KBR Python: హైదరాబాద్లోని బంజారాహిల్స్ ప్రాంతంలో ఉన్న కాసు బ్రహ్మానందరెడ్డి (KBR) నేషనల్ పార్క్లో శనివారం సుమారు 20 అడుగుల పొడవైన భారీ కొండచిలువ కనిపించడం సందర్శకులను ఆశ్చర్యానికి గురిచేసింది. ఉదయం వాకింగ్కు వచ్చిన సందర్శకుల కళ్లముందే ఆ భారీ కొండచిలువ పార్క్లోని నడక మార్గాన్ని నెమ్మదిగా దాటుతూ కనిపించింది. దాని భారీ పరిమాణం కారణంగా మార్గాన్ని పూర్తిగా దాటేందుకు కొంత సమయం పట్టింది.
ఈ దృశ్యాన్ని చూసిన పలువురు సందర్శకులు మొబైల్ ఫోన్లలో వీడియోలు చిత్రీకరించగా, అవి ప్రస్తుతం సోషల్ మీడియాలో వైరల్గా మారాయి. ఈ ఘటనతో కొద్దిసేపు పార్క్లో సందర్శకులు అప్రమత్తంగా ఉండగా, అనంతరం కొండచిలువ సహజంగా అడవి ప్రాంతంలోకి వెళ్లిపోయింది. దీంతో అక్కడ ఎలాంటి అవాంఛనీయ ఘటనలు చోటుచేసుకోలేదని అక్కడి అధికారులు తెలిపారు.
Also read: Construction Waste: హైదరాబాద్లోని ఐటీ కారిడార్లో నివసిస్తున్నారా? అయితే బీ కేర్ఫుల్..?
KBR నేషనల్ పార్క్ హైదరాబాద్ నగర నడిబొడ్డున ఉన్నప్పటికీ, అనేక రకాల పక్షులు, జంతువులు, సరీసృపాలకు నిలయంగా పేరుగాంచింది. ఈ సంఘటన పట్టణ అటవీ ప్రాంతాల్లో జీవవైవిధ్యం ఎంత సమృద్ధిగా ఉందో మరోసారి గుర్తు చేసింది. వన్యప్రాణులు కనిపించినప్పుడు వాటికి దూరంగా ఉండాలని, వాటిని రెచ్చగొట్టే ప్రయత్నం చేయకుండా అటవీ శాఖ అధికారులకు సమాచారం అందించాలని నిపుణులు తెలిపారు.
Allso read: Second Hand Mobile: సెకండ్హ్యాండ్ మొబైల్ కొంటున్నారా?.. అయితే ఇవి తప్పని సరి!
Share
వివో మాస్టర్ ప్లాన్ అదిరింది.. మూడు 200 మెగాపిక్సల్ కెమెరాలతో Vivo X500 Ultra ఎంట్రీ!
యాంకర్ సుమ హీరోయిన్గా నటించిన ఏకైక సినిమా ఏంటో తెలుసా ?
