Loyal Dog: సాధారణంగా మనుషుల మధ్యే కృతజ్ఞతా భావం తగ్గిపోతున్న ఈ రోజుల్లో, ఒక మూగజీవి చూపిన అనురాగం అందరినీ ఆశ్చర్యానికి గురి చేస్తోంది. కేవలం ఐదు రూపాయల బిస్కెట్ ప్యాకెట్ అందించినందుకు ఆ శునకం చూపిన కృతజ్ఞత, భక్తి నేడు సోషల్ మీడియాలో వైరల్గా మారింది. ఆదిలాబాద్ జిల్లాకు చెందిన హనుమాన్ భక్తులు తమ మాల విరమణ కోసం కొండగట్టు అంజన్న క్షేత్రానికి బయలుదేరగా, ఆ ప్రయాణంలో ఒక అనూహ్య అతిథి తోడైంది.
వివరాల్లోకి వెళితే..
ఆదిలాబాద్ జిల్లా గుడిహత్నూరు నుంచి కాలినడకన కొండగట్టుకు బయలుదేరిన దీక్షాపరులకు ఉట్నూరు సమీపంలో ఒక శునకం తారసపడింది. మార్గమధ్యలో సేద తీరుతున్న సమయంలో భక్తులు ఆకలితో ఉన్న ఆ శునకానికి ఒక ఐదు రూపాయల బిస్కెట్ ప్యాకెట్ను ప్రేమతో అందించారు. ఆ చిన్న సాయమే ఆ మూగజీవి మనసును గెలుచుకుంది. అప్పటి నుండి ఆ భక్తులను వదిలిపెట్టకుండా వారి వెంటే అడుగులు వేయడం ప్రారంభించింది.
దాదాపు ఐదు రోజుల పాటు ఎండనక, వాననక ఆ శునకం భక్తులతో కలిసి సుమారు 130 కిలోమీటర్ల మేర ప్రయాణించింది. భక్తులు నడుస్తుంటే వారితో పాటు నడవడం, వారు ఆగితే పక్కనే ఆగడం చేస్తూ ఒక నీడలా మారింది. ఆంజనేయ స్వామి భక్తుల భజనలు, నామస్మరణల మధ్య ఆ శునకం కూడా భక్తితో సాగుతున్నట్లుగా అనిపించడం అక్కడి వారిని మంత్రముగ్ధులను చేసింది.
సుదీర్ఘ ప్రయాణం కావడంతో ఆ మూగజీవి కాళ్లు వాచిపోయి, నడవడానికి ఇబ్బంది పడటం గమనించిన దీక్షాపరుల మనసు ద్రవించింది. సాటి జీవి పట్ల కారుణ్యం చూపడం మాల ధారణలోని అసలు ఉద్దేశమని భావించిన భక్తులు, ఆ శునకానికి సాక్సులు తొడిగి, గాయాలకు మందులు రాసి ప్రేమగా సేవలందించారు. ఆ బాధలోనూ అది తోక ఆడిస్తూ వారి ప్రేమను స్వీకరించడం చూసి అందరూ పరవశించిపోయారు.
Also Read: ప్రేమ కోసం ప్రాణాలు తీసుకున్న లవర్స్.. వారికి గుడి కట్టి పెళ్లి చేస్తున్న గ్రామస్తులు
చివరికి కొండగట్టు ధామం చేరుకునే వరకు ఆ శునకం వారి వెంటే ఉండి తన విశ్వాసాన్ని చాటుకుంది. “విశ్వాసం అంటే ఇదేనేమో” అని చూసే ప్రతి ఒక్కరూ అనుకునేలా ఆ మూగజీవి ప్రవర్తన ఉంది. కేవలం ఒక బిస్కెట్ ప్యాకెట్కు బదులుగా అది చూపిన ఈ అంతులేని అనురాగం, మానవత్వానికి, జంతుప్రేమకు ఒక గొప్ప నిదర్శనంగా నిలిచిపోయింది.
విశ్వాసం అంటే ఇదేనేమో..!
రూ.5 బిస్కెట్ ప్యాకెట్ వేసినందుకు 130 కిలోమీటర్ల మేర భక్తులతో పాదయాత్ర చేసిన శునకం
మాల విరమణ చేసేందుకు ఆదిలాబాద్ జిల్లా గుడిహత్నూరు నుంచి కాలినడకన కొండగట్టుకు పాదయాత్ర చేస్తున్న హనుమాన్ భక్తులు
ఈ క్రమంలో ఉట్నూర్ వద్ద సేద తీరుతుండగా ఓ శునకం తారసపడగా..… pic.twitter.com/lbG6AOZfsx
— BIG TV Breaking News (@bigtvtelugu) March 28, 2026
Share
పొదరిల్లు.. మార్చి 29 : కాలేజీకి వెళ్లిన మహా.. ఆది ఎంట్రీతో సీన్ రివర్స్.. నారాయణను కత్తితో పొడిచిన ఆది..
ఈ వీకెండ్ ఓటీటీలోకి వచ్చేసిన సినిమాలు.. ఆ రెండు మస్ట్ వాచ్..
