Constable Dance: ఏకాంత సేవ అంటూ మహిళతో కానిస్టేబుల్ అశ్లీల నృత్యాలు.. సస్పెండ్ చేసిన ఎస్పీ

Constable Dance: కృష్ణా జిల్లాలో పోలీస్ కానిస్టేబుల్ అసభ్యకర నృత్యాలు సోషల్ మీడియాలో వైరల్ అవుతున్నాయి. కంకిపాడు రూరల్ సీఐ జీప్ డ్రైవర్ అజయ్ కుమార్ మహిళతో చిన్నారుల ఎదుట చేసిన అశ్లీల నృత్యాలు చేశారు. ఈ వీడియోలు సోషల్ మీడియాలో వైరల్ అవుతున్నాయి. ఈ ఘటనపై ఉన్నతాధికారులు విచారణకు ఆదేశించారు.

సస్పెండ్ చేసిన ఎస్పీ

కంకిపాడు రూరల్ సీఐ జీప్ డ్రైవర్ అజయ్ కుమార్ చిన్నారుల ముందు అశ్లీల నృత్యాలు చేయడంపై ఎస్పీ విద్యాసాగర్ నాయుడు ఆగ్రహం వ్యక్తం చేశారు. హోంగార్డు అజయ్‌ కుమార్‌ అసభ్యకర నృత్యాలు సోషల్ మీడియాలో వైరల్ కావడంతో అతడ్ని సస్పెండ్ చేశారు. పోలీస్ శాఖ ప్రతిష్ఠను దెబ్బతీసేలా ప్రవర్తించడంపై ఎస్పీ సీరియస్ అయ్యారు. హోంగార్డు అశ్లీల నృత్యాలపై విచారణ జరిపి సమగ్ర నివేదిక ఇవ్వాలని స్థానిక పోలీసు అధికారులను ఎస్పీ ఆదేశించారు. పోలీస్ శాఖ ప్రతిష్ఠకు భంగం కలిగించేలా ఎవరు వ్యవహరించినా కఠిన చర్యలు తప్పవని హెచ్చరించారు.

సోషల్ మీడియాలో ఈ వీడియో వైరల్ కావడంతో నెటిజన్లు మండిపడుతున్నారు. చిన్నా్రుల ముందు మహిళతో అసభ్యకరంగా ప్రవర్తిస్తూ డ్యాన్స్ చేయడంపై మండిపడుతున్నారు. చిన్న పిల్లలు ఎదుట ఇలాంటి నృత్యాలు ఏర్పాటు చేయడంపై ఆగ్రహం వ్యక్తం చేస్తున్నారు. కానిస్టేబుల్ పై కఠిన చర్యలు తీసుకోవాలని డిమాండ్ చేస్తున్నారు.

Also Read: Amaravati: కూటమి ప్రభుత్వంపై సజ్జల ఆగ్రహం, వైసీపీకి కేసుల సెగ, చాగంటి ప్రవచనాలపై కూడా

కృష్ణా జిల్లాలో సీఐ జీప్ డ్రైవర్ అసభ్యకర నృత్యాలు..

చిన్నారుల ఎదుట మహిళతో రికార్డింగ్ డ్యాన్స్

సోషల్ మీడియాలో వైరల్ గా మారిన వీడియోలు

డ్రైవర్ పై ఆగ్రహం వ్యక్తం చేస్తున్న స్థానికులు

స్థానికుల ఫిర్యాదుతో డ్రైవర్ పై కేసు నమోదు

డ్రైవర్ ను సస్పెండ్ చేసిన ఉన్నతాధికారులు pic.twitter.com/dtsdch4om0

— BIG TV Breaking News (@bigtvtelugu) November 25, 2025