భారతదేశంలో పర్యాటకుల అభిరుచులు వేగంగా మారుతున్నాయి. గతంలో ఎక్కువ మంది గోవా, జైపూర్, కేరళ వంటి ప్రసిద్ధ ప్రదేశాలకే వెళ్లేవారు. ఇప్పుడు మాత్రం కొత్త అనుభూతి కోసం తక్కువగా తెలిసిన ప్రాంతాలను కూడా ఎంచుకుంటున్నారు. ప్రశాంతమైన వాతావరణం, సహజ సౌందర్యం, స్థానిక సంస్కృతి వంటి ప్రత్యేకతలు ఈ ప్రాంతాలను మరింత ఆకర్షణీయంగా మారుస్తున్నాయి.
మెరుగైన రహదారులు, విమాన సౌకర్యాలు, డిజిటల్ సేవలతో ట్రావెల్.. ఈ ప్రాంతాలకు చేరుకోవడం కూడా సులభమైంది. ఇండియన్ అసోసియేషన్ ఆఫ్ టూర్ ఆపరేటర్స్ అధ్యక్షుడు రవి గోసైన్ ప్రకారం.. ఈ ఐదు ప్రదేశాలు భారతీయ పర్యాటకుల్లో వేగంగా ఆదరణ పొందుతున్నాయి.
తూర్పు హిమాలయాల ఒడిలో ఉన్న తవాంగ్ ప్రకృతి అందాలకు ప్రసిద్ధి చెందింది. ఇక్కడ ప్రశాంతమైన వాతావరణంతో పాటు బౌద్ధ సంస్కృతి ప్రత్యేక ఆకర్షణగా నిలుస్తుంది. ప్రాచీన బౌద్ధ మఠాలు, అందమైన లోయలు, మంచుతో కప్పబడిన పర్వతాలు సందర్శకులను ఆకట్టుకుంటాయి. రద్దీకి దూరంగా ప్రశాంతంగా గడపాలనుకునే వారికి ఇది మంచి ఆప్షన్.
ఒకప్పుడు ప్రధానంగా పుణ్యక్షేత్రంగా గుర్తింపు పొందిన గోకర్ణ ఇప్పుడు ప్రముఖ బీచ్ గమ్యస్థానంగా మారుతోంది. గోవాతో పోలిస్తే ఇక్కడ ప్రశాంతమైన వాతావరణం ఉంటుంది.
శుభ్రమైన బీచ్లు, సముద్ర తీర నడకలు, యోగా కేంద్రాలు, ఆరోగ్య రిట్రీట్లు పర్యాటకులను ఆకర్షిస్తున్నాయి. స్థానిక వంటకాలు, సాంస్కృతిక వేడుకలు కూడా ప్రత్యేక అనుభూతిని అందిస్తాయి.
యునెస్కో ప్రపంచ వారసత్వ ప్రదేశంగా గుర్తింపు పొందిన ధోలవీరా భారతదేశంలోని ప్రముఖ పురాతత్వ ప్రాంతాల్లో ఒకటి. ఇది కచ్ రణ్ ప్రాంతంలో ఉంది. పురాతన నాగరికతకు సంబంధించిన ఆనవాళ్లను తెలుసుకోవాలనుకునే వారికి ఇది అద్భుతమైన ప్రదేశం. వైట్ రణ్, సమీపంలోని అందమైన అడవులు అక్కడి వన్యప్రాణులను కూడా సందర్శించవచ్చు.
ప్రపంచంలోనే అతిపెద్ద నదీ ద్వీపంగా మజులి ప్రసిద్ధి చెందింది. ఇది వైష్ణవ మఠాలు, సంప్రదాయ మాస్క్ తయారీ కళ, సాంస్కృతిక ఉత్సవాలకు పేరుగాంచింది. ఎకో టూరిజం, కమ్యూనిటీ టూరిజం ద్వారా స్థానిక జీవన విధానాన్ని దగ్గరగా చూసే అవకాశం లభిస్తుంది. ప్రతి సందర్శనలో కొత్త అనుభూతి కలుగుతుంది.
మండు చారిత్రక కట్టడాలకు ప్రసిద్ధి చెందిన అందమైన పట్టణం. ఇక్కడి ఆఫ్ఘాన్ శైలిలో నిర్మించిన కోటలు, రాజభవనాలు, మసీదులు ప్రత్యేక ఆకర్షణగా నిలుస్తాయి. వర్షాకాలంలో ఈ ప్రాంతం మరింత అందంగా కనిపిస్తుంది. చరిత్ర, ఫోటోగ్రఫీ, నిర్మాణ కళపై ఆసక్తి ఉన్నవారికి ఇది అద్భుతమైన గమ్యస్థానం.
Also Read: దేశంలోని 5 అద్భుతమైన వైల్డ్లైఫ్ సఫారీలు.. వన్య ప్రాణులు చూడాలనుకుంటే జూలై బెస్ట్
ఈ ప్రాంతాల్లో రద్దీ తక్కువగా ఉంటుంది. ప్రశాంతమైన వాతావరణంలో సహజ అందాలను ఆస్వాదించవచ్చు. స్థానిక సంస్కృతి, సంప్రదాయాలు, ఆహారం పర్యాటకులకు కొత్త అనుభవాన్ని అందిస్తాయి.
మెరుగైన రవాణా సౌకర్యాలు, అభివృద్ధి చెందిన పర్యాటక మౌలిక వసతులు కూడా ఈ ప్రాంతాల ఆదరణను పెంచుతున్నాయి. కొత్త అనుభవాలను కోరుకునే వారికి ఈ ఐదు ప్రదేశాలు మంచి ఎంపికగా నిలుస్తాయి.
Share
ఆ వాహనదారులకు రిలీఫ్.. ఆ యాప్ ద్వారా రాజ్మార్గ్, ఏ విధంగా చేయాలంటే..
టీమిండియా చేతిలో ఓడినందుకు మాపై కుళ్ళిన గుడ్లు, టమోటాలు విసిరారు
