Visakhapatnam: ఇండియాలో సేఫ్-క్లీన్ సిటీ, మహిళల భద్రతలో విశాఖ టాప్ ప్లేస్-సీఎం చంద్రబాబు

Visakhapatnam: ఇండియాలోనే సేఫ్ అండ్ క్లీన్ సిటీ విశాఖపట్నం అని అన్నారు సీఎం చంద్రబాబు. మహిళల భద్రత విషయంలో ఈ నగరం అగ్రస్థానంలో ఉందన్నారు. రానున్న మూడు నాలుగేళ్లు గుగూల్ 15 బిలియన్ డాలర్ల పెట్టుబడులు పెట్టనుందని వివరించారు. గురువారం విశాఖలోని నోవాటెల్ హోటల్‌లో ఇండియా-యూరప్ బిజినెస్ భేటీలో జరిగింది. ఈ కార్యక్రమానికి సీఎం చంద్రబాబు హాజరయ్యారు.

మహిళల భద్రతలో విశాఖ టాప్ ప్లేస్

ఇండియా-ఐరోపా మధ్య సన్నిహిత సంబంధాలు ఉన్నాయని, ఆర్థిక సంస్కరణలు వచ్చిన తర్వాత పరిస్థితులు మారిపోయాయని అన్నారు. రూ. 50 వేల కోట్ల పెట్టుబడితో విశాఖలో ఓ గిగావాట్ డేటా సెంటర్‌ను గూగుల్ ఏర్పాటు చేయనుందన్నారు. సాంకేతిక రంగంలో తాము కొత్త ఆవిష్కరణలను అందిపుచ్చుకుంటున్నట్లు తెలిపారు.

ప్రపంచంలో ఎక్కడికి వెళ్లినా ఐటీలో భారతీయులదే కీలకపాత్ర అని చెప్పుకొచ్చారు. డేటా సెంటర్, స్పేస్, డ్రోన్, ఎలక్ట్రానిక్స్, సెమీ కండక్టర్ల వంటి రంగాల్లో ముందున్నామని వెల్లడించారు. త్వరలో అమరావతితో క్వాంటం కంప్యూటింగ్ సెంటర్ అందుబాటులోకి రానుందని ఈ సందర్భంగా తెలిపారు.

ఇండియా-యూరప్ బిజినెస్ భేటీలో సీఎం చంద్రబాబు

పెట్టుబడులతో వచ్చేవారిని ఎలాంటి ఇబ్బందులు కావాల్సిన మౌళిక సదుపాయాలు కల్పిస్తున్నట్లు వివరించారు. మౌలిక సదుపాయాల కల్పనలో తమ రాష్ట్రం ముందు ఉందన్నారు. గ్రీన్ ఎనర్జీ విభాగంలో పెట్టుబడులు వస్తున్నాయని, స్పీడ్ ఆఫ్ డూయింగ్ బిజినెస్ విధానంలో ముందుకెళ్తున్నామన్నారు. రాష్ట్రంలో పోర్టులతోపాటు రైల్వే అనుసంధానికి ప్రయత్నాలు జరుగుతున్నాయని అన్నారు.

ALSO READ: ఏపీలో భారీ పెట్టుబడి.. గూగుల్ తర్వాత ఆ సంస్థదే

గ్రీన్‌ ఎనర్జీ సెక్టార్‌లో భారత్‌ 500 గిగావాట్ల విద్యుత్ ఉత్పత్తి చేయాలని లక్ష్యంగా పెట్టుకుందన్నారు. అందుకు అనుగుణంగా 160 గిగావాట్ల విద్యుదుత్పత్తికి ప్రయత్నాలు చేస్తున్నట్లు వివరించారు. ముఖ్యంగా సౌర-పవన-పంప్డ్‌ ఎనర్జీ రంగాల్లో బలంగా ఉన్నామని, ఏపీలో వివిధ రకాల పరిశ్రమలను ప్రోత్సహిస్తున్నట్లు తెలియజేశారు. ఏపీలో నైపుణ్యం కలిగిన యువత అందుబాటులో ఉందని, కొత్త ఆలోచనలతో ఆవిష్కరణలు చేయడంతో వారు ముందు ఉంటారని అన్నారు. పెట్టుబడి పెడితే అనుమతుల్లో ఎలాంటి జాప్యం ఉండదన్నారు. కేవలం 45 రోజుల్లో అనుమతులు మంజూరు చేస్తున్నట్లు చెప్పారు.

ఇండియాలోనే సేఫ్ అండ్ క్లీన్ సిటీ విశాఖ

మహిళల భద్రత విషయంలో విశాఖ నగరం అగ్ర స్థానంలో ఉంది

వచ్చే 3-4 ఏళ్లలో గుగూల్ 15 బిలియన్ డాలర్ల పెట్టుబడులు పెట్టనుంది

– సీఎం చంద్రబాబు pic.twitter.com/OKpJ3nmX81

— BIG TV Breaking News (@bigtvtelugu) November 13, 2025