xMEMS Cooling Fan: మన చేతి గోరంత ఉండే ఒక చిన్న ఫ్యాన్.. రేపు మనం వాడే స్మార్ట్ గ్లాసెస్ భవిష్యత్తునే మార్చేస్తుందని ఊహించగలమా? అవును మీరు విన్నది నిజమే! సాధారణంగా స్మార్ట్ గ్లాసెస్‌ను ఎక్కువసేపు వాడితే వేడెక్కడం అందరూ ఎదుర్కొంటున్న ప్రధాన సమస్య. దీనికి శాశ్వతంగా ముగింపు పలుకుతూ xMEMS Labs ఒక వినూత్న మైక్రో కూలింగ్ టెక్నాలజీని పరిచయం చేసింది.
ఈ కొత్త కూలింగ్ వ్యవస్థను µCooling పేరుతో కంపెనీ పిలుస్తోంది. ఇది ఒక చిన్న చిప్ రూపంలో ఉండి.. నేరుగా గ్లాసెస్ ఫ్రేమ్‌లోనే సరిపోతుంది. చాలా చిన్నదిగా ఉన్నప్పటికీ, పరికరం ఉపరితల ఉష్ణోగ్రతను ఏకంగా 40 శాతం వరకు తగ్గిస్తుందని కంపెనీ చెబుతోంది. అంతేకాకుండా.. వేడిని తట్టుకునే సామర్థ్యాన్ని 70 శాతం వరకు పెంచుతుంది. దీంతో వినియోగదారులు రోజంతా ఎలాంటి అసౌకర్యం లేకుండా ఈ గ్లాసెస్‌ను ధరించవచ్చు.
Also Read: షాపింగ్ మాత్రమే కాదు, ఇకపై ఫుడ్ కూడా.. Flipkart కొత్త ప్లాన్ మామూలుగా లేదుగా!
కేవలం కూలింగ్ మాత్రమే కాకుండా.. బరువు తగ్గించేందుకు అత్యంత సన్నని స్పీకర్ వ్యవస్థను కూడా కంపెనీ పరిచయం చేసింది. ‘సికామోర్’ పేరుతో రూపుదిద్దుకున్న ఈ స్పీకర్ మందం కేవలం ఒక మిల్లీమీటర్ మాత్రమే ఉంటుంది. గ్లాసెస్ హ్యాండిల్స్‌లో అమర్చే ఈ స్పీకర్ల వల్ల బరువు పెరగకుండానే, నాణ్యమైన సౌండ్, ఏఐ అసిస్టెంట్లతో మాట్లాడేటప్పుడు స్పష్టమైన ఆడియో లభిస్తుంది.
ప్రస్తుతం స్మార్ట్ గ్లాసెస్ పరిధి పెరిగి, ఆర్టిఫిషియల్ ఇంటెలిజెన్స్ (AI) ఫీచర్లు ఎక్కువ అవుతున్నాయి. ప్రాసెసింగ్ ఎక్కువయ్యే కొద్దీ వేడి, పరికరం బరువు కూడా పెరుగుతాయి. ఈ రెండింటినీ అదుపులో ఉంచడానికి ఈ కూలింగ్ ఫ్యాన్, సన్నని స్పీకర్ల కాంబినేషన్ అద్భుతంగా తోడ్పడుతుంది. బరువు తక్కువగా, వేడెక్కకుండా ఉండే స్మార్ట్ గ్లాసెస్ రోజువారీ వాడకానికి ఎంతో అనుకూలంగా మారనున్నాయి.
ఈ కొత్త టెక్నాలజీని త్వరలోనే తైపీ, షెన్‌జెన్‌లలో జరగబోయే ప్రత్యేక సదస్సుల్లో కంపెనీ ప్రదర్శించనుంది. ఈ సాంకేతికత గనుక పూర్తిస్థాయిలో అందుబాటులోకి వస్తే.. మనం వాడే స్మార్ట్ గ్లాసెస్ మరింత తేలికగా, స్టైలిష్‌గా, శక్తివంతంగా మారడం ఖాయం.
Also Read: ఓరి నాయనో.. నిజమా? కలా? Samsung Z Fold 7పై ఏకంగా రూ.75,000 దాకా తగ్గింపు!
Share
వీకెండ్ ఎమ్మెల్యేకు నిరసన సెగ.. ఇంతోటి దానికి ఎందుకట ఎమ్మెల్యేగిరీ..!
సీఎంఆర్ కథ కంచికేనా.. ప్రభుత్వ ఖజానాకు గండి కొడుతున్న రైస్ మిల్లర్లు!
