AC Cooling Tips: వేసవిలో ఏసీని పెద్ద ఎత్తున ప్రజలు వినియోగిస్తుంటారు. కొందరైతే సమ్మర్ రావడానికి ముందే ఏసీని సర్వీసింగ్ చేయించి.. ఎలాంటి సమస్యలు రాకుండా సిద్దమవుతుంటారు. అయితే కొన్ని సందర్భాల్లో సర్వీస్ చేయించిన్పపటికీ ఏసీ నుంచి సరైన కూలింగ్ రాకపోవచ్చు. దీని వెనుక అనేక కారణాలు ఉంటాయని నిపుణులు చెబుతున్నారు. ఆ కారణాలు ఏంటి? వాటిని ఏ విధంగా పరిష్కరించాలి? ఈ కథనంలో పరిశీలిద్దాం.
సర్వీసింగ్ తర్వాత కూడా చల్లటి గాలి రాకపోవడానికి 90 శాతం కారణం.. గ్యాస్ తగ్గిపోవడమేనని నిపుణులు స్పష్టం చేస్తున్నారు. ఏసీ గొట్టాల్లో చిన్నపాటి లీకేజీ ఉన్నా గ్యాస్ తగ్గిపోయి.. కేవలం ఫ్యాన్ లాగా మాత్రమే గాలి ఇస్తుంది. ఇలాంటి సందర్భాల్లో టెక్నీషియన్తో గ్యాస్ ప్రెజర్ చెక్ చేయించి.. లీక్ ఎక్కడ ఉందో కనుగొని దానిని రిపేర్ చేయించండి. తర్వాత గ్యాస్ రీఫిల్ చేయిస్తే సమస్య పరిష్కారం అవుతుంది.
సర్వీసింగ్ సమయంలో కొందరు టెక్నిషియన్లు పైపైన క్లీన్ చేస్తుంటారు. దీని వల్ల ఇండోర్ యూనిట్లోని ఎవాపరేటర్ కాయిల్స్, అవుట్డోర్ యూనిట్లోని కండెన్సర్ కాయిల్స్ మధ్యలో దుమ్ము అలాగే ఉండిపోవచ్చు. ఫలితంగా గాలిలోని వేడిని తొలగించలేక ఏసీ నేరుగా ఆ గాలినే సరఫరా చేసే అవకాశముంది. ఈ సందర్భాల్లో డీప్ క్లీనింగ్ చేయించడం ద్వారా కాయిల్స్ సందుల్లోని మొండి మురికిని వదిలించవచ్చని నిపుణులు సూచిస్తున్నారు.
కొందరు చేసే పొరపాటు వల్ల కూడా ఏసీ కూలింగ్ ఇవ్వకపోవచ్చు. ఏసీ రిమోట్ లో అనుకోకుండా ఫ్యాన్ మోడ్, డ్రై మోడ్ ను ఆన్ చేస్తే.. ఏసీ కూలింగ్ ఇవ్వదు. అలాగే ఏసీలోని థర్మోస్టాట్ సెన్సార్ సరిగ్గా పని చేయకపోయినా ఏసీ కంప్రెసర్ ఆన్ అవ్వదని నిపుణులు అంటున్నారు. ఈ సందర్భాల్లో రిమోట్లో ‘కూల్ మోడ్’ ఆన్ లో ఉందో లేదో ఒకసారి చెక్ చేయండి. ఉష్ణోగ్రతను 24 డిగ్రీలకి సెట్ చేసి చూడండి.
సాధారణంగా ఏసీలకు కంప్రెసర్ గుండెకాయ వంటిది. కంప్రెసర్ స్టార్ట్ అవ్వకపోయినా.. పదే పదే ట్రిప్ అయినా కూలింగ్ రాదు. అంతేకాకుండా అవుట్డోర్ యూనిట్ నుండి శబ్దం రాకపోయినా, విపరీతమైన శబ్దం వస్తున్నా కూడా కంప్రెసర్ సమస్య ఉన్నట్లు గుర్తించాలి. ప్రొఫెషనల్ మెకానిక్ ను పిలిపించి.. కంప్రెసర్ పనితీరును చెక్ చేయించి పరిష్కరించుకుంటే బెటర్.
Also Read: Kitchen Tips: వంటగది షెల్ఫ్స్లో.. అల్యూమినియం ఫాయిల్.. ఎన్ని ప్రయోజనాలో తెలుసా?
కొన్ని సందర్భాల్లో ఏసీ బాగానే ఉన్నా.. గదిలోని కిటికీలు, తలుపులు తెరిచి ఉంచడం వల్ల కూలింగ్ బయటకు పోయే ప్రమాదం ఉంది. దీని వల్ల రూమ్ లో చల్లగా అనిపించదు. అలాగే గది పరిమాణం కంటే తక్కువ కెపాసిటీ ఉన్న ఏసీని వాడినా కూలింగ్ సరిపోకపోవచ్చు.
Also Read: ఏసీ, ఇండక్షన్ స్టవ్ ఒకేసారి వాడుతున్నారా? కొంపలు అంటుకుపోతాయ్.. ఈ విషయాలు తెలుసుకోండి!
Share
Gardening: ఇంట్లోనే తాజాగా మైక్రోగ్రీన్స్ పెంచారంటే.. వాటితో అప్పటికప్పుడు నచ్చిన కూర వండేసుకోవచ్చు
దేవర 2 అటకెక్కినట్టేనా? కొరటాలకు ఎన్టీఆర్ హ్యాండ్.. నందమూరి ఫ్యాన్స్కు షాకింగ్ న్యూస్!
