YouTube: యూట్యూబ్ తమ వినియోగదారుల కోసం క్రేజీ ఫీచర్ను తీసుకొచ్చింది. ఇకపై యూజర్లు యాప్ నుండి బయటకు వెళ్లకుండానే తమకు నచ్చిన వీడియోలను స్నేహితులతో పంచుకోవచ్చు. అలాగే వారితో నేరుగా చాట్ కూడా చేయొచ్చు. మొదట ఐర్లాండ్, పోలాండ్లలో కొద్దిమందితో పరీక్షించిన ఈ ఫీచర్ను ఇప్పుడు అమెరికా, బ్రిటన్, బ్రెజిల్, ఇటలీ, సింగపూర్ సహా ప్రపంచవ్యాప్తంగా మరో 40 దేశాలకు విస్తరించింది.
ఈ కొత్త అప్డేట్ వల్ల యూట్యూబ్ చూసే అనుభవం మరింత సులువుగా మారనుంది. సాధారణంగా మనకు ఏదైనా వీడియో నచ్చితే దాని లింక్ను కాపీ చేసి, వాట్సప్ లేదా టెలిగ్రామ్ వంటి ఇతర యాప్లలోకి వెళ్లి షేర్ చేస్తుంటాం. కానీ ఇప్పుడు ఆ అవసరం లేదు. యూట్యూబ్ యాప్లోనే ఉంటూ మనకు నచ్చిన వీడియోను నేరుగా అవతలి వ్యక్తికి పంపించవచ్చు. కేవలం సాధారణ వీడియోలకే పరిమితం కాకుండా షార్ట్స్, లైవ్ స్ట్రీమ్స్, క్రియేటర్ల అప్లోడ్స్ ఇలా వేటినైనా దీనిలో సులభంగా షేర్ చేసుకోవచ్చు.
Also Read: ఈ వానలకు వేడి వేడి ఫ్రైలు తినాలనిపిస్తుందా? అయితే ఈ Air Fryers మీ కిచెన్లో ఉండాల్సిందే!
ఈ ఫీచర్ ద్వారా వీడియోలను పంచుకోవడమే కాకుండా.. వాటి గురించి అక్కడికక్కడే మాట్లాడుకునే అవకాశం కూడా ఉంది. మనం పంపిన వీడియోలకు స్నేహితులు రియాక్ట్ అవ్వడమే కాకుండా రిప్లై కూడా ఇవ్వవచ్చు. దీనికోసం యూట్యూబ్ యాప్ ఓపెన్ చేసి, నచ్చిన వీడియోను సెలెక్ట్ చేసుకుని షేర్ బటన్ నొక్కాలి. ఆ తర్వాత మన కాంటాక్ట్ లిస్ట్లో ఉన్నవారిని ఎంచుకోవచ్చు లేదా చాట్ చేయడానికి కొత్తగా ఇన్విటేషన్ పంపొచ్చు. ఈ ఫీచర్ 18 ఏళ్లు పైబడిన వారికి, లేటెస్ట్ యాప్ వాడుతున్న వారికి అందుబాటులో ఉంటుంది.
యూట్యూబ్లో దీనికోసం ప్రత్యేకంగా ఒక మెసేజెస్ విభాగం ఉంటుంది. ఎవరితోనైనా కొత్తగా సంభాషణ ప్రారంభించాలనుకుంటే, ఆ సెక్షన్కు వెళ్లి Invite to chat ద్వారా లింక్ పంపవచ్చు. అవతలి వ్యక్తి ఆ ఆహ్వానాన్ని అంగీకరిస్తే ఇద్దరూ కలిసి చాటింగ్ చేసుకోవచ్చు, వీడియోలు షేర్ చేసుకోవచ్చు. అయితే ఈ ఇన్విటేషన్ లింక్ కేవలం 7 రోజులు మాత్రమే పనిచేస్తుందని గుర్తుంచుకోవాలి.
యూట్యూబ్ కేవలం వీడియోలు చూసే ప్లాట్ఫామ్గానే కాకుండా.. ఒక సోషల్ మీడియా వేదికలా మారాలని చూస్తోంది. యాప్లోనే మెసేజింగ్ సదుపాయాన్ని తీసుకురావడం ద్వారా యూజర్లు బయటి యాప్లకు వెళ్లకుండా ఎక్కువ సమయం ఇక్కడే గడిపేలా చేయడమే దీని ముఖ్య ఉద్దేశం. ఈ ఫీచర్లు మరింతగా విస్తరిస్తే.. రాబోయే రోజుల్లో స్నేహితులు, కుటుంబ సభ్యులతో వీడియోలను పంచుకుంటూ ముచ్చటించుకోవడానికి యూట్యూబ్ ఒక ప్రధాన వేదికగా మారే అవకాశం ఉంది.
Also Read: షాకింగ్ ఫీచర్లు.. అమేజ్ఫిట్ నుంచి ఒకేసారి 3 కొత్త స్మార్ట్వాచ్లు లాంచ్.. ధరలు ఇవే!
Share
Merugu Madhu: సినిమా ప్రభావంతో యువత భవిష్యత్తు నాశనం చేసుకోవద్దు: మెరుగు మధు
Jagadish Reddy: హ్యామ్ రోడ్ల పేరిట రేవంత్ సర్కార్ పెద్ద స్కామ్.. సీఎంపై జగదీష్ రెడ్డి సంచలన ఆరోపణలు!
