Vinesh Phogat: భారత రెజ్లర్ వినేశ్ ఫొగాట్పై ఒలంపిక్స్లో అనర్హత వేటు పడటంతో యావత్ భారత అభిమానులు షాక్కు గురయ్యారు. ఇదిలా ఉంటే వినేశ్ బరువు తగ్గగానికి శ్రమించినా నిరాశే మిగిలింది. ఈ నేపథ్యంలోనే అసలు ఎందుకు ఇలా జరిగింది. రెజ్లింగ్ నిబంధనలు ఏం చెబుతున్నాయనే చర్చ కూడా మొదలైంది.
నిబంధనలు ఏం చెబుతున్నాయంటే ?
- ఒలంపిక్స్ ఫ్రీస్టైల్ రెజ్లింగ్ పురుషుల్లో 57-125 కిలోల బరువు మధ్య 6 కేటగిరీలు ఉంటాయి. మహిళల విషయానికి వస్తే ఈ విభాగంలో 50, 53, 62,68,76 కేజీల విభాగాలు ఉన్నాయి. వినేశ్ ఫొగాట్ ఇందులో 50 కిలోల కేటగిరిలో పోటీ పడుతున్నారు.
- ఆయా కేటగిరిలకు చెందిన వారి యొక్క బరువును ఫైనల్స్ కు ముందు రోజు ఉదయం కొలుస్తారు. అన్ని బరువుల కేటగిరిలో రెండు రోజుల పాటు టోర్నమెంట్ నిర్వహిస్తారు. వినేశ్ పోటీపడే 50 కిలోల బరువు కేటగిరిలో రెండు రోజుల పాటు టోర్నీ జరుగుతోంది. ఈ నేపథ్యంలోనే ఆమె పోటీ పడే 50 కిలోల విభాగంలో పోటీలు మంగళ, బుధ వారాల్లో జరుగుతున్నాయి.
నేడు ఫైనల్స్ జరుగుతున్నాయి. క్రీడాకారులు తప్పనిసరిగా నిర్ణీత కేటగిరిలో బరువు ఉండేలా చూసుకోవాల్సి ఉంటుంది.
ఫొగాట్ విషయంలో జరిగింది ఇదే..
- వినేశ్ ఫొగాట్ మంగళవారం రాత్రి సమయానికి 2 కిలోల అదనపు బరువు ఉన్నారు. దీంతో ఆమె రాత్రికి జాగింగ్, సైక్లింగ్, స్కిప్పింగ్ చేసి నియంత్రించాలి అనుకున్నా కూడా 100 గ్రాముల బరువు మాత్రం తగ్గించుకోలేకపోయింది.
- ఆమెకు కొంత సమయం ఇవ్వాలన్న భారత బృందం అభ్యర్థనను ఒలంపిక్స్ అధికారులు తిరస్కరించారు.
- వినేశ్ గతంలో కూడా 53 కేజీల కేటగిరిలో పోటీ పడింది. అయితే క్రీడల్లో కూడా ఇది సర్వ సాధారణం. బాక్సింగ్, వెయిట్ లిప్టింగ్ వంటి క్రీడల్లో కూడా ఇలా ఆడతారు. వినేశ్ ఫొగాట్ బరువు తగ్గి దిగువ రెజ్లింగ్ కేటగిరిలో బరిలోకి దిగడం ఇదేం తొలి సారి కాదు. ఒలంపిక్ క్వాలిఫయర్ రౌండ్స్ లో కూడా స్వల్ప తేడాతో బరువును ప్రమాణాలన్ని ఆమె అందుకుంది.
- బరువు ప్రమాణాలను అందుకునేందుకు ఆమె జుట్టు కత్తిరించుకోవడంతో పాటు రక్తం కూడా తీసుకున్నట్లు సమాచారం. ఆహారం కూడా తీసుకోకుండా ఆమె శిక్షణ మొదలు పెట్టినట్లు తెలుస్తోంది.అధికారులు కుట్ర పూరితంగానే సమయం ఇవ్వలేదని ఆరోపణలు వెల్లువెత్తుతున్నాయి.
Share
Rajya Sabha Bypolls : రాజ్యసభ ఉపఎన్నికలకు నోటిఫికేషన్
AP Cabinet : ఏపీ కేబినెట్ భేటీలో తీసుకున్న కీలక నిర్ణయాలివే.. ఆ జీఓలు రద్దు
