Alla Ramakrishna Reddy: మంగళగిరి ఎమ్మెల్యే ఆళ్ల రామకృష్ణారెడ్డి సంచలన వ్యాఖ్యలు చేశారు. ఇక నుంచి షర్మిల వెంట నడుస్తానని ప్రకటించారాయన. తాను అజ్ఞాతంలోకి వెళ్లలేదన్న ఆర్కే.. షర్మిలను కలిశానంటూ చెప్పుకొచ్చారు. తన రాజకీయ జీవితాన్ని కాలమే డిసైడ్ చేస్తుందని.. షర్మిల ఏ నిర్ణయం తీసుకున్నా ఆమోదమేనంటూ చెప్పారు.
మరోవైపు.. తనకు టికెట్ ఇవ్వలేదనే వైసీపీని వీడడం లేదన్నారు ఆర్కే. లోకేష్ను ఓడించిన తనకు ప్రభుత్వం నుంచి ఎలాంటి సహకారం అందలేదని విమర్శించారు. కేసులు వేసి చంద్రబాబుపై న్యాయ పోరాటం చేశానని గుర్తుచేశారు. సొంత డబ్బులతో నియోజకవర్గాన్ని అభివృద్ధి చేశానని చెప్పుకొచ్చిన ఆర్కే.. మరోసారి వైసీపీలోకి వెళ్లే ప్రసక్తే లేదని తేల్చిచెప్పారు.
తాను స్పీకర్ ఫార్మాట్ లోనే రాజీనామా చేశానని చెప్పారు ఆర్కే. రాజీనామా ఆమోదిస్తారో లేదో వాళ్లిష్టమన్నారు. ఇప్పటివరకు తాను ఎక్కడా కూడా అధికారిక కార్యక్రమాల్లో పాల్గొనడం లేదని చెప్పారు. ఆర్కే చేసిన తాజా కామెంట్స్ ఏపీలో హాట్ టాపిక్ గా మారాయి.
Share
Prithviraj Sukumaran: ఆ హీరోయిన్ చేతిలో మోసపోయిన ‘సలార్’ నటుడు.. ఆమె ఎవరో తెలుసా..!
Zaheerabad : హత్యకేసులో కీలక తీర్పు .. కుటంబంలో 9 మందికి జీవితఖైదు..
