Ishan Kishan: 2026 టి-20 ప్రపంచ కప్ కి ఇంకా 50 రోజుల సమయం ఉంది. అయితే శనివారం రోజు ముంబైలో జరిగిన సమావేశంలో బీసీసీఐ సెలెక్టర్లు టి-20 వరల్డ్ కప్ కోసం 15 మంది సభ్యులతో కూడిన భారత జట్టును ప్రకటించారు. ఈ జట్టులో అనూహ్యంగా టెస్ట్, వన్డేల కెప్టెన్ గిల్ కి చోటు దక్కలేదు. ఊహించినట్లుగానే సయ్యద్ ముస్తక్ అలీ ట్రోఫీలో అద్భుతంగా రాణించి, సెంచరీతో అలరించిన ఇషాన్ కిషన్ ని సెలెక్టర్లు ఎంపిక చేశారు. గతంలో బీసీసీఐ చెప్పిన మాట వినలేదని అద్భుతమైన ఫామ్ లో ఉన్న ఇతడిని ఉన్నట్టుండి జట్టులో నుంచి తప్పించిన విషయం తెలిసిందే. ఇప్పుడు అదే ఫామ్ ని కొనసాగిస్తూ జట్టులో చోటు దక్కించుకున్నాడు.
Also Read: T20 World Cup 2026 India Squad: గిల్ ను తీసేశారు, కానీ హర్షిత్ రాణాను టచ్ చేస్తే మాడి మసైపోతారు
ఇషాన్ కిషన్ దాదాపు రెండు సంవత్సరాలుగా జట్టుకు దూరంగా ఉన్నాడు. తాజాగా దేశవాలి క్రికెట్ లో అద్భుత ప్రదర్శనతో తిరిగి జట్టులో స్థానం సంపాదించుకున్నాడు. 2024 ఫిబ్రవరిలో ఇషాన్ కిషన్ బిసిసిఐ సెంట్రల్ కాంట్రాక్ట్ నుంచి చోటు కోల్పోయాడు. ఆ తర్వాత ఎంతగానో కష్టపడ్డాడు. ఝార్ఖండ్ టీమ్ ని సయ్యద్ ముస్తక్ అలీ టోర్నీ విజేతగా నిలిపాడు. ఇషాన్ కిషన్ చివరిసారిగా 2023 నవంబర్ 28న ఆస్ట్రేలియాపై టి-20 మ్యాచ్ ఆడాడు. సుమారు 753 రోజులపాటు టీమిండియా జెర్సీకి దూరంగా ఉన్న కిషన్.. ఆశలు వదులుకోకుండా దేశవాళీ క్రికెట్ లో పరుగుల వరద పారిస్తూ ఇప్పుడు నేరుగా వరల్డ్ కప్ జట్టులో చోటు దక్కించుకున్నాడు. తాజాగా సయ్యద్ ముస్తక్ అలీ ట్రోఫీలో పది మ్యాచ్ లలో 57.44 సగటుతో ఏకంగా 517 పరుగులు చేశాడు. ఇందులో అతడి స్ట్రైక్ రేట్ 197.33 గా ఉండడం విశేషం. ఇక ఈ టోర్నీలో ఏకంగా 33 సిక్సర్లు బాదాడు. హర్యానాతో జరిగిన ఫైనల్ మ్యాచ్ లో అద్భుతమైన సెంచరీతో జట్టుకు ట్రోఫీని అందించాడు.
టి-20 వరల్డ్ కప్ కి ఇషాన్ కిషన్ సెలెక్ట్ అయిన సందర్భంగా అతడి స్పందన తెలుసుకునేందుకు ఓ యాంకర్ ప్రయత్నించింది. ఈ సందర్భంలో అతడు తన వ్యాఖ్యలతో వివాదంలో చిక్కుకున్నాడు. భారత జట్టులోకి మళ్ళీ తిరిగి రావడంపై ఇషాన్ కిషన్ ఇచ్చిన సమాధానాలు ప్రస్తుతం సోషల్ మీడియాలో హల్చల్ చేస్తున్నాయి. ఇషాన్ కిషన్ స్పందన తెలుసుకునేందుకు రిపోర్టర్ ఈ విధంగా ప్రశ్నించింది. ” టీం ఇండియాకు తిరిగి రావడం పై మీ ఫీలింగ్ ఏంటి..? ” అని అడగగా.. ” గుడ్ గుడ్ థాంక్యూ” అని సమాధానం ఇచ్చాడు.
Also Read: U19 Asia Cup 2025 Final: తెరపైకి ఆసియా ‘కప్’ గొడవ..ట్రోఫీ ఇస్తాడా? లేక మరోసారి నఖ్వీ పారిపోతాడా!
ఇక జట్టులో చేరే ముందు ఎలాంటి ప్రిపరేషన్ చేస్తున్నారు..? అనే ప్రశ్నకు మాత్రం ఎవ్వరు ఊహించని విధంగా సమాధానం ఇచ్చాడు. ” జస్ట్ గోయింగ్ టు స్లీప్. బై, థాంక్యు” అంటూ చేతిని ఊపి వెళ్ళిపోయాడు”. దీంతో ఇషాన్ కిషన్ చేసిన వ్యాఖ్యలపై పలువురు క్రీడాభిమానులు మండిపడుతున్నారు. అతడు చేసిన వ్యాఖ్యలు నాకు తినడం, పడుకోవడమే కావాలనే విధంగా ఉన్నాయని.. అతడి సమాధానానికి యాంకర్ కూడా షాక్ అయిందని కామెంట్స్ చేస్తున్నారు. చాలా కాలం తర్వాత జట్టులోకి తిరిగి వస్తున్న సమయంలో ఇలాంటి వ్యాఖ్యలు చేయడం సరికాదని క్రికెట్ వర్గాలు అభిప్రాయపడుతున్నాయి.
Reporter: How are you feeling about coming back to Team India?
Ishan Kishan: Good good. Thank you.
Reporter: Any preparations before joining Team?
Ishan Kishan: Just going to sleep. Bye, Thank you😭😭@ishankishan51 #IshanKishan #ICT pic.twitter.com/gzo2JXrAf5— Ishan's🤫🧘🧡 (@IshanWK32) December 20, 2025
Share
Vivo V33 Pro 5G SmartPhone: స్టైల్లో కింగ్.. పర్ఫార్మెన్స్లో తోపు.. వీవో వి33 ప్రో 5జితో ఛార్జింగ్ కష్టాలకు చెక్
KCR: నన్ను తిట్టడమే పనిగా పెట్టుకున్నారు, పాలు-నీళ్లు ఏవో జనాలకు అర్థమైంది: కేసీఆర్
