీద సందడి చేశారు.
తర్వాత బిగ్బాస్ 9 ట్రోఫీని చూపించారు నాగార్జున. రెండు చేతులపైన బట్టర్ ఫ్లై ఆకారంలో ఈ ట్రోఫీ ఆకర్షిణియంగా ఉంది. ఇక ఈ ట్రోఫీ ఎవరు సొంతం చేసుకుంటారు హౌస్‌మేట్స్‌ని అడిగ్గా.. అయోషా.. ఇమ్మాన్యుయేల్‌ అని చెప్పింది. శ్రీజ దమ్ము కళ్యాణ్ పడాల పేరు, రీతూ చౌదరి.. డిమోన్‌ పవన్‌ పేరు, చివరిగా నిఖిల్‌ తనూజ పేరు చెప్పారు. అలాగే ఫైనలిస్ట్‌లు హౌజ్‌లోకి ఎవరి థ్యాంక్యూ చెప్పాలనుకుంటున్నారు బ్రేస్‌లెట్‌ వేసి చెప్పాలన్నారు. ఇందులో డిమోన్‌, కళ్యాణ్‌లు తనూజకు థ్యాంక్స్‌ చెప్పారు. ఆ తర్వాత డిమోన్‌ రీతూకి సారీ చెప్పాడు. ఆ తర్వాత డిమోన్‌ విన్‌ అయితే అతడి స్పీచ్‌ ఎలా ఉంటుందో చేసి చూపించాడు ఇమ్మూ. టైటిల్ గెలిచాక దాన్ని రీతూ ఇంట్లోనే పెడతాను. పొద్దున్నే లేవగానే రీతూ ఆ టైటిల్ చూసుకుంటుంది.
ప్రైజ్‌మనీలో కూడా ఒక లక్ష తీసుకుని మిగిలింది రీతూకే ఇస్తా అంటూ సరదా స్పిచ్‌తో నవ్వించాడు ఇమ్మూ. అలాగే.. సంజన విన్‌ అయితే ఎలా మాట్లాడుతుందో చేసి నవ్వించాడు కళ్యాణ్. ఇలా ప్రొమో మొత్తం సరదాగా, ఆసక్తిగా సాగింది. ఈ యుద్దభూమిలో ట్రోఫీ గెలిచేది ఎవరో ఈ రోజు రాత్రితో తేలిపోతుందంటూ హోస్ట్‌ నాగార్జున క్యూరియాసిటి పెంచాడు. ఇక హౌజ్‌లోకి వెళ్లిన శ్రీకాంత్‌తో విన్నర్ ఎవరో తేల్చమని నాగార్జున అనగా.. అక్కడ కంటెస్టెంట్స్‌ వైట్‌ షర్ట్స్‌ ఇచ్చిన దాని వెనకగా విన్నర్ ఎవరో చెప్పినట్టు చూపించారు. ప్రొమో చివరిలో శ్రీకాంత్.. కళ్యాణ్ తిరగమని చెప్పగానే అది చూసి తనూజ షాక్‌ అవుతుంది. దీంతో ప్రొమోకు ముగిసింది. విన్నర్ ఎవరో చెబుతూ సస్పెన్స్‌లో క్రియేట్‌ చేసి ప్రొమోలో ఉత్కంఠ పెంచాడు బిగ్బాస్. మరి ఈ యుద్దభూమి టైటిల్ పొందేది ఎవరో తెలియాలంటే మరికొన్ని గంటలు ఆగాల్సిందే.
Share
KCR: నన్ను తిట్టడమే పనిగా పెట్టుకున్నారు, పాలు-నీళ్లు ఏవో జనాలకు అర్థమైంది: కేసీఆర్
Mahesh Kumar Goud: కిషన్రెడ్డి తెలంగాణకు తెచ్చింది ఏమైనా ఉందా? మహేష్ కుమార్ ఆగ్రహం
