Xiaomi Civi 6 Series: స్మార్ట్‌ఫోన్ మార్కెట్లో తనకంటూ ప్రత్యేక గుర్తింపు తెచ్చుకున్న షావోమీ.. ఇప్పుడు Civi సిరీస్‌లో సరికొత్త ఫోన్లను రంగంలోకి దింపేందుకు ప్లాన్ చేస్తోంది. తాజా లీక్స్ ప్రకారం.. Xiaomi Civi 6, Xiaomi Civi 6 Pro మోడల్స్ త్వరలోనే మార్కెట్లో సందడి చేయనున్నాయి. ముఖ్యంగా కెమెరా క్లారిటీ, డిస్‌ప్లే విషయంలో ఈసారి కంపెనీ గట్టిగానే ప్లాన్ చేసినట్లు కనిపిస్తోంది.
ఫోన్ చూడగానే ముందుగా మనల్ని ఆకట్టుకునేది దాని స్క్రీనే కదా. అందుకే ఈ కొత్త సిరీస్‌లో డిస్‌ప్లే విషయంలో భారీ మార్పులు చేశారు. మామూలు Civi 6 మోడల్ 6.59 అంగుళాల స్క్రీన్‌తో వస్తుంటే.. Pro వెర్షన్ మాత్రం 6.83 అంగుళాల భారీ స్క్రీన్‌తో వస్తోంది. ఈ రెండింటిలోనూ 1.5K రిజల్యూషన్ ఇస్తున్నారు. దీంతో సినిమా చూసినా, గేమ్స్ ఆడినా ఆ ఎక్స్‌పీరియన్స్ వేరే లెవల్‌లో ఉంటుందన్నమాట.
సాధారణంగా షావోమీ తమ Civi మోడల్స్‌లో స్నాప్‌డ్రాగన్ చిప్‌సెట్‌లను వాడుతుంటుంది. కానీ ఈసారి మాత్రం మీడియాటెక్ వైపు మొగ్గు చూపినట్లు తెలుస్తోంది. Civi 6లో డైమెన్సిటీ 8500 చిప్‌సెట్ వస్తుండగా.. Pro మోడల్‌లో ఇంకా పవర్‌ఫుల్ పర్ఫార్మెన్స్ కోసం డైమెన్సిటీ 9500 చిప్‌సెట్‌ను వాడుతున్నారట. దీనివల్ల ఫోన్ స్పీడ్ పెరగడమే కాకుండా.. మల్టీ టాస్కింగ్ కూడా చాలా సులభతరం కానుంది.
Also Read: ఐఫోన్ రేంజ్ కెమెరా, సూపర్ స్పీడ్.. ఈ Vivo S50t ఫోన్ ఫీచర్లపై ఓ లుక్కేయండి!
ఈసారి రెండు మోడల్స్‌లోనూ 50MP పెరిస్కోప్ కెమెరాను వాడుతున్నారు. ఇందులో ఉండే 5x ఆప్టికల్ జూమ్ ఫీచర్ వల్ల చాలా దూరంలో ఉన్న వస్తువులను కూడా పిక్సెల్స్ పగలకుండా చాలా క్లియర్‌గా ఫొటోలు తీసుకోవచ్చు. అలాగే ఇన్‌స్టా రీల్స్ చేసే వారికి, ఫొటోషూట్స్ అంటే ఇష్టపడే వారికి ఇది మంచి ఆప్షన్ అవుతుంది.
గతేడాది వచ్చిన Civi 5 Proలో స్నాప్‌డ్రాగన్ 8s జెన్ 4 ప్రాసెసర్, పెద్ద బ్యాటరీ ఉండేవి. అయితే ఇప్పుడు రాబోతున్న Civi 6 Pro అంతకు మించిన ఫీచర్లతో వస్తోంది. తాజాగా లీకైన సమాచారం ప్రకారం.. ఈ ఫోన్ మన దేశానికి వచ్చేసరికి రూ.41,000 పైనే ఉండొచ్చు. ఫీచర్లను బట్టి చూస్తే ఈ ధర రీజనబుల్ అనిపిస్తోంది.
ఎప్పటిలాగే షావోమీ ఈ ఫోన్లను ముందుగా చైనాలోనే విడుదల చేయనుంది. ఆ తర్వాతే గ్లోబల్ మార్కెట్లోకి వచ్చే అవకాశం ఉంది. స్టైలిష్ లుక్, అదిరిపోయే కెమెరా, పవర్‌ఫుల్ బ్యాటరీతో వస్తున్న ఈ ఫోన్లు యూత్‌ను బాగా ఆకట్టుకుంటాయని టెక్ నిపుణులు భావిస్తున్నారు. మరి ఈ స్మార్ట్ ఫోన్లు మార్కెట్లోకి వచ్చి ఎలాంటి సంచలనం సృష్టిస్తాయో వేచి చూడాలి.
Also Read: 9020mAh బ్యాటరీ.. 90W ఫాస్ట్ ఛార్జింగ్, iQOO Z11 గ్లోబల్ లాంచ్ కన్ఫర్మ్!
Share
బాంబులా పేలుతున్న ఏసీలు.. ఈ పరిస్థితి రావొద్దంటే.. వెంటనే ఇలా చేయండి!
టెన్త్ అర్హతతో 1644 ఉద్యోగాలు.. ఎగ్జామ్ లేకుండానే జాబ్, ఇంకెందుకు ఆలస్యం
