Viral Video: సోషల్ మీడియాలో ప్రస్తుతం ఒక చిన్నారికి సంబంధించిన వీడియో తెగ వైరల్ అవుతోంది. కేవలం 10 రూపాయలకే “దైవ ఆశీస్సులు” అందజేస్తున్న ఈ బాలుడి వ్యాపార తెలివితేటలు చూసి నెటిజన్లు ఆశ్చర్యపోతున్నారు. సుమారు పదేళ్ల లోపు వయసున్న ఈ బాలుడు, ఒక శివలింగాన్ని తాకి, ఆ పవిత్ర శక్తిని కింద వేచి ఉన్న భక్తులకు బదిలీ చేస్తున్నట్లు నటిస్తూ ప్రతి ఒక్కరి వద్ద 10 రూపాయలు వసూలు చేస్తున్నాడు. ఈ 25 సెకన్ల వీడియో క్లిప్ సమాజంలోని మత విశ్వాసాలను ఒక వ్యాపారంగా మార్చుకున్న తీరును అద్దం పడుతోంది.
ఈ వీడియోను చూసిన నెటిజన్లు భిన్నంగా స్పందిస్తున్నారు. కొందరు ఆ బాలుడిని “ఫ్యూచర్ బాబా” అని అభివర్ణిస్తుంటే, మరికొందరు సమాజంలోని అమాయకత్వాన్ని వాడుకోవడంలో వాడు ఆరితేరాడని కామెంట్ చేస్తున్నారు. “10 రూపాయలు ఇవ్వండి.. దీవెనలు తీసుకోండి” అనే ఈ బిజినెస్ ప్లాన్ అద్భుతంగా ఉందంటూ సోషల్ మీడియా యూజర్లు సెటైర్లు వేస్తున్నారు. భారతదేశంలో మతపరమైన నమ్మకాలతో డబ్బు సంపాదించడం ఎంత సులభమో ఈ చిన్నారి నిరూపించాడని, భవిష్యత్తులో వాడు గొప్ప పారిశ్రామికవేత్త లేదా ఆధ్యాత్మిక గురువు అయ్యే అవకాశాలు ఉన్నాయని నెటిజన్లు చమత్కరిస్తున్నారు.
అయితే, ఈ ఘటనపై కొంతమంది ఆందోళన కూడా వ్యక్తం చేస్తున్నారు. ఇంత చిన్న వయసులోనే ఆధ్యాత్మికతను వ్యాపార కోణంలో చూడటం సమాజ స్థితిగతులకు నిదర్శనమని వారు అభిప్రాయపడుతున్నారు. ఆ బాలుడి తెలివితేటలను సరైన విద్య వైపు మళ్లిస్తే దేశానికి ఉపయోగపడతాడని, లేదంటే తప్పుడు మార్గంలో వెళ్లే ప్రమాదం ఉందని సూచిస్తున్నారు. ఏది ఏమైనా, “డిమాండ్ పెరిగితే ధర కూడా పెరుగుతుంది” అనే ఆర్థిక సూత్రాన్ని ఈ చిన్నారి అప్పుడే వంటబట్టించుకున్నాడంటూ వస్తున్న కామెంట్లతో ఈ వీడియో నెట్టింట వైరల్గా మారింది.
"Give ₹10, take blessings." 😂
"Tried and tasted business plan." 🤣
The kid is intelligent. He has understood the crux of society and is doing accordingly. I hope he earns more. Just looking like a wow. pic.twitter.com/m02PHlKygq
— Suraj Kumar Bauddh (@SurajKrBauddh) February 2, 2026
Share
Municipal Elections: హుజురాబాద్ కాంగ్రెస్లో ముదిరిన టికెట్ల సెగ.. ఇన్చార్జ్ ప్రణవ్ వైఖరిపై ఆశావహుల తిరుగుబాటు
Tasty Teja: అనిల్ రావిపూడి కాలేజ్లో నాకు సీనియర్.. అవకాశం ఇస్తుంటే నేనే జంప్!
