అగ్నిపర్వతం పేలుతున్న దృశ్యం ఎంతో భయంకరంగా కనిపిస్తుంది. అందులో నుంచి చిమ్ముతూ వచ్చే లావా, పొగ, మంటలు ప్రకృతి ఎంత శక్తివంతమైనదో గుర్తు చేస్తాయి. అందుకే యాక్టివ్ అగ్నిపర్వతాల వద్దకు వెళ్లడం నిషేధితం. అయితే ప్రపంచంలో కొన్ని అగ్నిపర్వతాలపై మాత్రం భద్రతా నియమాలతో ట్రెక్కింగ్కు అనుమతి ఉంది. ప్రతి సంవత్సరం వేలాది మంది అడ్వెంచర్ ప్రేమికులు ఈ ప్రదేశాలను సందర్శిస్తారు. అనుభవజ్ఞులైన గైడ్లతో కలిసి ఈ అగ్నిపర్వతాల అందాలను ఆస్వాదిస్తారు.
మౌంట్ కిలిమంజారో సముద్ర మట్టానికి 5,895 మీటర్ల ఎత్తులో ఉంటుంది. ఇది ఆఫ్రికాలోనే అత్యంత ఎత్తైన పర్వతం. ప్రపంచవ్యాప్తంగా ట్రెక్కర్లకు ఇది పాపులర్ డెస్టినేషన్. ఈ పర్వతంలో షిరా, మావెంజీ, కిబో అనే మూడు అగ్నిపర్వత శిఖరాలు ఉన్నాయి. కిబో అత్యంత ఎత్తైన శిఖరం. ఈ ట్రెక్కింగ్ పూర్తిచేయడానికి సాధారణంగా తొమ్మిది రోజులు పడుతుంది. అందుకే మంచి శారీరక సామర్థ్యం అవసరం. జనవరి నుంచి మార్చి వరకు, అలాగే జూన్ నుంచి అక్టోబర్ వరకు ట్రెక్కింగ్కు అనుకూల సమయం.
మౌంట్ ఎట్నా యూరప్లో అత్యంత యాక్టివ్ అగ్నిపర్వతంగా ప్రసిద్ధి చెందింది. ఇది వేల సంవత్సరాలుగా తరచూ విస్ఫోటనాలో చేస్తూ ఉంది. అయినప్పటికీ భద్రతా పరిస్థితులు అనుకూలంగా ఉన్నప్పుడు గైడ్లతో ట్రెక్కింగ్కు అనుమతి ఇస్తారు. కొన్నిసార్లు సురక్షిత ప్రాంతాల నుంచి లావా చిమ్ముతున్నప్పుడు కూడా చూడవచ్చు. శిఖరానికి ఒంటరిగా వెళ్లేందుకు అనుమతి లేదు. మే నుంచి సెప్టెంబర్ వరకు సందర్శించడం సురక్షితం.
మౌంట్ వెసువియస్ ప్రపంచంలో అత్యంత ప్రసిద్ధ అగ్నిపర్వతాల్లో ఒకటి. క్రీ.శ. 79లో పోంపేయి నగరాన్ని ఇది పూర్తిగా ధ్వంసం చేసిన పర్వతం. ప్రస్తుతం ఈ అగ్నిపర్వత క్రేటర్ వరకు ట్రెక్కింగ్ చేయవచ్చు. ఈ మార్గం సుమారు 30 నిమిషాల్లో పూర్తవుతుంది. పై నుంచి చుట్టుపక్కల ప్రాంతాల అందమైన దృశ్యాలు కనిపిస్తాయి.
బాలి ద్వీపంలోని మౌంట్ బటూర్ సూర్యోదయ ట్రెక్కింగ్కు ఎంతో ప్రసిద్ధి చెందింది. ప్రతి సంవత్సరం వేలాది మంది తెల్లవారుజామునే ట్రెక్కింగ్ ప్రారంభిస్తారు. మొత్తం ప్రయాణం సుమారు రెండు గంటలు పడుతుంది. శిఖరంపై కనిపించే సూర్యోదయం ప్రత్యేక అనుభూతిని కలిగిస్తుంది. ఏప్రిల్ నుంచి అక్టోబర్ వరకు ట్రెక్కింగ్కు అనువైన కాలం.
Also Read: మేఘాలు నేలను తాకే అందమైన ప్రదేశాలు.. వర్షాకాలంలో తప్పక చూడాల్సిన పర్యాటక ప్రాంతాలు
మౌంట్ మెరాపి ఇండోనేషియాలో అత్యంత ప్రమాదకరమైన యాక్టివ్ అగ్నిపర్వతాల్లో ఒకటి. అయినప్పటికీ అడ్వెంచర్ ప్రేమికులు దీన్ని ఎక్కేందుకు ఆసక్తి చూపుతారు. ఈ ట్రెక్కింగ్కు మంచి అనుభవం, శారీరక దృఢత్వం అవసరం. చాలామంది రాత్రి ప్రయాణం ప్రారంభించి సూర్యోదయానికి శిఖరాన్ని చేరుకుంటారు. ఒంటరిగా వెళ్లకుండా స్థానిక గైడ్తో వెళ్లడం తప్పనిసరి. మే నుంచి అక్టోబర్ వరకు ట్రెక్కింగ్కు ఉత్తమ సమయం.
అగ్నిపర్వతాలపై ట్రెక్కింగ్ జీవితంలో మరపురాని అనుభవాన్ని అందిస్తుంది. అయితే భద్రతను ఎప్పుడూ నిర్లక్ష్యం చేయకూడదు. వాతావరణం, అగ్నిపర్వత పరిస్థితులు ఎప్పుడైనా మారవచ్చు. స్థానిక అధికారుల సూచనలు తప్పనిసరిగా పాటించాలి. సరైన సామగ్రి, అనుభవజ్ఞులైన గైడ్లతో ప్రయాణిస్తే ఈ అడ్వెంచర్ మరింత సురక్షితంగా ఉంటుంది.
Share
Podarillu Today Episode : కేశవ, శైలు పెళ్లి ఫిక్స్..? కారేశ్వర్ ను కొట్టిన చక్రీ.. కన్నా కోసం మహా వస్తుందా..?
లవర్స్ ను రిస్క్ లో పడేసే కరువు రక్కసి... కడుపుబ్బా నవ్వించే యోగి బాబు కొత్త సిరీస్
