YouTube Layoffs: ప్రస్తుతం ప్రపంచవ్యాప్తంగా ఆర్టిఫిషియల్ ఇంటెలిజెన్స్(ఏఐ) యుగం నడుస్తోంది. దీంతో పలు దిగ్గజ కంపెనీలు లేఆఫ్స్ పేరిట ఉద్యోగులను తొలగిస్తున్నాయి. ఈ నేపథ్యంలో ప్రముఖ వీడియో స్ట్రీమింగ్ ప్లాట్ఫామ్ యూట్యూబ్ సరికొత్త దిశగా అడుగులు వేస్తోంది. ఉద్యోగులను తొలగించకుండా స్వచ్ఛందంగా వారినే బయటికి వెళ్లిపొమ్మని ‘వాలంటరీ ఎగ్జిట్ ప్లాన్’ను ప్రకటించింది.
ఏఐ టెక్నాలజీ పెరుగుతున్న తరుణంలో యూట్యూబ్లో తప్పనిసరిగా కొన్ని మార్పులు చేయాల్సి వస్తుందని, దీనిని దృష్టిలో ఉంచుకుని కంపెనీ ఈ నిర్ణయం తీసుకున్నట్టు సీఈఓ నీల్ మోహన్ తెలిపారు. ఈ సందర్భంగా ‘అమెరికాలో పనిచేస్తున్న యూట్యూబ్ సిబ్బంది.. స్వచ్ఛందంగా తమ ఉద్యోగాన్ని వదులుకుంటే.. పరిహారం కింద వారికి ఎగ్జిట్ ప్యాకేజీలను అందిస్తాం’అని తెలిపారు.
కంటెంట్ క్రియేషన్, వినియోగదారుడి అనుభవం వంటి వాటిని ఏఐ ప్రభావితం చేయనుంది. దీంతో అమెరికా ఉద్యోగులను స్వచ్ఛందంగా మీకు మీరుగా వెళ్లిపోండి అని ఆఫర్ చేసింది యూట్యూబ్. ఈ కొత్త మార్పులు 05 నవంబరు 2025 నుంచి అందుబాటులోకి రానున్నాయని యూట్యూబ్ తెలిపింది.
ప్రపంచవ్యాప్తంగా గూగుల్, మెటా, అమెజాన్, మైక్రోసాఫ్ట్ వంటి దిగ్గజ టెక్ కంపెనీలు ఏఐ ఆధారిత మోడళ్లను అమలు చేస్తున్నాయి. యూట్యూబ్ కూడా అదే బాట పడుతోంది. కంటెంట్ క్రియేషన్, ఎడిటింగ్, సబ్ టైటిలింగ్, కంటెంట్ మోనిటైజేషన్లో కృత్రిమ మేధ వినియోగాన్ని విస్తృతం చేయాలని యూట్యూబ్ ఈ చర్యలు చేపట్టింది.
ఆర్టిఫిషియల్ ఇంటెలిజెన్స్ ఆధారంగా వినియోగదారుడి ప్రిఫరెన్స్ గుర్తించడం, వీడియో సిఫార్సులు మరింత కచ్చితంగా ఇవ్వడం వంటి మార్పులు త్వరలోనే అమల్లోకి రానున్నాయి. యూట్యూబ్ తన పునర్నిర్మాణంలో భాగంగా.. ప్రొడక్ట్ డివిజన్ను వ్యూయర్ ప్రొడక్ట్స్, క్రియేటర్ అండ్ కమ్యూనిటీ ప్రొడక్ట్స్, సబ్స్క్రిప్షన్ ప్రొడక్ట్స్ వంటి మూడు విభాగాలుగా విభజించినట్లు తెలుస్తోంది.
యూట్యూబ్ తీసుకొచ్చిన ‘వాలంటరీ ఎగ్జిట్ ప్లాన్’ను ఈ సంస్థ వినూత్నంగా ఆలోచించినప్పటికీ.. ఉద్యోగుల కెరీర్పై ఇది ఎంతగానో ప్రభావం చూపుతుంది. అలాగే కొంత మంది ఉద్యోగులు తమ భవిష్యత్తు పట్ల ఇప్పటికే ఆందోళన చెందుతున్నారు. మరికొందరు అయితే, ఏఐ ఆధారిత నూతన అవకాశాలు, క్రియేటివ్ రంగంలో కొత్త జాబ్ రోల్స్ లభిస్తాయనే ఆశతో ఎదురు చూస్తున్నారు.
Share
Team India: మోడీ సార్... గంభీర్, అగర్కార్ ను మీరైనా తీసేయండి.. టీమ్ ఇండియాను కాపాడండి!
Green Tea: వీటిని పొరపాటున కూడా గ్రీన్ టీతో.. కలిపి తీసుకోకూడదు తెలుసా ?
