Viral Video: లిఫ్టులో చిక్కుపోయిన ఇద్దరు చిన్నారులను ఓ బాలిక అత్యంత ధైర్యసాహసాలు ప్రదర్శించి కాపాడింది. ప్రస్తుతం ఈ ఘటనకు సంబంధించి దృశ్యాలు సోషల్ మీడియాలో వైరల్ అవుతున్నాయి. బాలిక ప్రదర్శించిన తెగువ చూసి నెటిజన్లు ఆశ్చర్యపోతున్నారు. అయితే ఘటన లిఫ్ట్ భద్రతను మరోమారు చర్చకు తీసుకొచ్చింది.
వైరల్ అవుతున్న వీడియోను గమనిస్తే.. ఇద్దరు చిన్నారులు లోపల ఉండగా లిఫ్ట్ డోర్ అకస్మాత్తుగా మూసుకుపోవడం ప్రారంభించింది. దీంతో అప్రమత్తమైన బాలిక.. లిఫ్ట్ డోరు పూర్తిగా మూసుకోకుండా అడ్డుపడింది. డోర్లకు మధ్య కాలు అడ్డుపెట్టి రెండు చేతులతో తెరిచే ప్రయత్నం చేసింది. దీనిని గమనించిన ఇద్దరు మహిళలు.. లిఫ్ట్ వద్దకు చేరుకొని బాలికకు సాయం చేసారు.
She is so brave girl 🫡🫡🫡🔥🔥 pic.twitter.com/TXnnFA8eVz
— SriSathya (@sathyashrii) February 20, 2026
లిఫ్ట్ డోర్ ను ఇద్దరు మహిళలు అతి కష్టం మీద తెరవగా.. బాలిక డోర్ల మధ్యలో నిలబడి లోపలున్న ఇద్దరు చిన్నారులను బయట వైపునకు తీసుకొచ్చింది. అనంతరం బాలిక కూడా డోర్ల మధ్య నుంచి వచ్చేయడంతో అవి అమాంతం మూసుకుపోయాయి. ఇందుకు సంబంధించిన దృశ్యాలు సీసీటీవీలో రికార్డు కాగా.. అవి వైరల్ గా మారాయి.
Also Read: Summer 2026 Guide Car: సమ్మర్ లో మీ కారు కూల్ గా ఉండాలంటే, ఈ స్మార్ట్ ట్రిక్స్ ఫాలో అయిపోండి!
మరోవైపు బాలిక చూపిన తెగువపై నెటిజన్లు ప్రశంసలు కురిపిస్తున్నారు. ప్రాణాలను పణంగా పెట్టి చిన్నారులను రక్షించిందని ఆకాశానికెత్తుతున్నారు. అదే సమయంలో ఆ లిఫ్ట్ లోని సాంకేతిక లోపాలను ఎత్తిచూపుతున్నారు. సాధారణంగా లిఫ్ట్ డోర్లకు అడ్డుగా చేతులు పెడితే సెన్సార్లు గ్రహించి తెరుచుకుంటాయని.. ఈ లిఫ్ట్ లో అలా జరగలేదని నెటిజన్లు అంటున్నారు. ఇలాంటి లిఫ్ట్ లు ప్రాణాంతకంగా మారవచ్చని చెబుతున్నారు. చిన్న పిల్లలను లిఫ్ట్ వద్దకు ఒంటరిగా పంపవద్దని తల్లిదండ్రులకు సూచిస్తున్నారు.
Also Read: New vs Old Tata Punch EV: కొత్త, పాత టాటా పంచ్ ఈవీలో ఎది బెస్ట్? ఎందుకు?
Share
Mercedes Baby G-Class: లాంచ్ కు రెడీ అవుతున్న మెర్సిడెస్ బేబీ జి-క్లాస్, మార్కెట్ లోకి వచ్చేది ఎప్పుడంటే?
Yashaswini : ట్రెండీ వేర్ లో పిచ్చెక్కిస్తున్న పల్లవి.. మెంటలెక్కిపోవాల్సిందే..
