Wine Bottle Screw Caps: సాధారణంగా వైన్ బాటిల్ అనగానే చాలామంది మనసులో మెదిలేది ఆ చెక్క కార్క్ (Cork) మూత, దాన్ని తీసేటప్పుడు వచ్చే శబ్దం. కానీ ఈమధ్య చాలా వైన్ బాటిళ్లకు సాధారణ మద్యం సీసాల్లాగే తిప్పి తీసే స్క్రూ క్యాప్లు రావడం చూస్తున్నాం. అసలు కొన్ని రకాల వైన్లకు మాత్రమే ఇలా నార్మల్ మూతలు ఎందుకు పెడుతున్నారు? దీని వెనుక ఉన్న అసలు కారణాలేమిటో ఇప్పుడు చూద్దాం.
సాధారణ మూతలు పెట్టడానికి మొదటి కారణం సౌకర్యం. కార్క్ మూత తీయాలంటే ప్రత్యేకమైన ఓపెనర్ కావాలి. సరిగ్గా తీయకపోతే అది విరిగి బాటిల్ లోపల పడిపోయే ప్రమాదం ఉంది. కానీ స్క్రూ క్యాప్లతో ఆ తిప్పలు ఉండవు. చేతితో చాలా సులభంగా తెరవవచ్చు. తాగిన తర్వాత మళ్లీ గట్టిగా మూసి భద్రపరుచుకోవచ్చు.
కార్క్ మూతల వల్ల వైన్ లవర్స్కు ఎదురయ్యే పెద్ద సమస్య ‘కార్క్ టెయింట్’. అంటే.. కార్క్ చెక్కలో ఉండే కొన్ని రసాయనాల వల్ల వైన్ పాడుకావడం లేదా బూజు వాసన రావడం జరుగుతుంది. దీంతో దాదాపు 3 నుండి 5 శాతం వైన్ సీసాలు పాడవుతుంటాయి. నార్మల్ మూతలు వాడటం వల్ల ఈ ప్రమాదం ఉండదు.
Also Read: వయసు పైబడిన వారు ఏ నావిగేషన్ యాప్ వాడితే దారి తప్పకుండా ప్రయాణించవచ్చు?
అన్ని వైన్లు ఏళ్ల తరబడి దాచి తాగాల్సిన అవసరం లేదు. మార్కెట్లోకి వచ్చే చాలా రకాల వైన్లు కొన్న కొన్ని నెలల్లోనే తాగేసేవి. ఇలాంటి వైన్లలోని పండ్ల సువాసన, తాజాదనం బయటకు పోకుండా, గాలి తగలకుండా సీల్ చేయడానికి ఈ నార్మల్ స్క్రూ క్యాప్లే చాలా బాగా పనిచేస్తాయి.
సహజమైన కార్క్ మూతల తయారీకి ఎక్కువ ఖర్చవుతుంది. ఆ ఖర్చు బాటిల్ ధరపై పడుతుంది. సాధారణ మూతలను వాడటం వల్ల తయారీ ఖర్చు తగ్గి, వినియోగదారులకు తక్కువ ధరలోనే మంచి వైన్ అందుబాటులోకి వస్తుంది. అందుకే బడ్జెట్ వైన్ల తయారీదారులు ఈ మూతలనే ఎక్కువగా ఇష్టపడతారు.
ఒకప్పుడు నార్మల్ మూత ఉంటే అది తక్కువ రకం వైన్ అనే భ్రమ ఉండేది. కానీ ఇప్పుడు ఆస్ట్రేలియా, న్యూజిలాండ్ వంటి దేశాల్లోని ప్రముఖ కంపెనీలు కూడా తమ అత్యుత్తమ వైన్లకు నార్మల్ క్యాప్లనే వాడుతున్నాయి. వైన్ నాణ్యతను కాపాడటంలో నార్మల్ మూతలు కూడా సమర్థవంతంగా పనిచేస్తాయని వైన్ మేకర్లు నిరూపిస్తున్నారు.
Also Read: మోటరోలా కొత్త ఫ్లాగ్షిప్ ఫోన్ సేల్ మొదలైంది.. ఆఫర్లతో ఏకంగా రూ.10,000 ఆదా!
Share
రూ.1000 కోట్ల ఆస్తి.. వేలాది కుటుంబాల ఇళ్ల కల నెరవేర్చిన మంత్రి లోకేశ్
సహారా ఎడారి లేకపోతే అమెజాన్ అడవి ఉండేది కాదా? రెండింటి మధ్య అసలు లింకేంటి?
