మాన్సూన్ రోడ్ ట్రిప్ ప్లాన్ చేస్తున్నారా? ఈ క్రేజీ రివర్‌ సైడ్ స్పాట్స్ అస్సలు మిస్ అవ్వకండి!

Best Scenic River Destinations: వర్షాకాలం మొదలైతే ప్రకృతి పూర్తిగా కొత్త రూపాన్ని సంతరించుకుంటుంది. ఎండాకాలంలో ప్రశాంతంగా కనిపించే నదులు వర్షపు నీటితో ఉప్పొంగి ప్రవహిస్తాయి. చుట్టూ పచ్చని చెట్లు, కొండలు, జలసౌందర్యం అద్భుతంగా ఆకట్టుకుంటుంది. నగర జీవితానికి కాస్త బ్రేక్ ఇచ్చి ప్రశాంతంగా గడపాలనుకునేవారికి నదీతీర ప్రాంతాలు బెస్ట్ ఆప్షన్ కానున్నాయి. ముఖ్యంగా వర్షాకాలంలో మరింత అందంగా కనిపించే బెస్ట్ రివర్ సైడ్ స్పాట్స్ గురించి ఇప్పుడు తెలుసుకుందాం..

ద్వారకేశ్వర్ నది (బంకురా)

ద్వారకేశ్వర్ నది బంకురా జిల్లాలో బాగా పాపులర్. వర్షాలు పడిన తర్వాత ఈ నది పూర్తిగా నిండిపోతుంది. ఏక్తేశ్వర్ వంతెనపై నుంచి చూస్తే ఉప్పొంగే నీటి ప్రవాహం, పచ్చని పరిసరాలు కళ్లకు విందుగా కనిపిస్తాయి. సమీపంలోని ఆలయాలు, నదీతీర ప్రాంతాలు అద్భుతంగా ఆకట్టుకుంటాయి.

అజయ్ రివర్ (బోల్‌పూర్)

అజయ్ నది బోల్‌పూర్, శాంతినికేతన్ ప్రాంతాల్లో ప్రత్యేక ఆకర్షణగా చెప్పుకోవచ్చు. వర్షాకాలంలో ఇసుకతో కనిపించే నదీగర్భం నీటితో నిండిపోతుంది. ఎర్ర నేల, పచ్చని పొలాలు, ప్రవహించే నది కలిసి అద్భుతమైన ప్రకృతి దృశ్యాన్ని సృష్టిస్తాయి. పక్షుల సందడి, ప్రశాంతమైన వాతావరణం కారణంగా ఫోటోగ్రఫీ ప్రియులు కూడా ఆకట్టుకుంటుంది.

బరకర్ నది (మైథాన్ డ్యామ్)

బరకర్ నది దగ్గర ఉన్న మైథాన్ డ్యామ్ వర్షాకాలంలో సందర్శకులతో కళకళలాడుతుంది. భారీ వర్షాలతో జలాశయం నిండిన తర్వాత డ్యామ్ గేట్లు ఓపెన్ చేసిన దృశ్యం ఎంతో ఆకట్టుకుంటుంది. చుట్టూ కొండలు, పచ్చని ప్రకృతి, సమీపంలోని కళ్యాణేశ్వరి ఆలయం మరింతగా ఆకట్టుకుంటుంది.

డెల్టి (రూపనారాయణ్ నది)

డెల్టి రూపనారాయణ్ నది ఒడ్డున ఉన్న ప్రశాంతమైన పర్యాటక ప్రదేశం. వర్షాలతో పచ్చగా మారిన వరి పొలాలు, గ్రామీణ వాతావరణం, నది ఒడ్డున వీచే చల్లని గాలి సందర్శకులకు మంచి అనుభూతిని కలిగిస్తాయి.

కాంగ్‌ సాబతి నది (ముకుట్‌మణిపూర్)

ముకుట్‌ మణిపూర్ దగ్గర ప్రవహించే కాంగ్‌ సాబతి నది వర్షాకాలంలో మరింత అందంగా కనిపిస్తుంది. కాంగ్‌ సాబతి డ్యామ్ నిండిపోవడంతో చూడ్డానికి అద్భుతంగా కనిపిస్తుంది. సమీపంలోని బోన్‌ పుకురియా డీర్ పార్క్, ఝిలిమిలి అడవులు, పరేష్‌నాథ్ కొండ ఈ ప్రాంతానికి మరింత ఆకర్షణగా చెప్పుకోవచ్చు. ప్రకృతి మధ్య ప్రశాంతంగా గడపాలనుకునే వారికి ఈ ప్లేస్ బెస్ట్ ఆప్షన్ గా చెప్పుకోవచ్చు.

ఈ నదీతీర ప్రాంతాలు వర్షాకాలంలో పచ్చదనం, చల్లని వాతావరణం, ఉప్పొంగే నదుల అందాలతో అద్భుతమైన అనుభూతిని అందిస్తాయి. కోల్ కతాలో ఉండే వాళ్లు కుటుంబంతో కలిసి వీకెండ్ ట్రిప్ కు వెళ్లాలనుకుంటే ఇవి మంచి డెస్టినేషన్ గా చెప్పుకోవచ్చు. అయితే, భారీ వర్షాల సమయంలో ప్రయాణించే ముందు వాతావరణ పరిస్థితులు, స్థానిక అధికారుల సూచనలు తప్పకుండా తెలుసుకోవాలి. నీటి ప్రవాహం ఎక్కువగా ఉన్న ప్రాంతాలకు దగ్గరగా వెళ్లకుండా జాగ్రత్తలు తీసుకుంటే, ఈ మాన్సూన్ ట్రిప్ మరింత సంతోషాన్ని అందిస్తుంది.