AC Explosion: సెగలు కక్కుతున్న ఈ వేడి ఉష్ణోగ్రతలో చల్ల చల్లని గాలి వీచే ఎయిర్ కండీషనర్లు కొన్నిసార్లు మనుషుల పాలిట శాపంగా మారుతున్నాయి. ఇంట్లో ఏసీ వాడేటప్పుడు మనం చేసే చిన్న చిన్న పొరపాట్లే ప్రాణాలు పోయే ప్రమాదాలకు దారితీస్తున్నాయి. ఇటీవల అనకాపల్లిలో జరిగిన ఏసీ పేలుడు ఘటన అందరినీ కలవరపెడుతోంది.
హాయిగా నిద్రపోతున్న మనిషిని ఆ ఏసీ నిద్రలోనే బలి తీసుకుంది. అర్ధరాత్రి ఒక్కసారిగా ఏసీ పేలడంతో బెడ్కు మంటలు అంటుకుని, ఆ మనిషి నిద్రలోనే శాశ్వతంగా కన్నుమూశాడు. అసలు ఏసీలు ఎందుకు పేలుతాయి? మనం చేసే పొరపాట్లు ఏమిటి? అలాంటి ప్రమాదాలను ఎలా నివారించాలి? అనే విషయాలను ఇప్పుడు వివరంగా తెలుసుకుందాం.
ఏసీకి మెయిన్ పార్ట్ కంప్రెషర్. బయట ఎండలు 45 డిగ్రీలు దాటిందంటూ.. మనం ఏసీని గంటల తరబడి, అస్సలు ఆపకుండా వాడేస్తుంటాం. దీనివల్ల కంప్రెషర్ విపరీతంగా వేడెక్కిపోతుంది. మెషిన్ మీద లోడ్ ఎక్కువైతే లోపల ప్రెజర్ పెరిగి ఒక్కసారిగా పేలిపోయే అవకాశం ఉంటుంది. అందుకే.. ఏసీకి అప్పుడప్పుడు కాస్త విరామం ఇవ్వడం చాలా ముఖ్యం.
Also Read: వాల్కి స్టిక్ చేస్తే చాలు.. కిచెన్లో హాయిగా వంట చేసుకోవచ్చు, ఈ ‘ఏసీ ఫ్యాన్’ ధర ఎంతంటే?
ఏసీలో వాడే గ్యాస్ (R-32 లేదా R-410A) చాలా పవర్ఫుల్. పైపులు పాతవైపోయినా లేదా ఫిట్టింగ్ సరిగ్గా లేకపోయినా గ్యాస్ లీక్ అవుతుంది. ఇలా లీకైన గ్యాస్ గదిలో ఉన్నప్పుడు, ఏ చిన్న ఎలక్ట్రిక్ స్పార్క్ (షార్ట్ సర్క్యూట్ వంటిది) వచ్చినా గది మొత్తం మంటలు వ్యాపించే అవకాశాలు ఎక్కువగా ఉంటుంది.
సాధారణంగా కొన్ని ప్రాంతాల్లో కరెంట్ ఎప్పుడు వస్తుందో, ఎప్పుడు పోతుందో తెలియదు. వోల్టేజీలో తేడాలు రావడం వలన ఏసీలు బాంబులా పేలుతున్నాయి. అలాగే నాణ్యత లేని వైర్లు వాడితే అవి త్వరగా వేడెక్కి షార్ట్ సర్క్యూట్ అవుతాయి. అందుకే.. మొండితనానికి పోకుండా మంచి క్వాలిటీ ఉన్న స్టెబిలైజర్ను వాడటం చాలా ముఖ్యం.
చాలామంది అవుట్డోర్ యూనిట్ను గాలి ఆడని ఇరుకైన సందుల్లో లేదంటే విపరీతమైన ఎండ తగిలే చోట పెడతారు. ఈ మెషిన్లోని వేడి బయటకు వెళ్లకపోతే అది త్వరగా హీట్ ఎక్కి ప్రమాదాలకు దారితీస్తుంది. కాబట్టి.. యూనిట్ చుట్టూ గాలి ఆడేలా చూసుకోవడం మర్చిపోవద్దు.
ఎయిర్ కండీషనర్ ఫిల్టర్లలో దూళి పేరుకుపోతే గాలి రాదు. అప్పుడు కూలింగ్ ఇవ్వడానికి మెషిన్ చాలా కష్టపడాల్సి ఉంటుంది. ఇలా యంత్రం మీద భారం పెరిగితే అది కాలిపోయే ప్రమాదం ఉంటుంది. అందుకే ఏడాదికి కనీసం రెండు సార్లయినా టెక్నీషియన్ను పిలిపించి చెక్ చేయించుకోవడం చాలా అవసరం.
Also Read: రూ.800కే ఇండక్షన్ స్టవ్ అని ఎగబడి కొన్నారు.. కట్ చేస్తే, ఢాం!
Share
CAG Report: తెలంగాణ ఖజానా మొత్తం ఖాళీ.. కాగ్ రిపోర్టులో విస్తుపోయే సంచలనాలు
ఒకే ప్రేమ్ లో మెగా లేడీస్... చూడ్డానికి రెండు కళ్ళు సరిపోవట్లేదుగా!
