హైదరాబాద్ దగ్గరే మసాయి మారా అనుభూతి.. మోకిలలో కొత్త సఫారీ స్టేకేషన్!

Safari Experience Near Hyderabad: హైదరాబాద్ సిటీకి సమీపంలోనే ఇప్పుడు ఆఫ్రికాలోని ప్రసిద్ధ మసాయి మారా సఫారీ అనుభూతిని ఆస్వాదించే అవకాశం అందుబాటులోకి వచ్చింది. మోకిల ప్రాంతంలో ఏర్పాటు చేసిన ప్రత్యేక సఫారీ థీమ్ స్టేకేషన్ ప్రస్తుతం నగర వాసులను విశేషంగా ఆకట్టుకుంటోంది. విదేశాలకు వెళ్లకుండా, ఆఫ్రికన్ సఫారీ వాతావరణాన్ని అనుభవించాలనుకునే వారికి ఇదో బెస్ట్ ఆప్షన్ గా మారింది.

1.5 ఎకరాల విస్తీర్ణంలో నిర్మాణం

సుమారు 1.5 ఎకరాల విస్తీర్ణంలో నిర్మించిన ఈ ప్రాపర్టీ సాధారణ రిసార్ట్‌ లకు పూర్తిగా భిన్నంగా ఉంటుంది. ఇక్కడి నిర్మాణాలు, అలంకరణలు, ఇంటీరియర్ డిజైన్ అన్నీ ఆఫ్రికన్ సఫారీ థీమ్‌ను గుర్తు చేసేలా రూపొందించారు. ప్రత్యేకంగా సఫారీ వాహనాలను పోలి ఉండే నిర్మాణాలు, కలపతో చేసిన అలంకరణలు, ప్రకృతికి దగ్గరగా ఉండే రంగులు సందర్శకులకు కొత్త అనుభూతిని కలిగిస్తాయి.

ఈ స్టేకేషన్‌ లో అడుగుపెట్టగానే నగర జీవితానికి పూర్తిగా భిన్నమైన వాతావరణం కనిపిస్తుంది. ప్రశాంతమైన పరిసరాలు, విస్తారమైన బహిరంగ ప్రదేశాలు, క్యాంప్‌ ఫైర్ ఏర్పాట్లు, ఓపెన్ ఎయిర్ సినిమా వంటి సౌకర్యాలు కుటుంబాలు, స్నేహితుల బృందాలకు ప్రత్యేక ఆకర్షణగా నిలుస్తున్నాయి. ముఖ్యంగా వీకెండ్ రిలాక్స్ కోసం వెళ్లే వారికి ఇది మంచి ఎంపికగా మారుతోంది.

ప్రముఖ వీకెండ్ డెస్టినేషన్‌ గా గుర్తింపు

ప్రస్తుతం మోకిల ప్రాంతం హైదరాబాద్‌కు సమీపంలోని ప్రముఖ వీకెండ్ డెస్టినేషన్‌లలో ఒకటిగా గుర్తింపు పొందుతోంది. నగరానికి దగ్గరగా ఉండటంతో పాటు, ప్రశాంతమైన వాతావరణం కారణంగా అనేక మంది ఇక్కడికి వస్తున్నారు. ఈ ప్రాపర్టీలో ఆరు విశాలమైన బెడ్‌ రూమ్‌ లు, పెద్ద ఎంజాయింగ్ ఏరియా, ఎంటర్ టైన్ మెంట్ కార్యక్రమాల కోసం ప్రత్యేక ఏర్పాట్లు ఉన్నాయి.

ఈ స్టేకేషన్ ప్రత్యేకత కేవలం సౌకర్యాల్లోనే కాదు, సందర్శకులకు అందించే ఎక్స్ పీరియెన్స్ లో కూడా ఉంది. ఇక్కడ ప్రతి మూల సఫారీ వాతావరణాన్ని గుర్తు చేస్తుంది. రాత్రి సమయంలో క్యాంప్‌ ఫైర్ చుట్టూ గడపడం, ఆకాశం కింద సినిమా చూడడం లాంటి ఫీలింగ్ కలిగే ఏర్పాటు, ప్రకృతి మధ్యలో సమయం గడపడం లాంటి అనుభవాలు పర్యాటకులను ఆకట్టుకుంటున్నాయి.

పర్యాటకుల అభిరుచికి అనుగుణంగా..

ప్రస్తుతం పర్యాటకుల అభిరుచులు కూడా మారుతున్నాయి. కేవలం హోటల్ గదిలో ఉండటం కాకుండా, ప్రత్యేక అనుభవాలను అందించే ప్రదేశాల వైపు ఎక్కువ మంది మొగ్గు చూపుతున్నారు. అలాంటి వారి కోసం ఈ సఫారీ థీమ్ స్టేకేషన్ సరైన ఎంపికగా నిలుస్తోంది. విదేశీ సఫారీ ట్రిప్‌కు వెళ్లలేని వారు కూడా ఇక్కడ కొంత వరకు అలాంటి అనుభూతిని పొందగలుగుతున్నారు. మోకిలలోని ఈ మసాయి మారా స్టేకేషన్ హైదరాబాద్ వాసులకు ఒక కొత్త తరహా వీకెండ్ అనుభవాన్ని అందిస్తోంది. నగరానికి దగ్గరలోనే ఉండి, విదేశీ సఫారీ వాతావరణాన్ని ఆస్వాదించాలని భావించే వారికి తప్పకుండా వెళ్లాల్సిన ప్రదేశంగా మారుతోంది.