Windows Laptops 2026: లాప్టాప్ మార్కెట్లో ఒకప్పుడు బ్యాటరీ బ్యాకప్ అనగానే అందరికీ గుర్తొచ్చేది యాపిల్ మ్యాక్బుక్ మాత్రమే. కానీ 2026 నాటికి ఈ పరిస్థితి పూర్తిగా మారిపోయింది. సరికొత్త టెక్నాలజీ, ఆధునిక చిప్సెట్లతో వస్తున్న కొత్త తరం విండోస్ లాప్టాప్లు ఏకంగా 40 గంటల వరకు బ్యాటరీ లైఫ్ను అందిస్తూ యాపిల్ సంస్థకు గట్టి పోటీనిస్తున్నాయి. పనితీరు, ధరల పరంగా విండోస్ లాప్టాప్లు ఇప్పుడు మ్యాక్బుక్లకు దీటుగా నిలుస్తున్నాయి.
ఒకప్పుడు విండోస్ లాప్టాప్ వాడుతున్నామంటే ఛార్జర్ ఎప్పుడూ కనెక్ట్ చేసి ఉంచేవాళ్లం. కనీసం 10 గంటలు కూడా బ్యాటరీ రాకపోయేది. కానీ స్నాప్డ్రాగన్ ఎక్స్ ఎలైట్, ఇంటెల్ పాంథర్ లేక్ లాంటి సరికొత్త ప్రాసెసర్లు వచ్చాక కథ మారిపోయింది. ఈ కొత్త చిప్స్ తక్కువ బ్యాటరీతోనే సూపర్ స్పీడ్గా పనిచేస్తాయి. దీనికి తోడు విండోస్ 11 కూడా బ్యాక్గ్రౌండ్లో అనవసరమైన యాప్స్ రన్ అవ్వకుండా చూసుకుంటోంది. అందుకే ఛార్జింగ్ పెట్టకుండానే పనులు చకచకా జరిగిపోతున్నాయి.
విండోస్ నుంచి ఎంత పోటీ వచ్చినా, యాపిల్ బ్రాండ్ వాల్యూ మాత్రం తగ్గలేదు. ముఖ్యంగా వీడియో ఎడిటర్స్, సాఫ్ట్వేర్ డెవలపర్స్, కాలేజీ స్టూడెంట్స్ ఇప్పటికీ మ్యాక్బుక్ ఎయిర్, ప్రో మోడల్స్నే తెగ ఇష్టపడుతున్నారు. చేతిలో ఐఫోన్, ఐప్యాడ్ ఉన్నవాళ్లకైతే మ్యాక్బుక్ వాడటం చాలా ఈజీగా ఉంటుంది. పైగా వీటి లుక్, డిజైన్, స్క్రీన్ క్వాలిటీతో పాటు 15 నుంచి 22 గంటల దాకా వచ్చే బ్యాటరీ లైఫ్ ఎప్పుడూ వీటికి ప్లస్ పాయింట్సే.
మ్యాక్బుక్స్ చూడటానికి క్లాస్గా ఉన్నా, అందరికీ సెట్ అవ్వవు. ముఖ్యంగా వీటి రేట్లు సామాన్యుడికి అందుబాటులో ఉండవు. ఒకవేళ RAM లేదా స్టోరేజ్ పెంచుకుందామన్నా కూడా బాగా డబ్బులు పెట్టాల్సిందే. అయితే గేమ్స్ ఎక్కువగా ఆడేవారికి మ్యాక్బుక్ సెట్ కాదు. అలాగే వీటిలో కనెక్ట్ చేసుకోవడానికి పోర్టులు తక్కువగా ఉంటాయి కాబట్టి.. ఎక్కడికెళ్లినా అదనంగా అడాప్టర్లు, కన్వర్టర్లు మోసుకుంటూ తిరగాలి.
Also Read: అమెజాన్ బంపర్ ఆఫర్.. రూ.25వేల లోపు 4K QLED టీవీలు.. శాంసంగ్, షావోమీల మోడల్స్పై కళ్లుచెదిరే ఆఫర్స్!
విండోస్ లాప్టాప్ల బలం ఏమిటంటే.. సామాన్యుల బడ్జెట్కి తగ్గట్టు దొరకడమే. కాలేజీ స్టూడెంట్స్ తక్కువ బడ్జెట్ నుంచి మొదలుపెడితే.. ప్రొఫెషనల్స్ వాడే హైఎండ్ లాప్టాప్స్ దాకా ఏసస్, హెచ్పీ, లెనోవో, డెల్ లాంటి బ్రాండ్లలో వందల ఆప్షన్లు ఉన్నాయి. ముఖ్యంగా గేమర్లకు విండోస్ లాప్టాప్స్ ఒక వరం. ఇంజనీరింగ్, అకౌంటింగ్ సాఫ్ట్వేర్లు కూడా ఇందులో బాగా రన్ అవుతాయి. ఒకవేళ పాడైనా రిపేర్ చేసుకోవడం, పార్ట్స్ మార్చుకోవడం చాలా సులువు.
వైరస్ భయాలు, కొన్ని అనవసరమైన అప్డేట్స్ లాంటి చిన్న చిన్న తలనొప్పులు విండోస్లో ఉన్నప్పటికీ, తాజా మార్పులు మాత్రం యూజర్లకు పెద్ద రిలీఫ్ ఇచ్చాయి. కేవలం బ్యాటరీ కోసమే లక్షల రూపాయలు పెట్టి మ్యాక్బుక్ కొనాల్సిన అవసరం లేకుండా ప్రస్తుత విండోస్ కంపెనీలు సరికొత్త రికార్డులు సృష్టిస్తున్నాయి. ఈ రెండు కంపెనీల పోటీ వల్ల చివరికి ల్యాప్టాప్ కొనే మనలాంటి కస్టమర్లకే మంచి మేలు జరుగుతోంది.
Share
అమ్మాయిలకు 8-10 ఏళ్లలోనే పీరియడ్స్.. తక్కువ వయసులోనే రుతుక్రమం ప్రారంభానికి ఇవే కారణాలు
BSNL నమ్మశక్యం కాని ఆఫర్.. 330 రోజుల పాటు.. అపరిమిత కాల్స్, డేటా!
