Hyderabad latest news:
ఆకలి వేసి ఏదైనా తినాలి అనిపించినప్పుడు వెంటనే చేసే పని.. ఫుడ్ ఆర్డర్ పెట్టడం. ఫుడ్ డెలివరీ యాప్స్ కు ప్రస్తుతం మంచి డిమాండ్ ఉంది. ఫుడ్ డెలివరీ కోసం పలు యాప్ లు అందుబాటులో ఉన్నాయి. పోటాపోటీగా ఎవరికి వారు డెలివరీలు చేస్తూ వస్తున్నారు. ఇప్పటి వరకు, ఈ ఏజెంట్లు బైక్లపై, సైకిళ్లపై, కాలినడకన కూడా రావడం మీరు చూసి ఉండవచ్చు.
కానీ.. మీకు ఎప్పురైనా గుర్రం ద్వారా ఆహారం అందించారా? అవును, మీరు చదివింది నిజమే! ఒక జొమాటో (Zomato) డెలివరీ ఏజెంట్ గుర్రంపై ఆహారాన్ని డెలివరీ చేస్తూ కనిపించాడు. హైదరాబాద్ లో పెట్రోలు బంక్ ల వద్ద రద్దీని దృష్టిలో ఉంచుకొని ఓ జొమాటో డెలివరీ బాయ్ గుర్రంపై ఫుడ్ ఆర్డర్ అందించడం ఇప్పుడు హాట్ టాపిక్ గా మారింది.
ఈ ఘటన హైదరాబాద్ చంచల్గూడలో చోటు చేసుకుంది. జొమాటో డెలివరీ బాయ్ గుర్రంపై ఫుడ్ ఆర్డర్ అందించడానికి వెళ్తున్న దృశ్యం చూసి ప్రజలు ఆశ్చర్యపోయారు. జొమాటో డెలివరీ బాయ్ గా ఉద్యోగం చేస్తున్నానని..పెట్రోల్ బంకులు వద్ద ఉన్న భారీ క్యూలు, పలు బంక్ లు బంద్ కారణంగా ఇలా గుర్రంపై ఆర్డర్ డెలివరీ చేస్తున్నానని డెలివరీ బాయ్ వెల్లడించాడు. ప్రస్తుతం ఈ వీడియో సోషల్ మీడియాలో చక్కర్లు కొడుతోంది.
వీడియో చూసిన వారు తన బైక్లో పెట్రోల్ అయిపోవడంతో వినూత్న ఆలోచనతో వచ్చాడని అంటున్నారు. గతంలో ముంబయిలో భారీ వర్షాల మధ్య ఆహారాన్ని అందించడానికి ఓ వ్యక్తి గుర్రపు స్వారీ చేస్తున్న దృశ్యాన్ని ఈ వీడియో ప్రజలకు గుర్తు చేసింది.
Share
Saindhav Trailer: సైంధవ్ ట్రైలర్ రిలీజ్ - వెంకటేశ్ యాక్షన్ అదుర్స్
Covid Update: తెలంగాణలో కరోనా పాగా.. కొత్తగా 6 కేసులు.. దేశంలో ఎన్నంటే ?
