IRCTC WhatsApp Chatbot: రైలు ప్రయాణీకులకు సౌకర్యాలు మరింత సులభంగా అందించేందుకు ఇండియన్ రైల్వే కీలక నిర్ణయం తీసుకుంది. ఇందుకోసం IRCTC కొత్త వాట్సాప్ చాట్ బాట్ సర్వీసును ప్రారంభించింది. ఈ సర్వీస్ ద్వారా ప్రయాణికులు తమ రైలు సంబంధిత సమాచారం కోసం వేరే యాప్లు డౌన్లోడ్ చేయాల్సిన అవసరం లేదు. నేరుగా వాట్సాప్లోనే అన్ని వివరాలను పొందే అవకాశం ఉంటుంది. ఈ చాట్ బాట్ ను రైలోఫీ అనే స్టార్టప్ తో కలిసి డెవలప్ చేసింది.
ఈ కొత్త ఫీచర్ వల్ల ప్రయాణికులకు చాలా సౌలభ్యం కలుగుతుంది. సాధారణంగా రైలు స్టేటస్, PNR వివరాలు తెలుసుకోవడానికి వెబ్ సైట్లు లేదంటే యాప్ లను ఉపయోగించాల్సి వస్తుంది. కానీ ఇప్పుడు, ఒకే ప్లాట్ ఫారమ్ లో అన్ని సేవలు అందుబాటులోకి తీసుకొచ్చింది.
ఈ చాట్ బాట్ ను ఉపయోగించడం చాలా సులభం. మొబైల్ లో రైలోఫీ వాట్సాప్ నంబర్ ను సేవ్ చేసి, చాట్ ఓపెన్ చేసి మీ 10 అంకెల PNR నంబర్ ను పంపించాలి. వెంటనే మీ ప్రయాణానికి సంబంధించిన వివరాలు మీకు మెసేజ్ రూపంలో వస్తాయి. ఇందులో PNR స్టేటస్, రైలు ప్రస్తుతం ఎక్కడ ఉంది? ముందు వెళ్లిన స్టేషన్లు, వచ్చే స్టేషన్ల లాంటి సమాచారం అందుబాటులో ఉంటుంది.
అంతేకాదు, ఈ చాట్బాట్ ద్వారా రైలులో ఫుడ్ కూడా ఆర్డర్ చేసుకునే అవకాశం ఉంటుంది. రైలు ప్రయాణంలో ఎక్కడ భోజనం చేయాలో ముందుగానే సెలెక్ట్ చేసుకోవాలి. మీ సీటు దగ్గరే ఫుడ్ డెలివరీ పొందే అవకాశం ఉంటుంది. ఈ సర్వీసు సుదూర ప్రయాణాల్లో చాలా ఉపయోగపడుతుంది. ఈ చాట్ బాట్ ద్వారా ప్రయాణానికి ముందుగానే అప్డేట్స్ పొందవచ్చు. రైలు ఆలస్యం, ప్లాట్ ఫామ్ మార్పులు, ఇతర ముఖ్యమైన సమాచారం గురించి ముందుగానే తెలియజేస్తుంది. దీనివల్ల ప్రయాణికులు ముందస్తుగా జాగ్రత్త పడే అవకాశం ఉంటుంది.
అటు ఈ సర్వీసుతో పాటు రైల్వే హెల్ప్ లైన్ నంబర్ 139 ద్వారా కూడా ప్రయాణికులు సమాచారం పొందవచ్చు. అయితే వాట్సాప్ చాట్ బాట్ మరింత సులభంగా, వేగంగా పని చేస్తుంది. ఎందుకంటే ఎక్కువ మంది ఇప్పటికే వాట్సాప్ ను ఉపయోగిస్తున్నారు. మొత్తంగా ఇండియన్ రైల్వే తీసుకొచ్చిన తాజా సర్వీసు వినియోగదారులకు మరింత లాభం కలిగించనుంది. ఒకే చోట అన్ని వివరాలు అందించడం వల్ల ప్రయాణికులు ఈజీగా అసవరమైన సమాచారం పొందే అవకాశం ఉంటుంది. టెక్నాలజీకి అలవాటు పడిన యువతకు ఇది చాలా ఉపయోగకరంగా ఉంటుంది. మీరు కూడా రైలు ప్రయాణం చేసే అవకాశం ఉంటే, ఈ వాట్సాప్ చాట్ బాట్ ను తప్పకుండా ఉపయోగించుకోండి.
Read Also: విమానంలా రైల్లో సీటు సెలెక్షన్ ఉండదు, కారణం ఏంటంటే?
Share
రైల్వేకోడూరులో నాకు రక్షణ లేదు.. ప్రాణహాని ఉంది, ఎమ్మెల్యే శ్రీధర్ పై హర్షవీణ సంచలన ఫిర్యాదు
Lakshmi Raai: హాట్ అందాలతో సెగలు పుట్టిస్తున్న లక్ష్మీరాయ్.. సమ్మర్ లో ఎంత హీట్ పెంచేసిందిరోయ్!
