Italy Robbery: హాలీవుడ్ సిన్మా మాదిరిగా ఇటలీ హైవేపై భారీ దోపిడీ..నగదు వ్యాన్ పేల్చివేత, వీడియో వైరల్

Italy Robbery: ఇటలీలో భారీ దోపిడీకి స్కెచ్ వేసింది ఓ గ్యాంగ్. భారీగా నగదు తీసుకెళ్తున్న వాహనాన్ని నడిరోడ్డుపై ఆపి దోచుకునే ప్రయత్నం చేశారు. ఈలోగా పోలీసులు అలర్ట్ కావడంతో నగదు వ్యాన్‌ని పేల్చేశారు. దీనికి సంబందించి వీడియో ఇప్పుడు నెట్టింట వైరల్ అయ్యింది. అసలు ఈ ఘటన ఎలా జరిగింది?

ఇటలీ హైవేపై భారీ దోపిడీ ప్రయత్నం

విదేశాల్లో దోపిడీలు దారుణంగా జరుగుతుంటాయి. ఒక్కవిధంగా చెప్పాలంటే హాలీవుడ్ సినిమాలను తలపిస్తాయి. ఎందుకంటే భారీ ఎత్తున నగదు కొల్లగొట్టేందుకు పక్కాగా ప్లాన్ చేస్తారు. ఇటలీలో కూడా ఆ విధంగా వేశారు. కాకపోతే పోలీసులు రౌండప్ చేయడంతో అడ్డంగా ఇద్దరు చిక్కారు. మరికొందరు కోసం గాలింపు మొదలుపెట్టారు అసలేం జరిగింది.

సౌత్ ఇటలీలో హాలీవుడ్ సినిమా రేంజ్ దొంగతనానికి ప్లాన్ చేశారు దోపిడీ దొంగలు. భారీగా నగదు తీసుకెళ్తున్న వాహనాన్ని నడిరోడ్డుపై ఆపి దోచుకునేందుకు ప్లాన్ చేశారు. అయితే వ్యాన్ వెనుక భాగంలో సెక్యూరిటీ అలర్ట్ కావడంతో ఏం చెయ్యాలో తెలియక తీసుకొచ్చిన పేలుడు పదార్థాలను వ్యాన్‌ని పేల్చుతూ అక్కడి పరారయ్యే ప్రయత్నం చేశారు.

సెక్యూరిటీ అధికారులు రియాక్ట్ కావడంతో వాహనం పేల్చివేత

ఈ ఘటనలో ఇద్దరు అనుమానితులను అధికారులు అదుపులోకి తీసుకున్నారు.  మరికొందరు పరారీలో ఉన్నారు. నిందితుల కోసం గాలింపు మొదలుపెట్టారు. పగటి వేళ జరిగిన ఈ ఘటనకు సంబంధించి దూరంలో ఉన్న ఓ వ్యక్తి ఈ తతంగాన్ని మొబైల్ ఫోన్‌లో బంధించాడు. ఇప్పుడు ఆ వీడియో సోషల్ మీడియాలో తెగ చక్కర్లు కొడుతోంది.

సోమవారం ఉదయం 8 గంటల సమయంలో దక్షిణ ఇటలీలోని ఓ హైవేపై ఈ ఘటన జరిగింది. నగదు వ్యాన్‌ని దోపిడీకి ప్రయత్నం చేయడం భయాందోళనలకు దారితీసింది. ఓ వైపు కాల్పులు, మరోవైపు పేలుడు, ఇంకోవైపు పొగ బాంబులు పేల్చడంతో దట్టమైన పొగ అలముకుంది.  అక్కడి వాతావరణం చూసి వాహనాదారులు హడలిపోయారు.

ALSO READ: ప్రియురాలి పెళ్లి పత్రిక చూసి బాడీబిల్డర్ ఆత్మహత్య

బాటిస్టోల్లి-BTV అనే ప్రైవేట్ భద్రతా సంస్థ నడుపుతున్న ఆ నగదు వాహనాన్ని దోచుకునేందుకు అడ్డగించారు దోపిడీ గ్యాంగ్. సెక్యూరిటీ అధికారులు రౌండప్ చేయడంతో దొంగలు ఆ వ్యాన్‌ని పేల్చివేశారు. పరిస్థితి జఠిలం కావడంతో ఇటాలియన్ మిలిటరీ పోలీసులు కాల్పులకు దిగారు. పొగ ముసుగులో దొంగలు పరారీ అయ్యారు. కాకపోతే ఇద్దరు అనుమానితులను అదుపులోకి తీసుకున్నారు.

రికార్డ్ చేసిన వీడియో ఫుటేజ్‌లో కనీసం ఆరుగురు దొంగలు ముసుగు ధరించినట్టు తెలుస్తోంది. కొందరు తెల్లటి దుస్తులు ధరించి ఆయుధాలు పట్టుకుని దాడిని సమన్వయం చేసినట్టు కనిపిస్తోంది. ఈ బృందం ట్రాఫిక్‌ను అడ్డుకోవడానికి వాహనాన్ని ఉపయోగించినట్టు తెలుస్తోంది. ఈ ఘటనపై దర్యాప్తు సాగుతోందని తెలిపారు. నగదు అంతా సేఫ్‌‌గా ఉందని అధికారులు చెబుతున్నారు.

హాలీవుడ్ సినిమా రేంజ్ దొంగతనం

సౌత్ ఇటలీలో చోటు చేసుకున్న ఘటన

భారీగా నగదు తీసుకెళ్తున్న వాహనాన్ని నడిరోడ్డుపైనే ఆపి దొంగల దాడి

వ్యాన్ వెనుక భాగంలో మిలిటరీ-గ్రేడ్ పేలుడు పదార్థాలను పేల్చుతూ బెదిరించిన వైనం

కోట్లాది యూరోల నగదు చోరీ జరిగినట్లు సమాచారం

ఇందుకు సంబంధించిన వీడియో… pic.twitter.com/y0oXyGQFju

— BIG TV Breaking News (@bigtvtelugu) February 10, 2026

Join WhatsApp Channel

Share

• 
• 
• 
• 
• 
•