వర్షాకాలం రాగానే భారతదేశంలోని అనేక ప్రాంతాలు పచ్చదనంతో కళకళలాడతాయి. కొండలు, జలపాతాలు, మేఘాలు కలిసి ప్రకృతికి అద్భుతమైన అందాన్ని తీసుకొస్తాయి. జూలై, ఆగస్టు నెలల్లో ప్రశాంతమైన టూర్ ప్లాన్ చేయాలనుకుంటే అందమైన 4 లోయలు తప్పకుండా సందర్శించాలి.
ఉత్తరాఖండ్లోని వ్యాలీ ఆఫ్ ఫ్లవర్స్ వర్షాకాలంలో బ్యూటిఫుల్గా కనిపిస్తుంది. ఈ ప్రాంతం యునెస్కో ప్రపంచ వారసత్వ ప్రదేశంగా గుర్తింపు పొందింది. జూలై నుంచి సెప్టెంబర్ వరకు ఈ లోయలో వందల రకాల అరుదైన అడవి పూలు వికసిస్తాయి. వర్షపు చినుకులు పడిన తర్వాత ఈ ప్రాంతం మరింత రంగురంగులుగా మారుతుంది. మేఘాల మధ్య ట్రెక్కింగ్ చేయడం ప్రకృతి ప్రేమికులకు, ఫోటోగ్రాఫర్లకు మరపురాని అనుభూతినిస్తుంది.
స్పీతి వ్యాలీ వర్షాకాలంలో కూడా ప్రత్యేకమైన అందాన్ని చూపిస్తుంది. ఇది కోల్డ్ డెజర్ట్ ప్రాంతం కావడంతో ఇక్కడ భారీ వర్షాలు చాలా తక్కువగా పడతాయి. అందువల్ల కొండచరియలు విరిగిపడే ప్రమాదం కూడా తక్కువగా ఉంటుంది. ఎత్తైన కొండలు, పురాతన బౌద్ధ మఠాలు, నీలి ఆకాశం కలిసి దృశ్యాలు అద్భుతంగా కనిపిస్తాయి. ప్రశాంతమైన వాతావరణం పర్యాటకులకు మానసిక ప్రశాంతతను కలిగిస్తుంది.
నాగాలాండ్, మణిపూర్ సరిహద్దులో ఉన్న జుకో వ్యాలీ వర్షాకాలంలో పచ్చని ప్రకృతితో కళకళలాడుతుంది. దీన్ని ఈశాన్య భారతదేశంలోని వ్యాలీ ఆఫ్ ఫ్లవర్స్ అని కూడా పిలుస్తారు. ప్రపంచంలో ఇక్కడ మాత్రమే కనిపించే అరుదైన జుకో లిల్లీ ఈ లోయ ప్రత్యేక ఆకర్షణ. పచ్చని కొండలు, చిన్న జలపాతాలు, తేలియాడే మేఘాలు ఈ ప్రాంతాన్ని మరింత అందంగా మారుస్తాయి.
ఆంధ్రప్రదేశ్లోని అరకు వ్యాలీ వర్షాకాలంలో దక్షిణ భారతదేశంలోని అత్యంత అందమైన పర్యాటక ప్రాంతాల్లో ఒకటిగా మారుతుంది. కాఫీ తోటలు, దట్టమైన అడవులు, పురాతన గుహలు ఈ ప్రాంతానికి ప్రత్యేక ఆకర్షణగా నిలుస్తాయి. వర్షాల తర్వాత జలపాతాలు ఉప్పొంగి ప్రవహిస్తాయి. లోయ మొత్తం పొగమంచుతో కప్పబడి అద్భుతమైన దృశ్యాన్ని సృష్టిస్తుంది. విశాఖపట్నం నుంచి అరకు వరకు రైలు ప్రయాణం కూడా ప్రకృతి అందాలను ఆస్వాదించే మంచి అవకాశం కల్పిస్తుంది.
Also Read: వర్షకాలంలో టూర్ ప్లాన్ చేస్తున్నారా? ఈ కొండ ప్రాంతాలకు వెళ్తే తిరిగి రావాలనిపించదు
ప్రయాణానికి ముందు వాతావరణ పరిస్థితులను తప్పకుండా తెలుసుకోవాలి. రహదారుల పరిస్థితిని కూడా పరిశీలించాలి. జారకుండా ఉండే వాటర్ప్రూఫ్ షూస్, రెయిన్కోట్, గొడుగు, ఎలక్ట్రానిక్ వస్తువులకు వాటర్ప్రూఫ్ బ్యాగులు వెంట తీసుకెళ్లాలి. తెలియని ట్రెక్కింగ్ మార్గాల్లో స్థానిక గైడ్ సహాయం తీసుకోవడం సురక్షితం.
Share
మేడిగడ్డే కాదు.. అన్నారం, సుందిళ్ల బ్యారేజీలు కూడా పనికిరావు! కాళేశ్వరంలో కొత్త కోణం..
లెజెండ్రీ సింగర్ ఎస్.జానకి మృతి.. సెలబ్రిటీలు సంతాపం!
