Sun Never Sets Places: ప్రకృతి ఎప్పుడూ మనల్ని ఆశ్చర్యపరుస్తూనే ఉంటుంది. మనకు పగలు కాగానే పనులు చేసుకోవడం, చీకటి పడగానే హాయిగా నిద్రపోవడం అలవాటు. కానీ ఈ భూమిపై కొన్ని వింతైన ప్రదేశాలు ఉన్నాయి. అక్కడ నెలల తరబడి సూర్యుడు అస్తమించడు. అర్ధరాత్రి కూడా పగటి వెలుతురులాగే ఉంటుంది. మరి అలాంటి చోట్ల ప్రజలు ఎలా నిద్రపోతారు, వారి జీవనశైలి ఎలా ఉంటుందో ఈ ప్రత్యేక కథనంలో చూద్దాం.
ఐరోపా ఖండంలోని నార్వేను అర్ధరాత్రి సూర్యుడు ఉదయించే దేశం అని పిలుస్తారు. ఇక్కడి మే నెల నుండి జులై చివరి వరకు దాదాపు 76 రోజుల పాటు సూర్యుడు అస్తమించడు. రాత్రి పన్నెండు గంటల సమయంలో కూడా మన ఊరి సాయంత్రం ఎండలాగా వెలుతురు ఉంటుంది. స్థానిక ప్రజలు గడియారం టైం చూసి మాత్రమే పడుకుంటారు.
ఐస్లాండ్లో జూన్ నెలలో సూర్యుడు అస్తమించడు. ఇక్కడ రాత్రి వేళల్లో కూడా పక్షులు కిలకిలరావాలు చేస్తూనే ఉంటాయి. పర్యాటకులు అర్ధరాత్రి పూట కూడా హ్యాపీగా తిరుగుతూ కనిపిస్తారు. ఇక్కడి ప్రజలు ఈ వెలుతురుకు అలవాటు పడిపోయారు. వారు పగలు, రాత్రి అనే తేడా లేకుండా సమయాన్ని బట్టి తమ పనులను ప్లాన్ చేసుకుంటారు.
Also Read: భక్తులు ఇచ్చే తలనీలాలు ఎవరికి చేరుతాయో తెలుసా? ఆ వరం వల్లే ఇదంతా మొదలైందా?
కెనడాలోని యుకాన్ అనే ప్రాంతంలో వేసవి కాలంలో నిరంతరం సూర్యరశ్మి ఉంటుంది. ఇక్కడ దాదాపు 50 పాటు చీకటి అనేదే రాదు. అక్కడి పచ్చని ప్రకృతిపై నిరంతరం ఎండ పడటం వల్ల ఆ ప్రాంతం ఎంతో అందంగా కనిపిస్తుంది. కానీ కొత్తగా వెళ్లేవారికి మాత్రం రాత్రిపూట కూడా ఎండ ఉండటం కాస్త ఇబ్బందిగా అనిపిస్తుంది.
స్వీడన్ దేశంలో మే నెల నుండి ఆగస్టు వరకు సూర్యుడు అర్ధరాత్రి దాటిన తర్వాతే అస్తమిస్తాడు. మళ్లీ తెల్లవారుజామున నాలుగు గంటలకే వచ్చేస్తాడు. అంటే అక్కడ చీకటి ఉండేది కేవలం కొన్ని గంటలు మాత్రమే. అందువల్ల అక్కడి జనాలు పగటి సమయాన్ని ఎక్కువగా ఎంజాయ్ చేస్తారు. రాత్రిపూట కూడా బయట తిరగడానికి ఇష్టపడతారు.
అమెరికాలోని అలాస్కాలో మే నెల చివరి నుండి జులై వరకు సూర్యుడు అస్తమించడు. ఇక్కడ నిరంతరం వెలుతురు ఉండటం వల్ల మొక్కలు చాలా వేగంగా పెరుగుతాయి. పర్యాటకులు ఈ వింతను చూడటానికి ప్రపంచం నలుమూలల నుండి వస్తుంటారు. ఇక్కడ రాత్రి వేళల్లో కూడా పగటి వాతావరణమే కనిపిస్తుంది.
ఈ ప్రాంతాల్లో ఉండే ప్రజలు నిద్రపోవడానికి ఒక ప్రత్యేకమైన పద్ధతిని పాటిస్తారు. వారు తమ ఇళ్ల కిటికీలకు మందపాటి నల్లటి తెరలను వాడుతుంటారు. దీనివల్ల బయట ఎంత ఎండ ఉన్నా రూమ్ లోపల మాత్రం చీకటిగా మారుతుంది. ఆ చీకటి వాతావరణంలో వారు ప్రశాంతంగా నిద్రపోతారు. శరీరానికి రాత్రి అనే భ్రమను కలిగించి హాయిగా విశ్రాంతి తీసుకుంటారు.
Also Read: ఉప్పుకు ప్రత్యామ్నాయంగా పుట్టిన వంటకం.. అస్సామీల సాంప్రదాయ ‘కోలాఖార్’ రుచి చూశారా?
Share
తమిళనాడులో నడిరోడ్డుపై తగలబడ్డ ప్రైవేట్ బస్సు.. 23 మంది ప్రయాణికులు ఎలా బతికారంటే?
సైబర్ వలలో కార్పొరేట్ కంపెనీలు.. అలజడి రేపుతోన్న ‘బాస్ స్కామ్’!
