చంద్రబాబు నోట మావిగన్ మాట.. జగన్ ఐడియా‌కు స్కెచ్ ఏసారా..?

MAVIGAN Model: సీఎం చంద్రబాబు నోట మావిగన్ మాట. గుంటూరు -విజయవాడని అమరావతితో కలిపి అభివృద్ధి చేయాలని సీఎం చేసిన వ్యాఖ్యలు.. ఏపీ రాజకీయాల్లో పెద్ద చర్చకు దారితీస్తున్నాయి. మాజీ సీఎం జగన్ మావిగన్‌ లైన్‌లోకి చంద్రబాబు వస్తున్నారా? ఈ మావిగన్ మోడల్ వెనుక చంద్రబాబు వ్యూహమేంటి?

మావిగన్‌ స్ట్రాటజీని..

రాజధాని అంటే కేవలం కొన్ని ఆఫీసులు, అసెంబ్లీ కాంప్లెక్స్‌లు, హైకోర్టు భవనం మాత్రమే కాదు. దాని చుట్టూ బలమైన ఆర్థిక వ్యవస్థ ఉండాలి. అందుకే విజయవాడ, గుంటూరు నగరాలను అమరావతి అభివృద్ధిలో ముడిపెట్టాలని చూస్తున్నారు సీఎం చంద్రబాబు. వైసీపీ అధినేత జగన్ చెప్పిన మావిగన్‌ స్ట్రాటజీని చంద్రబాబు ఫాలో అవుతున్నారా అని సోషల్‌మీడియాలో కామెంట్స్ వస్తున్నాయి. ఇదీ జగన్ ఆలోచనను కాపీ కొట్టడం కాదని.. అమరావతికి ఆర్థికబలాన్ని తెచ్చే సహజ సిద్ధమైన చంద్రబాబు విజన్ అని టీడీపీ నేతలు వాదిస్తున్నారు.

Also read: ఇసుక నేలపై కాళేశ్వరం పునాది.. కట్టిన వారానికే లీకేజీ.. మంత్రి ఉత్తమ్ ఫైర్

చంద్రబాబు ప్లాన్..

ఇప్పటికిప్పుడు అంతర్జాతీయ పెట్టుబడులు, మెట్రో రైల్ ప్రాజెక్టులు, ఔటర్ రింగ్ రోడ్‌లు రావాలంటే సాధ్యం కాకపోవచ్చు. చుట్టూ ఇప్పటికే ఉన్న విజయవాడ వాణిజ్య బలం, గుంటూరు పారిశ్రామిక, విద్యా రంగాల సామర్థ్యాన్ని అమరావతికి జోడించాలన్నది చంద్రబాబు ప్లాన్. ఒక్క దెబ్బకు రెండు పిట్టలు అన్నట్టుగా.. ఒకవైపు విపక్షాల 29 గ్రామాల రాజధాని అనే ప్రచారాన్ని తిప్పికొడుతూనే, మరోవైపు అమరావతి డెవలప్‌మెంట్ స్పీడ్‌ను పెంచడమే లక్ష్యంగా చంద్రబాబు ఈ మావిగన్ క్లస్టర్ మోడల్‌ను తెరపైకి తెచ్చారు. మరి చంద్రబాబు విజన్ ఏపీ ఆర్థిక ముఖచిత్రాన్ని ఎలా మార్చబోతుంది.?

Also read: బిగ్ బ్రేకింగ్ న్యూస్.. పోలీస్ ఉద్యోగాల భర్తీకి నోటిఫికేషన్ విడుదల!