AC Water Leakage: ఏసీ నుంచి కొన్ని సందర్భాల్లో నీరు బయటకు వస్తూ ఉంటుంది. అయితే కూలింగ్ వస్తుంది కదా అని చాలా మంది దీనిని పట్టించుకోరు. అయితే ఇది ఏమాత్రం మంచిది కాదని నిపుణులు సూచిస్తున్నారు. దీనివల్ల గోడలు పాడవటమే కాకుండా.. మిషన్ సైతం దెబ్బతినే అవకాశముందని హెచ్చరిస్తున్నారు. ఇంతకీ ఏసీ లీకేజీకి ప్రధాన కారణాలు ఏంటి? వాటికి చెక్ పెట్టేందుకు తీసుకోవాల్సిన జాగ్రత్తల గురించి ఈ కథనంలో తెలుసుకునే ప్రయత్నం చేద్దాం.
ఏసీ నుంచి నీరు కారడానికి అనే కారణాలు ఉంటాయని నిపుణులు పేర్కొంటున్నారు. అయితే డ్రైన్ పైపు బ్లాకేజీ కూడా ఇందులో ఓ కారణమని స్పష్టం చేస్తున్నారు. ఏసీ నుండి నీటిని బయటకు పంపే పైపులో దుమ్ము, ధూళి లేదా నాచు పేరుకుపోవడం వల్ల నీరు వెనక్కి తిరిగి లోపలికి కారే ఛాన్స్ ఉంటుంది.
ఫిల్టర్లలో దుమ్ము ఎక్కువగా చేరినప్పుడు గాలి ప్రసరణ సరిగ్గా జరగదు. దీనివల్ల లోపల ఉండే కాయిల్స్ గడ్డకట్టి.. ఆ తర్వాత ఆ మంచు కరిగి నీరులా కారుతుంది.
ఏసీలో గ్యాస్ తక్కువగా ఉన్నప్పుడు ఎవాపరేటర్ కాయిల్స్ గడ్డకడతాయి. ఇది లీకేజీకి దారి తీస్తుందని నిపుణులు స్పష్టం చేస్తున్నారు. పాత ఏసీల్లో నీటిని సేకరించే ట్రే (Drain Pan) తుప్పు పట్టడం లేదా రంధ్రాలు పడటం వల్ల కూడా నీరు కారొచ్చు.
ఏసీని సరిగా ఇన్ స్టాల్ చేయకపోయినా కూడా వాటర్ లీకేజీ సమస్య వస్తుందని నిపుణులు పేర్కొంటున్నారు. నీటిని బయటకు పంపే పైప్స్ ను సరిగ్గా ఫిక్స్ చేయకపోవడం అది రివర్స్ లో వచ్చే ఛాన్స్ ఉందని తెలిపారు.
Also Read: Best Printers 2026: మీ ఇంటికి కొత్త ప్రింటర్ కావాలా? ఈ టాప్ 5 మోడల్స్ చూడాల్సిందే!
కొన్ని చిట్కాలు పాటించడం ద్వారా ఏసీ వాటర్ లీకేజీ సమస్యకు చెక్ పెట్టవచ్చు. ప్రతి 15 రోజులకు ఒకసారి ఏసీ ఫిల్టర్లను తీసి శుభ్రం చేయడం వల్ల గాలి ప్రసరణ మెరుగవుతుంది. డ్రైన్ పైపులో ఏవైనా అడ్డంకులు ఉన్నాయేమో చూసి ఎప్పటికప్పుడు వాటిని తొలగిస్తూ ఉండండి. సంవత్సరానికి కనీసం రెండు సార్లు ప్రొఫెషనల్ టెక్నీషియన్తో సర్వీసింగ్ చేయించడం మందని నిపుణులు సూచిస్తున్నారు.
Also Read: బడ్జెట్ ధరలో టచ్ స్క్రీన్ ల్యాప్టాప్ కావాలా? అమెజాన్ సేల్లో అదిరిపోయే ఆఫర్లు!
Share
వివేక్ ఆత్రేయతో బాలయ్య మూవీ.. గూస్ బంప్స్ తెప్పించే అప్డేట్!
ఆయన కోసం జీవితంలో దిద్దుకోలేని పొరపాటు చేశాను.. లయ ఎమోషనల్!
