Avinash Reddy Mother : కడప ఎంపీ వైఎస్‌ అవినాష్‌రెడ్డి తల్లి శ్రీలక్ష్మి ఆరోగ్య పరిస్థితి ఆందోళనకరంగా ఉందని కర్నూలు విశ్వభారతి ఆస్పత్రి వైద్యులు ప్రకటించారు. 4 రోజులుగా ఆ ఆస్పత్రిలోనే ఆమె చికిత్స పొందుతున్నారు. గుండెకు సంబంధించిన ఇబ్బందులకు చికిత్స అందిస్తున్నారు. సీబీఐ విచారణకు హాజరుకావాల్సి ఉన్నా.. అవినాష్ రెడ్డి కూడా తల్లితో ఆస్పత్రిలోనే ఉన్నారు. తాజాగా అవినాష్ రెడ్డి తల్లి ఆరోగ్య పరిస్థితిపై ఆస్పత్రి యాజమాన్యం ప్రెస్‌ నోట్‌ విడుదల చేసింది.
అవినాష్ రెడ్డి తల్లి శ్రీలక్ష్మి ఆరోగ్య పరిస్థితి ఆందోళనకరంగా ఉందని విశ్వభారతి ఆస్పత్రి వెల్లడించింది. ఆమె నాన్‌ఎస్‌టీ ఎలివేషన్ మయోకార్డియల్ ఇన్‌ఫ్రాక్షన్‌ గురయ్యారని తెలిపింది. యాంజియోగ్రామ్ చేసిన తర్వాత ఆమె డబుల్ నాళాల వ్యాధితో బాధపడుతున్నారని తేలిందని పేర్కొంది.
ప్రస్తుతం సీసీయూలో శ్రీలక్ష్మిని ప్రత్యేక వైద్యుల బృందం పర్యవేక్షిస్తోంది. రక్తపోటు ఇప్పటికీ తక్కువగా ఉందని వైద్యులు తెలిపారు. ఆమె అయానోట్రోపిక్ సపోర్ట్‌పై ఉన్నారని వివరించారు. ప్రస్తుతం ఆమెకు వాంతులు అవుతున్నాయన్నారు. వాంతులు ఇలాగే కొనసాగితే ఆల్ట్రాసౌండ్ స్కాన్‌, మెదడుకు ఇమేజింగ్ స్కాన్‌ చేసేందుకు ఏర్పాట్లు చేశామన్నారు. లోబీపీ ఉన్నందున మరికొన్ని రోజులు సీసీయూలో ఉంచాల్సిన అవసరం ఉందని విశ్వభారతి వైద్యులు స్పష్టం చేశారు.
Share
Driverless Tractor: డ్రైవర్ లేకుండా ట్రాక్టర్.. వ్యవసాయం కోసం..
Jagan : బందరు పోర్టు నిర్మాణ పనులకు శ్రీకారం.. ఎప్పటికి పూర్తవుతుందంటే..?
